التعليم عن بعد او العسكرية او الضياع

[هجولة]

السلام عليكم

سجلت في بداية الترم كطالب في التعليم عن بعد وكم كنت سعيد

ولكن للاسف بعد ست سنوات عمل في القطاع الخاص وجدت نفسي في الشارع

ومريت بازمة حقيقية وكدت اضيع لولا وقفة الاهل واخواني اللي دعموني وشجعوني على التركيز في الجامعه

هل تسجيلي في الجامعه في هذا النظام سيبعث الامل من جديد ام ساستمر في الهجولة الى مالا نهاية خاصة اني الان دخلت في العمر الواحد والثلاثين

ياليت تكونو صريحين معايا لانو انصدم الان ولا صدمة اقوى بعد التخرج

احلم باللغة الانجليزية اوا لقانون ففيهما اجد نفسي ولكن لا ادري هل ستجري الرياح بما لاتشتهي السفن وعلى اي طريق انا مقبل

واحد من اقاربي ينصحني بالعسكرية (جندي) وترك الجامعه لانو على قولته شوف كم جامعي عاطل وانا محتار ...فهل من مرشد؟

[حطام أنثى]

صعبه نجي نقلك وانت اكبر من اغلب الطلبه ..يعني انت شوف نفسك ايش تحسه افضل لك انك تدرس جامعه وتوصل للتخصص اللي تطمح له ولا تروح العسكريه وتظمن وظيفه بعد تخرجك ...

[وحيد الليالي]

[align=center]

والله وانا خوك شوف العسكرية بما ان عمرك 31 سنة
يعني اذا وصل عمرك 32 مراح تلقها (ألحق على عمرك)


وأما من ناحية اكمال الدراسة (عاااااااااادي)
قدم اعتذار خلال المدة اللي انت حتكون فيها في الدورة العسكرية
وبعد الدورة إن شاء الله تتعين
وبعدها واصل دراستك .

بس قبل كل شي استخير الله وربنا حيكتب اللي فيه الخير

[itadminq]

[size="

7"]والله ياخوي بصير معك اكثر واقعية انت الحين اضمن الوظيفة وعصفور باليد على قولتهم وبعدها ادرس هذا اول شي اما انك تدرس وتخرج بتصير 35 يتصير فرصة الوظيفه اقل وانت شايف الابتعاث للي صاير وشايف عددهم كم وكأي قطاع خاص او حكومي بتفضل للي جاي مبتعث من برا بحكم تخرجه وبحكم سنه بيكون اصغر وقس الامور انت بنفسك لو عندك شركة وش راح تفضل اتمني اني وفقت وقبل هذا كله صل لاستخاره وللي المكتوب لك بصير بتوفيق للجميع .

[/size]

[amgd999]

انت الحين التحق بالقطاع العسكري إذا لك رغبة فيه

والدراسة لاحق عليها إن شاء الله بعد ماتتعين وتستقر امورك التحق بالجامعة

اتمنى لك التوفيق

[بن شاهين]

انا من رائي انك تدخل العسكرية خاص الي مثل عمرك وبعدين ممكن تكمل الدراسة وانت على راس العمل واذا جاك عرض بعد ماتخلص ممكن تطلع او تغير مهنتك الوظيفيو ترا الوظيفة مهمة خاصة في الاوضاع الحالية تراها مازمة من جد

[الحالمه بمستقبل جميل]

انا مع كلام الاخوان الدراسه لحق عليها لان عمرك مو صغير عشان اقول اتفرغ لدراسه اهم
وبعدين بعد الدوره كمل دراستك
والله يوفقك

[فــهــد$]

اخوي هجوله قبل ماتتخذ اي قرار وتستشير ..
ركعتين تستخير ربكـ فيها وبعدها اطلب الاستشاره
وابيكـ تطمن لان في وعد من ربكـ لكـ
قال الرسول صلى الله عليه وسلم( إن الله لايضيع عمل عامل ولا يخيب أمل آمل )
خلك متفائل ولا تقول العمر راح عالفاضي ونا سويت شي. كل اللي راح يعتبر خبره وتأسيس

[الفديمه]

ياولد انت توووك تصحي ولا وش السالفه
قبل لا اقولك ررح للعسكريه ترا الدوام دوام يعني لاتحسبن العسكريه همله
انت لو انك مواظب على اي شي لو انها بسطة خضار كان حققت شي لكن انت شكلك
مزاجي تهاوش مع الدوام ومره تفصل من اتلشركه ذي وترجع للشركه الاخري وكذا
حياتك ماصحيت غير الناس تقولك تراك يالثلاثين

صح صح لنفسك جامعه عاني اقولها لك بالفم المليان مانت فالحه فيها
لان المجتهد في السن اللي مثلك يعني اللي يصل ثلاثين فما فوق هو اللي يمكن انه يكمل الجامعه انتساب ويكمل يمكن
الدكتوراه بس هو مجتهد والمجتهم هذا لوتنشد عنه في دوامه تلاقاه افضلهم لانه طموح لكن انت
ماتذكرني غير في واحد من عيال عمي تبلد احساس فيه لدرجه ماتصورنها ياجماعه
ومثل ماقلتلك اي شي تكون فيها اجتهد فيه وبتعيين خير لو انها بسطة خضار
واسمحولي على الاطاله

[M!Ss.Dudi]

^^^

سلامات ؟؟!!

الرجال يقول كان يشتغل 6 سنوات وفجأءه لقا نفسه برا (مااحدد ظروف طلعته !! ) ومعروف الشغل في القطاع الخاص مافيه امان وظيفي وفي اي وقت تلقى نفسك في الشارع خصوصاً ان كان مؤهلك ثانوي,, يعني شي مو بيده ؟؟ ايش دراك ان عنده تبلد احساس ولا متهاوش مع الي في الدوام ؟؟؟؟
وانه يشبه ولد عمك ؟؟

مو كل من منعته ظروفه وهوا صغير انه يكمل يعني داج و مفلت وماراح يفلح !!

ليش التحطيم وتكسير المجاديف ؟!!


اخ (هجوله) انا مع باقي الاخوان اضمن الوظيفه ولاحق على الجامعه ,, بعد ماتتوظف انتسب واكيد انك قدها ان شاء الله

الله يكتب لك الي فيه الخير ويوفقنا واياك ,,