طالبات الدراسات الإسلامية مادة تلاوة وتجويد

[سوشيت]

السلام عليكم يابنات الدراسات الإسلامية فزعتكم الله يوفقكم قولولي أبغى آخد مادة حرة
تلاوة وتجويد 211islsمع استاذه "حنان محمد باحمدان" المادة عبارة عن إيش حفظ وتلاوة ولا فيها
تسميع يعني قولولي إيش طبيعة المادة بالضبط وبخصوص الأستاذه إيش تنصحوني كويسة ولا لا
ودي المادة أنا من الترم إلي فات وأنا أبغى آخدها كمادة حره ردولي جزاكم الله خير

[المجتهدة رزان]

انا اخذتها مع تهاني رجب والمادة عبارة عن حفظ جزئين من القران الكريم
وكانت طريقتها في الاختبارات 15درجة اختبار نظري تجويد
و25 درجة تلاوة مع التجويد وتسمع جزء بسيط من سورتين من الجزء الواحد
و10 المتابعة و10 من الكتاب المساعد والكتاب المساعد هو ان البنات يسمعولنا السور بدل الاستاذة
و40 النهائي ويكون تسمع جزء بسيط من سورتين من الجزء الثاني وتلاوة
والصراحة المادة مع الاستاذة تهاني مرة حلوة
واتمنى اني افدتك

[سوشيت]

شكرا جزاك الله خير

[فلورا]

المادة رائعة جدًا
وكثير ياخذوها مادة حرة

الأستاذة حنان رائعة
وبالنسبة للي يقولوا عنها شديدة لأنهم مايعرفوا يقرؤوا قرآن للأسف
فيحسوا الأستاذة شديدة لكنها وربي عسووووووولة
كانت تطلب من البنات يسجلوا في تحفيظ وكمان يشرحوا
هذه تكاليفها

توكلي على الله وخذيها معاها

[حأقعد عالكاشير]

ترى الاستاذه مرررررره عسوووووله
اهم شي عندها الادب وانو تحسك حااابه المااده وتبذلي جهدك فيها
المنهج حفظ جزئين تبارك والمجادله مع التجويد
وان شاااء الله تنبسطي معاها
لانو اسلوبها مرررررره ممتع ^^

[سوشيت]

شكرا على ردودكم المقنعة والمريحة
أما من ناحيه حب المادة فأكيد هي ماتعتبر مادة بقدر ماهي أصلا زي ماذكرتوا قرآن وتعتمد على الحفظ
فهذا ديننا إذا ماحبيناه ولا أوليناه أي إهتمام فماذا سنحب بعد ذلك ولن يكون لحبنا لأي شىء في هذه الدنيا معنى

[سلوة القلب]

جزاكم الله خير

حتى انا رح اخدها هدا الترم

باذن الله