التغـذية العلاجيـة ~ استفساراتكم ~

[ساااااارونه]

بسـم الله الرحمــن الرحيــم

السلام عليكم ورحمة الله وبركــاته~

أبارك لكم دفعه 13 ع القبوول بكليتنا مره ثانيه وثالثه ورابعه :)

بما انو تخصصي تغذيه علاجيه فحبيت أفيــدكم فيــه
جمعتلكم الروابط اللي تهمكم لمواضيــع الأخوات قبلــي في موضوع واحد
بلاش من تكرار المواضيــع >.<

الفروقات بين قسم التغذية الإكلينيكية وَ قسم الغذاء والتغذية " مهم للمستجدات " ..
http://www.skaau.com/vb/showthread.php?t=593601


بطاقة تعريفية عن قسم " التغذية الإكلينيكية " ..
http://www.skaau.com/vb/showthread.php?t=421438


آلـ تِغٌذِية آلعُلآجَيًــة - آلآگليًنيگيهُ- ,, الله يًحِييًگمٍ ,,
http://www.skaau.com/vb/showthread.php?t=238516

*ملاحظه:
الدكتورات يتغيروا من سنه لسنه يعني بعض اللي درسوا السنه اللي قبلنا درسونا في مواد ثانيه..

*نصيحه:
اللي حابه التخصص تدخله بدون تردد لاتخافو من المواد والدكاتره
كل تخصص فيه الصعب والسهل..
واحنا بإذن الله حنجي عندكم ونكلمكم عنهم ونعطيكم النصايح :)

>> أي استفســـار عن التخصص أنا حاضــرة :)

[ساااااارونه]

:: من الاستفسارات اللي وصلتني ع الرسائل الخاصه:

1-اذا اللي يبغو التغذيه اكثر من المطلوب ايش المعياار ف اختيارهم وكمان يقبلو كم طالبه ف التغذيه ؟؟
يقبلو ع حسب المعدل
السنة اللي فاتت قبلو 18 طالبه عشان مافي امكانيات عندهم وحولو كم بنت وصرنا 22

*
2-اذا وحده انقبلت موازي تقدر بعد سنه تحول انتظام وكم لازم يكون معدلها ؟؟
النظام جديد عندنا يمكن تقدر تحول لانو عند البشري يحولو اللي نسبهم عاليه لانتظام

*
3-فين مكان الدراسه والجداول ع حسب علمي انه مانقدر نغير فيهاا مو ؟؟ وكمان كم ساعات الدوام الافتراضيه؟
المبنى الأصلي للكليه مبنى 12 وسنه ثانيه يدرسو بمبنى 13
ايوا الجداول تكون جاهزه من الكليه
الدوام يبدأ من 8 وأحيانا من 9 إلى 2 أو 3..

*

[l.f]

يسلموو سارونه انك جاوبتي ع استفساراتي واذا عندي شي ثاني اكيد ح اجي واسااال واكيد حنستناكم ف الكليه ونستفيد من خبراتكم

[ساااااارونه]

^^
الله يسلمــك ياارب
ان شاء الله :)

[رونق احساس]

الله يسعدك سميتي سارونة
عندي كم استفسار بما اني انقبلت في الكلية ومقبلة على زواج احتاج رد دقيق

انا بحكم قراأتي لدا القسم انو كلو بنات ابدا مافي اختلاط صح

طيب ممكن يدخل علينا دكاترة رجال في نفس الكلاس؟

وفي التطبيق حيكون في المستشفى مع مجموعة بنات ولا معانا اولاد
ووقت التطبيق حتكون معانا دكتورة ولا دكتور

عارفة انني مشددة على دا الموضوع لكن يهمني كثيير

[أسرار سامي♥]

*


السّلآم عليكم ورحمة الله وبركآته
أي موضوع يحمل عنوان التّغذيه الاكلينيكة يجذبنِّي "$
جِزيتي خيراً يآ جّميلة سؤآلي بخصوص دورة تيش مي ميدكل اللتي ينفذهآ طلآب دفعة 12 ؟
هل هيآ مفيدة لأي تخصص صحي أم فقط لطب ! ؟

[رونق احساس]

ساااارووونة جاوبيلي على سؤالي فوق الله يخليكي
وبنات الي عندها خبر تردلي ربي يسعدكم

[ساااااارونه]

المشاركة الأصلية كتبت بواسطة رونق احساس الله يسعدك سميتي سارونة عندي كم استفسار بما اني انقبلت في الكلية ومقبلة على زواج احتاج رد دقيق انا بحكم قراأتي لدا القسم انو كلو بنات ابدا مافي اختلاط صح طيب ممكن يدخل علينا دكاترة رجال في نفس الكلاس؟ وفي التطبيق حيكون في المستشفى مع مجموعة بنات ولا معانا اولاد ووقت التطبيق حتكون معانا دكتورة ولا دكتور عارفة انني مشددة على دا الموضوع لكن يهمني كثيير

ويسعدك يارب ومعليش ع الـتأخير :/
ع فكره اسمي مش ساره ^_*

في التدريس حيدخلو رجال سنه ثالث ورابع
أما في التطبيق أتوقع تكون معانا دكتورات
والمستشفى أتوقع حيدخل رجال
لأنو لما بتطبقي ع شخص ممكن يكون ع الجنسين
إذا انتي متحجبه ومحترمه ليه خايفه؟

[ساااااارونه]

المشاركة الأصلية كتبت بواسطة angelic * السّلآم عليكم ورحمة الله وبركآته أي موضوع يحمل عنوان التّغذيه الاكلينيكة يجذبنِّي "$ جِزيتي خيراً يآ جّميلة سؤآلي بخصوص دورة تيش مي ميدكل اللتي ينفذهآ طلآب دفعة 12 ؟ هل هيآ مفيدة لأي تخصص صحي أم فقط لطب ! ؟

أهلين وعليكم السلام ورحمة الله وبركاته
يسعدك ربي :)
لكل التخصصات الصحيه ..

[عائـشه]

يعطيكي العافيه عالموضوع
عند كم استفسار ..
- سمعت انو التغذية مافي موازي صح دا الكلام ولالا ؟
- متى نختار القسم اللي نبغاه من الاودس ولا لما نداوم ؟
- الشرح كيف يكون كلو بالانقلش ولا الاتنين ؟ واللي لغتهم مو مرا هل حيكون صعب عليهم ؟
- اذا ماقدرت اكمل في الكلية متى اقدر احول لكلية تانية ؟

و شكرا مقدماً ربي يسعدك ❤