اعلان المقبولات

[حفيده الرسول]

متى يتم الاعلان عن عدد المقبولات
وياليت تقولنا كل وحده عن مقابلتها و توقعاتها

[ام مرزوق]

السلام عليكم الحمد لله عملت المقابلة صراحة احسها بسرعة صارت ومن الاسئلة اللي اذكرها- 5 سنوات في البيت ايش عملت فيها -ليش ماكملت ماجستير-حاجة قالتها بالانجليزي ايش وظيفتها في البوربوينت (للاسف ماعرفتها )صراحة تقريبا تسال على حسب اجابتك السابقة الله يوفق الجميع وما يضيع لأحد تعب يارب
وفي طلب من البنات اللي لسا بيروحوا أنه مكتوب في موقع القبول النتايج يوم 16 -8 طيب لو كنا مسافرين ذيك الايام وانقبلنا؟؟ صراحة ياليت وحده من اللي لسا بيعملو مقابلة بكرة تسأل متى تسليم الملفات لو انقبلنا في المقابلة وكنا خارج جدة ؟؟ وكمان فين راح تكون اسماء المقبولات ..وبالتوفيق للباقين اشاء الله..

[حنين المشاعر]

أبشري ياقلبي ان شاء الله أسألهم بكره وارد لك خبر

دعواتك لي بالتوفيق والقبول يااارب

[ام مرزوق]

الله يوفقك ويسهل لك كل امورك حبيبتي
ومن المقبولين في الدنيا والآخرة إن شاء الله

[حنين المشاعر]

حبيبتي سألت اليوم وقالت لي انه الي انقبلت في المقابلة راح نتصل عليها ان شاء الله سألتها راح يكون متى هذا الاسبوع

او متى قالت هذي اليومين انتظري اتصالنا والله يكتب لنا ولك وللجميع التوفيق يارب

[ام مرزوق]

شكرا والله يوفق الجميع إن شاء الله

الله يعين على الانتظار .......

[بسمة جدة]

الى الاخوات اللي عملو المقابلة ... ا يش الاسئلة اللي جاتك في المقابلة... وكيف يكون اللبس للمقابلة ولازم اللم شعري ...لانه والله هالاشياء شغالتني وبكرة المقابلة ..واذا سألت ليش حابة تدخلي دبلوم التربوي ايش اقولها لان انا تخصصي ادارة اعمال... ياليت اخواتي تجاوبيني وكل من له خبرة بالموضوع ...وماذا اخذ من اوراق معايا...

[بسمة جدة]

الحمد لله عملت المقابلة وعدت ...سألتها متى النتائج قالت قريبا خلال هذالايام ...وسالت كم عدد اللي عملو المقابلة قالت كثير وكمان كم عدد اللي نجحوفي الاختبار ...قالت انتي لي تسالي انتي حتاخذي اللي ربنا كاتبه قلتله علشان استنتج عدد اللي ينقبلو قالت كلام بما معناه خليها على الله ...حبيباتي حبيت اقلكم كل شيئ بالتفصيل

[حفيده الرسول]

سمعت المتقدمات 400 وشوى
وللمقابله 120
وحيأخذوا 80 وحده

[أم سامر]

الله يكتب اللي فيه الخير