ممكن ادرس عن بعد في جامعه وانا انتظام في جامعه ؟

[د.مشاعل]

بسم الله الرحمن الرحيم
والصلاة والسلام على اشرف الأنبياء والمرسلين
مرحبا .. وكيفكم
حبيت بس استفسر والرجاء الرجاء عدم التطنيش
هل من الممكن انو انا مثلا مثلا << مجرد مثال
انو انا في عبدالعزيز انتظام فيزياء ونفترض انو لو ابغى ادرس في نفس الوقت علوم الحاسب في سعود ينفع ولا ما ينفع
هو مجرد سؤال او فكره خطرت في بالي بس مو متأكده انو ممكن ولا لأ ؟؟!
يعني بإختصار هل اقدر ادرس في عبد العزيز تخصص وانا انتظام بينما انا ادرس في سعود تخصص تاني وفي نفس الوقت
الرجاء الجواب مع الشرح؟؟
وادا ممكن من اللي يدرسو عن بعد يقوليلي رأيهم وجزاكم الله خير الجزاء
لا للتطنيش

[special-one]

ماأدري اذا (نعم)
فكرت فيها انتساب وانتظام لكن المشكله في وقت الاختبارات اذا كانت في نفس الوقت فوجدت انها صعبه لذلك ماسئلت
وفي الشهاده الاغلبيه الشهادة الاصليه تكون عند الجامعه.......الخ

[مزركش]

تقدري بس شلون بتوفقي بين الاختبارات التي تكون في نفس الوقت

[mo999@11]

ولله حلو لو الانسان يقدر ياخذ شهادتين

[د.مشاعل]

يسلمو على كل اللي ردو ..
مزركش
انت تأكده انو اقدر ادرس
وبالنسبه للتوفيق بين الاتنين هي مجرد فكره بس مو اكيد 100% وادا صارت اكيد .. ربنا يسهل
الله يسعدكم اللي متأكد يأكدلي معلومة مزركش

[control]

والله من ناحيتي ما أظن....

بس مو تعتمدون كلامي وتقولون control قال......

على ما أعتقد أن جميع الجامعات مرتبطة بشبكة واحدة أو نظام أو حاجة زي كذا

لأن واحد من الشباب أعرفه معرفة وثيقة سجل هذي السنة أنتساب ولما سجل قالوا له:

أنت مسجل بجامعة أخرى

هو صح كان مسجل بجامعه ثانية بس هذا الكلام قبل حوالي 7 - 8 سنوات

وما إنقبل في الجامعة إلا لما سحب أوراقه من الجامعة السابقة

ووفق الله الجميع ...

[د.مشاعل]

يسلمو ع المرور وع الرد
واساسا الفكره احس مره صعب ان الواحد يوفق بين مجالين وكل منهم صعب
انا عن نفسي محتاره بين الحاسب و الفيزياء .. عشان كدا خطرت الفكره في بالي ..
الله يكتب و يسهل اللي فيه الخير للجميع ..
لا تنسونا ولا ننساكم من الدعاء في ظهر الغيب .. رب دعوة تكون لحظة استجابه
..

[مزركش]

وانا اخوك تقدري تدرسي ب 100 تخصص في 100 جامعه ماحد يردك ولايقولك شي
لكن صعبة مررررررره .
خاصة انه الاختبارات تقريبا نفس الوقت وكذلك كثافة المواد وغيرها .
يعجبني تفكيرك واشد علي ايديك في ذلك
شوفي الجامعه العربية المفتوحه حلوه لك يراعون الظروف وتختاري الاختبارات

[كشتي فرشت عشتي]

هلا فيكـ اختي مشاعل ..

والله يوفقكـ ويسهل عليكـ الثنوي وتتخرجي وتلتحقي بالجامعه وتدخلي التخصص اللي تتمني ويناسبكـ

على التخصص انتي محتاره بين حاسب او فيزياء كلا التخصصين رائعه .. فإذا ربي سهل عليك ودخلتي واحد منها لا تهملي الثاني بالقراءة والاطلاع .. لانو حلو الانسان يكون مثقف من كل الجوانب ومو بس في تخصصه .

الشيء الثاني :: ع الجامعه .. انا اتوقع انو ماتقدري تدخلي جامعتين .. لانو عند التحاقك بالجامعه راح يطلبوا منك شهادة الثنوي الاصل .. ولما تجيء تسجلي في الجامعه الثاني راح يسألوك وين شهادتك الاصل يعني لازم الاصل
هذا اللي اعرفه .. ... واذا سجلتي في جامعه مايعطوكي الاصل ابدأ الا اذا سحبتي منها ...

وان شاء الله الطلاب ماراح يبخلوا عليك باي معلومه


موفقه الله يسهل عليكـ اموركـ

تقبلي مروري

[مزركش]

ماحد يطلب الاصل عندنا
الاصل يطلبها الانتظام فقط ياخوي