ارائكم في التخصصات (عنوان معدل)

[roun,]

السلام عليكم و رحمه الله و بركاته ..
ازيكككمممم

"

انا المفروض يكون المستوى دا .. المستوى الرابع ليا لكن من بعد ما دخلت التخصص حقي تحطمت و عرفت
انو مو من ميولي + ظروف خارجه عن الاراده ... و اعتذرت لمده سنة
و ان شاء الله انها خيره !!

المهم فكككررت كثير بالتخصصات و احترت بين العلوم و الحاسب و الادارة " العلوم " لا " مستحيل اسير معلمه ما بحبهوش الحاسب برضو لا مو ميولي
المهم استقريت ع الادارة """
.. انا وحده احب الفهم + الحسابات * درجاتي في الماث و الاحصاء في التحضيري الحمدلله فل *

ما بحبش الحفظ و الاحياء و قروشتهم << اللي شردني من التخصص اللي قبل

بس اتمنى من كل قلبي تحطون التخصصات المتاحه ليا و هل هيا فيها حسابات و فهم فهم فهم اهم شيء + الافضل يكون التخصص بالانقلش
عشان اسير بيرفكت فيها !! + ممكن تحطون ايش الوظايف لكل تخصص مستقبلا !

و سمعت انو نظامكم ادرس سنه ونصف مواد عامه لكل التخصصات بعدين اتخصص ..؟

و شكككريا ع ردودكم مقدمــــآآآ


..

[girl.k.s.a]

يا اهﻻ وسهﻻ
حياك الله والله يكتب لك كل الخير
بالنسبة للتخصصات الفهم وفيها حساب هيا الفايننس .. التمويل ..
والمحاسبة .. بس فيها حفظ ..

صراحة من خﻻل دراستي للتمويل وكرهي للحسابات حسيت انو التمويل ينفع
للي يفهموا ويحوبوا الارقام تقريبا .. والتمويل شويا معقد بالنسبة ليا ﻻنو يحتاج تركيز فيه تركات بسيطة لو ركزتي فيها تكوني تماااااام

كل التخصصات عندنا انقلش ما عدا المحاسبة اول كم ترم بس والباقي عربي
اما باقي التخصصات ما اتوقع تناسبك زي ادارة الاعمال و الموارد البشرية و التسويق و النظم

استخيري وان شاء الله يجي احد يساعدك

طبعا الفايننس تخصص جيد وانا من وجهة نظري المطلوب في السوق هوا الموارد البشرية وبعدو يجي الباقي وكل شركة حسب الشواغر اللي عندها مو شرط موارد

[roun,]

تسلمي حبيبتي ع الرد

دحين خلاص التمويل و المحاسبة حأحطو في المقدمة!

عع الموارد شكلو صح كلامك كل ما أحد يكلمني ينصحني عليه
بس اسألهم طيب ايش دا! يقولو ما نعرف بس تخصص مرا جيد :d
/

اممم بسأل ادارة الاعمال و التسويق و النظم و الموارد ايش هيا ؟
و هيا *فهم و حفظ* بس ما فيها حسابات مو؟

اممم صح في السنه و النصف * العامه* حأدرس نبذة من كل شيء في التخصصات و حأحدد ايش اللي ابغاه مو ! بس فيها تفاضل زي التسكين و لا لو حددت تخصص ع طول اتخصص..

+ لو مستقبلا فكرت اني اسوي مشروع و ما اتوظف في شركه..
بالعكس يكون ليا شغل خاص ايش التخصص المناسب..؟!

[roun,]

!!

[بنت ناس وقلبي ألماس]

وعليكم السلام ورحمة الله وبركاته،،

ما قصرت قيرل ربي يسعدها ،،

وهذي معلومات عن قسم نظم المعلومات الإدارية والتسويق:

http://www.skaau.com/vb/showpost.php...49&postcount=1


وهذا الرابط فيه كل استفسارات الأعضاء عن قسم نظم المعلومات الإدارية وطبيعة المواد:

http://www.skaau.com/vb/showthread.php?t=702423

بالنسبة لو كنتي تفكري تعملي بزنس فالأفضل تدخلي تخصص إدارة أعمال ،،

والله يكتب لكِ التوفيق حيث كان.