الله يسعد اللي يرد :(

[سحر الانوثه]

السلام عليكم ورحمه الله وبركاتة
كل عام وانتو بخير

ان شاء الله تفيدوني وتردوا عليا

باختصار انا معدلي 3 و تخصصت في علوم الفيصلية وانا ابغى علوم طبية

هل اقدر ارفع معدلي واحول بعدين او لا ؟؟
واذا فيه احد حول للعلوم الطبيه يقولي كيف وايش كان يدرس قبل كذا ؟؟

اتمنى القى ردود

[طالبه حايصه]

ولا ما اعرف .. بس اتوقع انو تقدري لانه زيك زي الي بالسليمانيه .. اول مايفتح تحويل العلوووم لاقسام الطب .. حولي لمن يرتفع معدل .. الله يوفقك يارب

[صدى الأحلام]

وعليكم السلام ورحمة الله وبركاته
حاقلك اللي اعرفو بس انتي برضو حاولي تسألي وتتأكدي اكثر وإن شاء الله غيري يفيدك اكثر مني :)
كلية العلوم هي الكلية الوحيدة اللي يقدرو طالباتها يحولو لاي مجال طبي لكن طالبات الكليات الاخرى يقدرو يحولو بس مو للكليات الطبية .. بعد ماتدرسي ف كلية العلوم سنة لانو التحويل للكليات الطبية سنوي يعني مو زي باقي الكليات كل ترم يفتح التحويل. لاااااااازم يكون معدلگ مررة عالي يعني فوق 4.50 وإن شاء الله حتقدري تجيبي دا المعدل ثقي بالله وربي يوفقگ يارب
امممممم ايوة حبيت اقولك شي بس من وجهة نظري. اذا تبي تحولي حاولي تاخذي المواد العامة اللي هي الثقافة والعربي عشان ترتاحي منهم ف العلوم الطبية وحاولي تاخذي موواااد سهلة عشان لا تطيح لگ المعدل طبعا انا جالسة اتكلم ف دي السنة اللي انتي انقبلتي فيها علوم ف الفيصلية

واذا ف فكلامي شئ مو واضح انا حاضرة.افهمگ هو
ربي يوفقگ وينور دربگ ^^

[سحر الانوثه]

مرررررررا شكرا ويعطيكم العافية يارب

ياليت اذا تقولي لي ايش التخصص اللي اختاروا من العلوم يسهل لي التحويل بعدين ((ما ادري اذا كان الاحياء ؟
وايش هيا المواد اللي تسهل عليا غير عربي ودين

ياليت تساعديني اكثر واكون شاكرة لك

بس ممكن سؤال: هل في بنات قد حصل لهم وحولوا من علوم لكليه العلوم الطبيه !!!!!!!

[صدى الأحلام]

بالنسبة عن التخصص اللي يسهلك التحويل ف ما اتوقع انها تفرق. يعني لو دخلتي كيمياء او فيزياء او احياء ...... الخ ماتفرق عن بعض اهم شي انك ف كلية العلوم

بالنسبة عن سؤالك للمواد انا كان قصدي انك تاخذي ثقافة وعربي عشان ترفعي معدلك وحاولي تجيبي فيهم a+ وانا قلتلك خذيهم عشان اصلا لازم تاخذيهم لو دخلتي علوم طبية ف انتي عشان يسهل عليكي ضغط المواد خذيهم وافتكي منهم عشان إن شاء الله لو حولتي عندنا يسير تتفرغي لمواد التخصص .. بس بصراحة انا لاني ما درست ف كلية العلوم ف ما اعرف ايش هي المواد السهلة انتي ادخلي ع منتى كلية العلوم واسالي عن المواد السهلة وخذيها وبصراحة انا احس الاحياء شوي صعب وسمعت انو دكاترتو مو مرررة بس الله اعلم انتي عارفة الجامعه واشاعاتها بس اللي سمعتو انو قسم الفيزياء دكاترتو كويسين لانو طالباتو قليل وكل ما كان عدد طالبات القسم قليل كل ما كان احسن

بالنسبة لسؤالك الاخير عن اني اعرف بنات حولو بصراحة ما اعرف بس قرات ف المنتدى انو ف بنات حولو من علوم لعلوم طبية بس المعدل لازم يكون عالي وانا اعرف كتير من البنات قبل نظام السنة التحضيرية كانو يقدرو يحولو من اي كلية لكلية العلوم الطبية بس بعد ما جا نظام السنة التحضيرية ما تقدري تحولي لاي مجال طبي الا لو كنتي ف كلية العلوم فقط ودا الكلام سمعتو بنفسي من الدكتورة ابتسام باعبيد مديرة العمادة لمن جو طالبات يسالوها عن التحويل

إن شاء الله اكون افدتك:) .. اذا تحتاجي اي شي احنا حاضرين ^^

[Dr.Shaikhah]

إن شاء الله تتحولين اهم شي جيبي معدل فوق 4.5 وتتسهل الأمور

وبالنسبه للتخصص الأسهل , اختاري تخصص تحبيه وتحسي نفسك شاطره فيه عشان يرتفع المعدل وتحولي عندنا ^^

[سحر الانوثه]

ان شاء الله يارب
طيب لما يحولوني المعدل يعتمد على السنه التحضيريه و التخصص اللي حدرسه
ولا بس اللي بعد التحضيري ؟؟؟؟

[صدى الأحلام]

المعدل التراكمي وهو معدل السنة التحضيرية بالاضافة الى معدل التخصص

اي استفسار احنا حاضرين ^^