•.♥.• هآآذي أنا .. ( مدونتي ) .. الوردة الموفية •.♥.•

[الوردة الموفية]

اللي يبينا عيّت النفس تبغيه ...

... واللي نبيه عيّـا البخت لايجيبه



.. .. ..
ايه والله انكـ صادقه










.. .. ..

اليوم قريت قصة هذا الشعر ..

هو بيت من قصيدة للشاعرة نورة الحوشان حيث كانت تعيش مع زوجها عبود بن علي بن سويلم وقد وقع بينهما خلاف ادى الى طلاقها طلاقا لا رجعة فيه وبعد الطلاق تقدم الكثير طالبين الزواج منها حيث انها امرأة جميلة ومن عائلة معروفة وقد رفضت الزواج بعد زوجها عبود الذي كانت تحبه وترى فيه مواصفات الرجل المثالي وذات يوم كانت تسير على طريق يمر بمزرعته وبصحبتها أولادها منه عندما مرت بمزرعته رأته فوقفت على ناحية المزرعة وانطلق الاولاد للسلام على ابيهم وبقيت تنتظرهم الى ان رجعوا اليها فأخذتهم واكملت مسيرها وقد تذكرت ايامها معه وتذكرت من تقدم الى خطبتها بعد طلاقها ورفضها لهم فقالت قصيدتها المؤثرة ..

[الوردة الموفية]

أبشرك ما عاد يوجعني فراق
وأقسى وجع يزول بثواني ..
عودت قلبي لا حمل هم أو ضاق
ارمي ولا أسال عن اللي رماني ..
وعودت نفسي للمتاهات ما انساق
ولا أسيل دمع عيني واعاني ..
وخل الحياة تروح والعمر ارزاق
يمكن مع الأيام يضحك زماني ..

\\

[الوردة الموفية]

خسيـتـي لعنـبـو خــدك ؛ خسـيـتـي والـغـلـط يـنـعـاب
........................ خسيتي واقلبي وجهك ؛ ولا كلمه ؛ولاجابـه

خسيـتـي والـزمــي حـــدك ؛ تـراهــا ضـاعــت الاداب
........................ انا لاطاشت جنوني ؛ يعرف الجاهـل ادابـه

وش المـغـزا مــن الكلـمـه بــلا داعــي بــلا الاسـبـاب
........................ وهرج الكذب والتجريح ؛ قوليلي وش اسبابه

انـا الشـرهـه عـلـي انــي فتـحـت لخافـقـي كــم بــاب
........................ ولكن مثل ماجيتي !!! ترا كبر الجمـل بابـه

خـذي نفسـك مـعـك بــرا ؛ ثــم انقلـعـي بــدون إيــاب
........................ فمان الله ؛ والا اقول :: فمان ابليس واصحابه

تحسبيـنـي عـلـى فـرقـاك ابـنــدم واغـــرق الاهـــداب
........................ انا مبسوط يوم اني ؛؛ طردت الشوم وغرابه

انــا مــا اعـاشـر الخـايـن ولا اسـمـع هـرجـة الـكـذاب
........................ومثلك قيمته عنـدي تحـت الزيـرو حسابـه

هــذاك الـلـي تحبيـنـه ؛ حـقـيـر و خـكــري ولـعــاب
........................ عاجبك ان قذلته شقراء ويميّل بالشعـر كابـه

صحـيـح انــه حقـيـر و زيــن وشكـلـه للنـسـاء جــذاب
........................ تشّبه بأخته فلانـه ؛؛ ومنهـا الـدم متشابـه

وانـا مانيـب حــرف الـجـر ؛؛ تجريـنـه عـلـى الاعــراب
.......................انا حرف(ن) جزم نفسه ؛ ومثلي يصعب اعرابه

تشـوم النفـس عــن زيـنـك عـقـب مـاطـاح فيـهـا ذبــاب
........................ وانا حر(ن) ولد حر ؛؛ تركت الزين وذبابـه

انـا يابنـت مــن ربــع(ن) لـهـم فــوق الفـخـر مـحـراب
........................ انا من روق ياخبله ؛ وربعي الهيله ( عتابه )

انــا شـيـخ(ن) ولــد شـيـخ ؛ بـذكـره تنـعـم الانـســاب
........................ اليا قام العرب كلاً ؛؛ يراجع دفتـر انسابـه

ولـد شيـخ(ن) وسـط ربـعـه لــه بـيـن الـرجـال حـسـاب
........................ اليا ضاقت به الارياء ؛ يهز الارض مشعابـه

محنكـنـي عـلـى الطيـبـه مــن يـومـي صغـيـر وشــاب
........................ اجل وش رايك بطفل(ن) دلال القهوه العابـه

تــرى بــدري عـلـى مثـلـك تعـيـب وساسـهـا مـعـيـاب
........................ ياليت اللي يعيبني ؛؛ يحـاول يستـر ثيابـه

