سؤال عن التخصصات

[غالي الاثمان123]

السلام عليكم ورحمة الله وربكاته
اسعد الله مسائكم وصباحكم .....

اخواني اول شي ابي الفائد وابي اتعلم منك انا طالب مستجد بجامعة الملك عبد العزيز .... ودخلنا السنه التحضيريه والله يعيني ياارب والله مدري وش اسوي .... انا ناوي إن شاء الله على كليه الهندسه وقررت واستخرت على هندسه كيميائيه .. وفكرت مره بهندسه معادن .. والله اني ملخبط ومره اقول هندسه نوويه عشان اسوي متفجرات <<< وش رايكم بالله ماتخوف

فاول شي ابغاكم تنصحواني ادخل بايه تخصص بالهندسه وانا ودي فيها صح اني ماقررت وش التخصص الي ابي ادخله لاني محتار ومتردد لاني ... اقول في نفسي هذا التخصص له مستقبل وهذا ماله مستقبل فصرت ضاايع والله ...... فابي منك لو سمحتو تنصحوني بتخصص بنظركم هو مناسب وله مستقبل وظيفي جيد ............

ولكم خالص تحيااتي

[مهنـ(engineer)ـدس]

شوف اخوي بالنسبة للمستقبل
اولا الارزاق بيد الله ان كان مكتوب انك تتوضف فحتتوظف
ثانيا التخصصات اللي قلتها فاحسنها الهندسة الكيميائية والطلب عليها كبير والوظايف من اكثر التخصصات المطلوبة
وكمان الهندسة الكيميائية من احسن التخصصات بالهندسة
اما التعدين والنووية ماانصحك فيها لانو مالها وظايف الا قليل ونا بالبداية رموني بالتعدين والحمد لله حولت
كمان التعدين في قريبي متخرج منها وبالعافية لقالو وظيفة وقالي منصحك فيها
وبالنهاية انتا ورغبتك
وهذي التخصصات القوية : كيميائية وصناعية وانتاج ومدنية وكهربائية وطيران
وبالتوفيق للجميع

[طالب سنة تحضيرية]

تراى قدامك مشوار طويل إلين تتخصص أول شيء تعدي السنه التحضيريه بعدين تأخذ سنه عامه في كلية الهندسة بعد السنه العامه تقدم على التخصص وراح تشوف في السنتسن هذي الشيء اللي يناسبك و ترغب فيه بالتوفيق

[الكريم ابن الكرام]

وعليكم السلام ورحمة الله وبركاته

أهلا أخي وحياك الله

خلي في بالك أول شيء إنك تنقبل في الهندسة بعد التحضيرية

لا تشغل نفسك في الفترة هذي في شيء إلا القبول

اترك التفكير في التخصصات وخلك بالمهم الحين

وإذا انقبلت إن شاء الله يحلها ألف حلّال

بالعربي بدرييييييييييييييييييييي

والله يعينك

ونصيحة لا تسأل عن التخصص الأفضل هنا لأن راح تجي معركة حامية الوطيس

وستقوم داحس والغبراء بتكرار الحرب وسيطالك شرارها ولهيبها عبر شاشتك >> تراه يحب يتفلسف

[che04]

واضح انك فاهم الموضوع غلط بما انك قلت متفجرات وخلافه ..!!؟
لذلك زي ما قالو الشباب ضع الهدف الرئيسي لك هو دخولك الهندسة ولا تفكر في شي اخر لكي لاتشتت ذهنك وتركيزك وبعدها اذا دخلت الهندسه ان شاء الله تقدر تاخذ فكرة عن المواد الاساسيه وكذلك في اول سنه لك ابداء في اختيار تخصصك من خلال البحث وزياره الاقسام والاحتكاك في بعض الطلاب والدكاترة لجمع اكبر معلومات وقارنها بسوق العمل واحتياجاته ولا تغفل عن ميولك فهو اهم شي وشوف الي يناسبك وقبل ذلك و اولا واخيرا الدعاء لله سبحانه وتعالى بالتوفيق وان تستخيره بعلمه وان يوفقك في اختيارك فهو اعلم .
موفق ان شاء الله

[نجران]

ارتاح يابوي ، واجتهد في السنة التحضيرية وقدامك سنيتن لين تتخصص . المهم اجتهد وتفوق وخصوصا ً الفيزاء والرياضيات والإنجليزي

[غالي الاثمان123]

الله بعطيكم العافيه اخواني والله مااقصرتوا ....... على قولكم بدري بس تمر السنه والسنتين والثلاثه .... وحنا نايمين عشان كذا لاتقولوا بدري
ترى الزمن اتغير .......
الله يعيني على السنه التحضيريه وإن شاء الله ادخل الهندسه واتوفق .... وبالتوفيق للجميع

[صقرر]

اولا اخوي حياك في كلية الهندسة

ثانيا التخصص بعد السنة الاولى في الهندسة

ثالثا انا من وجهة نظري الكيميائية افضل من الخيارات الي قلتها

بالتوفيق

[ابداع]

انا اخالف الاخوان في اللي قالوهـ ..

بالعكس حلو ان الواحد يكون عندهـ طموح من بدري ..

وبالنسبه للتخصصات فأنا أنصحك بـ الميكانيكا(انتاج) او الكهرباء(قوى وحركات) او المدينه او الكيميائية ..

و عل حسب مستواك يعني زي الكهرباء مثلا .. لا تدخلها الا اذا كنت واثق من قدراتك لأنها صعبه جدا جدا جدا جدا ..

واصعب التخصصات بالترتيب ( كهربائيه ثم ميكانيكيه ثم كيميائيه ثم مدنيه )
وافضلها ( كهربائيه ثم ميكانيكيه ثم كيميائيه ثم مدنيه)

يعني ما تفرق كثير .. بس أنصحك بالتخصص الأسهل لأنك راح تبدع فيها ..
واهم شي لا تطلع من الاربع التخصصات هذي ..

بالتوفيق ..

[eng.am]

إذا اخترت الكيميائية فهي نعم الإختيار .. لأن القسم مو بذاك الصعوبة ومستقبله مضمون

وإذا تبغى نصيحتي لاتبعد عن الكيميائية أو الإنتاج

وانصحك تبعد عن الكهربا والصناعية