طالبة مستجدة في الكلية

[Lama Nabil]

السلام عليكم

اول شي الحمدلله ربي اكرمني و أسكنت في كليتكم الجميلة ك تاني رغبة و اتمنى تكون خير ليا و اتبسط فيها d;

مرة متحمسة الحمدلله للكلية و دوبي والله حسيت بالاجازة كنت عايشة في قلق والله ههههه

و من كلامكم في المواضيع حبيت الكلية اكتر <3

بس الي احسو مخوفني أني انا في الكيمياء ما اعرف هل انا كنت أوقع في استازات ما يفهومني ولا انا الي ما افهم :)

يعني لو احد يشوف درجاتي من اولى ثانوي الى التحضيري حيلاحظ انو الكيمياء عندي فيها أزمة شوية

طيب دحين انا أخاف على نفسي هههههه ولا ايش
لأنو الصيدلة اكيد تعتمد على الكيمياء و كدة
انصحوني :)

و سؤال تاني المزاكرة ايش حتكون مصادرها؟ كتب ولا سلايدات
و أزا كتب ايش أسمائها و من فين :) لسنة ثانية طبعا


و شكرًا d:

[THE HILL]

اهلا بيك :)

والله الكيمياء تعتمد ع اساسيات يعني مثلا لازم تعرفي ايش يعني جزيء وذره ومعادله وتفاعلات وصيغ كيميائيه

درستيها ف التحضيري بس هل انتي فاهمتها والا لأ ؟ طبعا العيب مو فيكي العيب ف اللي يشرحلك لو ماوصلك المعلومه الغلط منو مو منك


بس انتي لازم تدي لنفسك فرص انك تحبي الماده ما حتمشي ف حاجه الا لما تحبيها

بصراحه الكيمياء الكل او الاغلب يكرهوهها من اسمها بس اللي يحطها هدف قدام عينو حيبدع فيها


انتي لو قلتلك الصيدله تدرسي فيها 3 كيميا حتصدقي والا لا ؟ تدرسي 2 ف سنه ثانيه ووحده ف ثالثه ورابعه وانتهت الكيمياء



ببساطه مشكلتك مع الكيمياء ما تعتبر مشكله مع الصيدله

في سنه ثانيه حتدرسي كيمياء تحليليه وكيمياء عضويه

عضويه تعتمد ع المعادلات و الاستركشر و الالكان والكين وحاجات تانيه

التحليله ماده حلوه واغلبها معامل وسهله لانها تعتمد ع الفهم


بس تخلصي. سنه ثانيه ما حترجعي للكيماء ولا المعادلات العبيطه 😂😂




بالنسبه للكتب لا ما تحتاجي كتب الا لما تطلب الدكتورة منك

السلايدات غالب اللي يصير والدارج ف الكليه < ولا تستهوني فيها ترا الكتب ارحم هههههههه *امزح*