الكيمياء الغير عضوية 221 & 322

[ميثان حلقي]

السلام عليكم ورحمة الله و بركاته

كيف حال الكيميائيين و الكيميائيات

عشان لا نطول

الزبدة انا فتحت الموضوع هذا للإجابة على اسئلتكم و استفساراتكم مهما كانت في الكيمياء الغير عضوية

سواء منهج 221 chem ( انهيته ) او 322 chem ( ادرسه حاليا )

بحاول اجيب قدر الإمكان و اشرح كل الا اقدر عليه

و لو في شي ما اعرفه اقدر اسأل دكتوري ما راح يقصر

جاهز لخدمتكم

ميثان حلقي

[ميثان حلقي]

.
.
.
.
.
رفع

[D700mI II]

هلا والله حياك

ابشرك خلصنا من 322 مع الدكتور اسحاق

دحين عندنا 221 عند الدكتور عمر

انت اذا احتجت اي شي في 322 ما يحتاج بس غير مواضيع السميتري لانه الدكتور اسحاق ما تعمق فيها

هو الدكتور بغلف الي متخصص فيها


لاحد يسألني كيف اخذت 322 قبل 221 هعععع

[ميثان حلقي]

لا ما عليك

انا في شمال جدة الوضع تمام

و انتوا حقين الجنوب ما اعرف كيف تاخذون مواد بدون متطلبات

الله يعينكم بس

ميثان حلقي

[همتي لامتي]

مساء الخير
انا مو فاهمة 322 ياليت اللي عنده ملخصات او اسئلة ما يبخل علينا لاني مرة مو عارفة كيف اذاكرها والله يجزاكم خير

[D700mI II]

شكلك ما سمعت بالدكتور عمر الزين او الدكتور احمد بغلف ههههههههههه

الله يعطيهم العافيه مهجدين القسم عندنا

[ميثان حلقي]

اختي الموضوع للاسئلة المحددة

تقولي ماني فاهمة المادة حددي الا مو فاهماه مو تقولي كل المادة

و اخوي دحومي انا سمعت بالزين الا النجاح عنده تاخذ رقم و تستنى بس انكم تمشوا فوق النظام هذا الا مستغربه

عموما شمال جدة موجودة تعالوا خذوا مواد عندنا و انبسطوا

و بالتوفيق

[D700mI II]

نقدر ناخذها بشمال بس الدكتور الزين ما يعادلها لنا

ما تعرف كيف نظامه حتى شباب كثير كانو بياخذوها عندكم وما قدرو لانه الزين قالهم ما اعادلها لكم

صح نحنا جامعة وحدة بس فرعين لكن الزين نظامه يختلف عن باقي الدكاتره

وبالنسبة لـ كيف اخذنا 322 قبل 221 يا حبيبي في ناس اخذو 323 و 322 قبل 221 كلهم شاردين من الدكتور عمر الزين والدكتور بغلف

لدرجة انه الترم الثاني العام الماضي الدكتور بغلف كان منوم بالمستشفى الله يشفيه وصار الدكتور عمر ماسك الـ 3 مواد 221 و 322 و 323 وطاحو على يده كثير من ضمنهم خريجين في الترم هذاك الناجحين كانو 5 من 30 طالب تقريباً

ربنا ييسرها ويسهلها

نأسف على الاطاله وبالتوفيق لي ولكم

[تذكار غموض]

دحوم يعني ذحين
الزين ماسك 221 و 322 و 323؟
طيب اش الحل ... كيف الواحد ينجح <<<من ذحين خاف

[ميثان حلقي]

معليش على التدخل بس يقول لك كان ماسك

اضن انه محتكر 221

المهم يا عيال . لملموا العفش و شمال جدة يرحب بكم

ميثان