لكل المحتارين مثلي ، ياليت تساعدونا بآرائكم

[الرٌواء]

السلام عليكم ورحمة الله وبركاته

بادخل بالموضوع على طول ..

رجاءءءءءءً أي أحد يمر يفيدنا وخصوصا الي تخصص طب

( كيف أرتب رغباتي )

أرتبها على أي أساس غير ( الرغبه - سوق العمل )؟

أنا رتبتها الين 3 بس لما جيت احط الــ4 احترت اش ابدي على الثاني
فرضاً لاقدر الله / مادخلت الأولى والثانية والثالثه > كلها طب

كيف أرتب الي بعدها عشان يمديني احول ؟

جد محتارررره الله يوفق الي تساعدني

ونتوا تعرفون لو حطيت كذا من راسي ممكن ادخل شي اندم علية
انا قرأت عن كل التخصصات بس كـ دراسه ماجربت وحبيت أسألكم


اعطوني آرائكم بترتيب الرغبات لوحدة تبغى الطب بإذن الله ومستعده تتعب عشان تدرس

هذه الرغبات رتبوها لي من وجهة نظركم ( طب أسنان - طب بشري - بشري موازي - تمريض-مختبرات - صيدله - علوم طبيه )

وراعوا اذ مادخلت الطب لاقدر الله اش التخصص الي مواده زي الطب بحيث يمديني أعادل مواده

يعني الأقرب

واش رايكم ف العلوم الطبيه ؟
ومسألة التحويل معقدة ولا بسهوله ؟


الله يجزاكم خير

[د. هدّولا]

- وعليكم السلام ورحمة الله وبركاته ؛

- أهلاً بيكِ ياقمر .. شوفي دام رغبتك الأولى طب ..
فطبعاً يكون اختيارك الاول طب بشري ..

طب موازي ( اللي بدون مكافأة ) ..

علوم أساسية طبية , ودا التخصص نفس الطب بس ماعندهم مواد كلينيكال يعني يتخرجوا أكاديمي .. وهو أسهل تخصص يتحول منه للطب لأنه المواد كلها نفسها للسنتين الأولى يعني المعادلة تكون سهلة إن شاء الله :)

اممم بعد كدا أتوقع أسنان , لأن على حسب ما أفتكر طالبات الأسنان كانوا ياخدوا نفس موادنا السمستر الاول - إن شاء الله أحد يجي يصحح إذا كنت غلط - بس يعني غالباً الأسنان تكون نسبته أعلى من البشري فيعني لو ما أنقبلتي في البشري ماراح تنقبلي في الأسنان ..

بعد كدا في التخصصات الباقية تقريبا كلها نفس الشئ اختاري التخصص الاقرب لكِ مثلا مزبوطة في الكيمياء حطي صيدلة , حابة تكوني اقرب للمرضى تمريض ويعني زي كدا والتحويل يعتمد على النسبة العالية .. اذا نسبتك عالية راح تحولي بالراحة ..



- في الأول والأخير استخيري .. وإن شاء الله نشوفك معانا السنة الجاية :)


- موفقة ياقمر :)

[الرٌواء]

د. هدّولا


الله يعطيك العافية يارب ويفرحك باللي تتمنيه

الحمدلله استخرت كذا مرة

الله يكتب لنا الخير

سؤال و آسفه طولت / تخصص العلوم الطبيه كثير قالوا سيئ ؟ من وجهة نظرك كويس ولا لأ من كل النواحي حتى المادية ؟

[د. هدّولا]

- آميين , وياكِ ياعسل ..

- عن التخصص والله ماعندي فكرة عن مستقبله وكدا , البنات بيدرسوا معانا نفس المواد في السمسترين إلى الآن
وراح يدرسوا معانا سنة ثالث ..
أما سنة رابع نحن ننزل المستشفى وهم يكملوا سنة ويتخرجوا ..
هو من ناحية التحويل والمعادلة أشوف أنه اسهل , لكن كمستقبل ما أعرف والله ..


- أعذريني , إن شاء الله يجي اللي يفيدك اكتر مني :)

[JuStice]

.

وعليكم السلام ورحمة الله وبركاته,

بالنسبة للعلوم الطبية التطبيقية فهي طريق سهل للتحويل إلى الطب.. وبإمكانك فيها أن ترفعي المعدل بسهولة إن شاء الله.

ولكن لن تُعادَل لكِ المواد.. رغم تشابه بعضها مع مواد الطب, لكن الكميات تختلف.

.

[الحمد الله على كل حال]

ان شاء الله تنقبلين يارب
انا اتمنى ادخل طب اسنان اونتي تتمنين البشري سبحان الله كل شخص وميولوا يارب دفعنتا تكون كل مجموعة لها ميول ثاني عشان كل واحد يدخل الي يبغاه