قصتي مع المطــر ,, أحــتاج دعم نفسي

[مزون عابرة]

السلام عليكم ورحمه الله وبركــاته

الحمد لله على سلامتكم جميعاااا
والحمد لله على سلاامتي
أكره جده .. اكرههااا ..

أمس كان يوم عصيب علي وع البنات ياحرااام
طبعا الكل عارف خرجونا من الاختبار على الساعه 12 الاربع
ورحت مع صحبتي بالباص
الباص من كثر المويااات ماقدر يمــشي

مشي شوي لين ما وصلنا فندق الوااحه ( شبه فندق )
جلسنا هناك من الظهر اليين المغرب
لين ماجاني خالي مشي بوسط هالمويات
المويا قدام الفندق ارتفاعها كان عالي جداااا
وكل مالها تزييد

مشيت من الفندق معاه لين شارع الستين
تعبت تعبت تعبت
أدري خاطرت بنفسي بس ماكان في حل الا المشي لأنه ماكان في حد بيساعد ولا في أي نيه للمساعدة
والدفاع المدني يدقو عليه اهلي يقولو هم بخير !! خلوهم !
مشيت وسط المويااات لين الستين وانا منهاره بكـا
وجلست عند شقه مفرووشه
انهرت نفسيا وعصبياا خلاااااص

الين ما وقف المطر وخفت المويا شوي
وكملنا مشي اليين العزيزية

كان يوم عصيب في حيااتي

الحمد للللللله الحمد لله
وحسبي الله على من كان السبب

[ليدي لمار]

حمدا لله على سلامتك

[زهور9]

الف الحمدالله ع سلامتك يامزون امس من جد يوم اسود في حياتنا الله يعين بس

والله الغظيم كرهت الجامعة من للي شفته امس متى نتخرج ونفتك

والحمدالله ع سلامتك ماتشوفي شر

[البرنس11]

الحمدلله ع سلامتك

وحسبي الله ونعم الوكيل

[محتاجك]

كلنا كلنا كلنا كنا نفس الحالة
والله يلعنهم ما لغو اختبارات السبت
كنا حنموت بسبب هالجامعة
وبرضو عادي عندهم
نفسياتنا زفت شفنا الموت بعيوننا
شفنا سيارات وناس بتغرق
وفيه صحباتي نامو عند ناس مايعرفوهم
بالله بأي نفسيه الواحد يذاكر ويختبر
ولا وكمان عندي اختبارين السبت
وربي حالتنا تبكي
والله مهززززززززززززززززلة
والحمدلله على سلامتك وسلامتي وسلامة كل البنات والشباب
وبجد للأن انا مصدوومة كيف مشيت بهديك المويا
وكيف انا عايشة وجالسة بالبيت وسط اهلي
أمس قلت خلاص مستحيل أشوفهم تاني
مهما الواحد يتكلم بس ماحد رح يحس
وأولهم مسؤولين الجامعة ياللي بس همهم الاختبارات

[ابو خو]

الحمد الله على سلامتك

والله يحفظ الجميع يااااااااارب

[قلب زوجها]

الحمدلله على سلامتك غلاتي

فعلاً موقف عصيب

حسبي الله على كل خاين تسبب في خيانة أهل بلده

[العصيمي600]

حمدا لله على سلامتك

[goood man]

بسم الله الرحمن الرحيم

اولا الحمدالله على سلامتك

وسلامة الجميع

ثانيا هو نموذج وقصة تكررت كثيرا

باختلاف المعاناة بدرجة والكيفية

نسئل الله السلامة للجميع

وان يحفظ الجميع من من كل مكروه

[&جوري&]

الحمدالله ع سلامتك مزون