استفسار للشباب اللي اخذو اكونومي

[-7amada]

السلام عليكم

حبيت اسالكم الكتاب حق الاكونمي ضروري اشتريه يعني بالعربي لازم اذاكر منو عشان الاختبار ولا تكفي مذكرات اشرف حراء وشكرا

[الباش مهندس faisal]

اهم شي تفهم مذكرات اشرف حراء كويس واعتقد كافيه جدا مع حل الهوموركات . ودعواتك يالغالي وبالتوفيق ياارب.

[JeDDaH BooY]

زي ماقال الاخ ( فيصل ) أدرس عن اشرف حراء عشان تشوف الملخصات الجديدة والكاملة عندو + الواجبات + الاختبارات السابقة >> موجودة عن اشرف ..

اما الكتاب لاتشتريه غالي ولا تستفيد منو !!

[!Go]

اليوم اشتريت ملخص اشرف حراء من خوارزم اللي في مبنى الهندسه ..
بصراااحه سييئه ..
خطه خرابيش دجاج .. تحس انه يكتب وهو منسدح ..
ومكتوب عليها 2012 ..
انا شكيت بصراحه بس فالاخير اخذتها .. هل هي اللي تقصدونها ؟؟!!

[قائد بلا جنود]

نصيحه أخويه... إقرأ من الكتاب ستفهم كثيراً

ملخصات أشرف حراء لا تخلو من الكثييير من الاخطاء

والكتاب لغته سهله ومتوسطه.. حاول تدبر الكتاب من أصحابك أو تشتريه مصور إذا كنت ما تبي تشتري كتاب جديد

وفقكم الله...

[M.H.M.D]

أنا أشوف انو تذاكر من الكتاب والسلايدات ثم الملخصات يكون أحسن

لأنو اسئلة الاختبار ما تقدر تحلها إلا لما تكون فاهم الماده

أنا اليوم اشتريت الكتاب مصور بــ30 ريال من مكتبة دار الهدى

[وسيم الإتحاد]

ملخصات أشرف حراء فيها كل شي كافية ووافية ... بس مشكلتها (( أسوأ تنظيم شفته لملخص في حياتي ))

عموما إذا تبغى تشتري الكتاب (( بسعر رخيص جدا )) اشتريه مصور بدل ما تشتري النسخة الأصلية ,,,

في مكتبة جمب مطعم (( ليتل سيزر بيتزا )) إللي في الشارع المقابل للكلية تبيع جميع الكتب مصور (( 30 ريـال تقريبا )) أظن ولكن غير متأكد إن اسمها الوديان

[tkaabdu]

الترم الي فات كنت عند وائل حسينين كان يشرح من الكتاب

ف ضروري كننا نجيب الكتاب

ورا ليتل سيزر زي ما قال الاخ ^^
مكتبه الوديان تلاقي الكتاب مصور و واضح

بالنسبه لملخص اشرف حراء صحيح هوا ملخبط بس جداا مفيد
يعني الملخص تستفيد منو في الاختبارات كتير و طرق الحل
افتكر كان في بعض الاخطاء
في الاختبارات لا تعتمد 100% بس علي الملخص
كتاب الماده مهم

بالتوفيق

[A.J.R]

اشتري الكتاب من الوديان مصور (50 ريال)
او الشقري افضل من الاصلي (150 تقريبا )

[zelme]

مصور من الوديان 30 ريال

جديد من الشقري 250 ريال