انــا لاجتـنـي الـزلـه ؛ مــن الجـاهـل وهـــو كـــذاب
........................ تركت القافله تمشي ؛؛ وراهـا تنبـح كلابـه

وانــا ليـامـن كـشـف ان الـخـوي اصـبــح لـسـانه داب
........................ نزعت السم من عرقه وكسرت بمخلبي نابـه

خــلاص الـيـوم يافـلانـه ؛ كرهـتـك والقـلـوب غـــراب
........................وترى كل طير(ن) بكبد السماء يشبع مخلابـه

خـسـاره مثـلـك بقـلـبـي تـضـمـه غـرفــة الاحـبــاب
........................ وخساره غلطة العاشق ؛ يحطك اول احبابـه

بعـد هـذا تبيـن ارجــع لاجــل عيـنـك نصـيـر اصـحـاب
........................ خسيتي واقلبي وجهك ؛ ولا كلمه ؛ ولاجابـه


.. .. ..

الشاعر هذا أحسه حاااقد وبقووهـ كمان .. بس رهيب بصراحة ..

ودي أعرف إسمه

[الوردة الموفية]

انا اعترف اني مع الوقت ترجــيت ...
... وانا اعترف ندمانة كل الندامــــة
في داخلي انسان مايكره الصيت ...
... ولكن يموت بعزته واحترامــــــه
لاتسالني ليه اجنبت وليه اقفيت ...
... لي عزة تسوى الف هامــــــــــة
ابعتذر مدري يمكن انا اخطيــــــت ...
... لاجلك يهون الصعب الا الكـرامـة

[الوردة الموفية]

حي منهو لا ذكرتـه دريـت أنـي بخيـر
صاحب لا شافنـي ضقـت منـه ضمنـي
يشتعل بي لين يطفا على العـرق الأخيـر
وأنثر له شـوق واليـا أنتثـرت أيلمنـي
يـا تنـداي الخليـه علـى طاقـة حريـر
يـا مخوفنـي وقاطـع رجـاي وممـنـي
يا أمل يا خيبتـه يـا متاهـه يـا مصيـر
خـل قلبـك لا تراخـا الزمـان أيزمنـي
ما بي الدنيا أبيك انت لانـك أنـت غيـر
جيت فحضانك طفل وأنت أبـوي وسمنـي
شوف فوق وغن بسمي على اللحن القصير
وخصني في كـل لمحـة غـرام وعمنـي
بشعـل الدنيـا عبيـر وبطفيهـا عبـيـر
ولا بناشد مـن مدحنـي و لا مـن ذمنـي
جيـت للدنيـا كبيـر وبفارقهـا كبـيـر
ومن زعل ما همني ومن رضا مـا همنـي

.. .. ..

سعد علوش

[الوردة الموفية]

1\12\1432

هذا اليوم أكيد ما راح انساهـ ..

الله يعين بس ..

[الوردة الموفية]

<< شكلي بعد أختبآآر اليوم
حسبي الله على ابليسها .. مدري من وين جايبة الأسئلة ..
ألفت لها منهج جديد ..
الله يستر .. قال برفع المعدل << تحطمت اليوم

[الوردة الموفية]

يآآآرب وفقني .. ويسرلي الخير في حيآآتي ..
تكفوون ادعوولي والله اني في ضيقه ما يعلمها غير ربي
..

[الوردة الموفية]

أحس بفرحة ما تواازيها فرحة بالدنيا الحمد لله ..

ربي يكتب الي فيه الخير يآآرب ..

يالبى قلوبكم كلكم الي دعيتولي .. كم أعشقكم

[الوردة الموفية]

آآما قبل شوي سارلنا موقف ..

ولد خالتي ودانا السوق .. وحنا في السيارة نسمع صوت بسه ..

وقام ولد خالتي وقف عند استراحة .. وجلس يحاول يشوف وين البسه والصوت مررة عالي

والاستراحة كان فيها زواج وكان واحد واقف برا وشاف ولد خالتي حايس وجا يساعدهـ ..

والرجال مررة طوَول وهو يحاول المسكين وثوبو تعدم . وبعدين جا واحد ثاني كمان ..

وقمنا دقينا على ابوي وجا ابوي ..

و بعدين فكو الكفر وكانت هيآآ مخشوشه وراهـ .. مدري كيف ما ماتت سبحان الله ..

بس طووولنا وحنا واقفين .. والله مرررة تعب ..

الرجال الي جو يساعدونا من الاستراحة يقولون ادخلو في قسم للنساء هناك ..

قمت اقول لأمي فشله والله ما ندخل .. حتى روج ماني حاطه

المهم انه الحمد لله خرجت وما فيها اصابات ابدن ..

وتشكرنا من ذول الي ساعدونا ماشاء الله عليهم ربي يوفقهم ..

ورحنا السوق بعدين :)