(2) ღஐ أبهريهم بجمال روحك ღஐ

[وفاء جدة]

بنتكلم اليوم عن موضوع يشغل بال الأغلبيه وبانتهائك من القراءة ستجدين ضالتك بإذن الله طبيعة النفس البشريه تتمنى الكمال والتميز إنتي مو تتمنين إن الكل يحترمك ويحسب لك حسـآب ووجودك بين النسآء يكون مُعـتـبـر وحضورك غير عــــآدي وهذي أمنية جميله بل جميله جدآآ بس السؤال هنـــــآ ! إلى متــى تظـل أُمـنـيه ؟!! لأني الآحظ الكثير منا ودي وودي !! وهي مكتفه إيدينها !! وإلآ تبيهم يحترمونهــآ وهي إللي سمحت لهم بعدم إحترآمهـــآ !! أختي الفــآضله/ في مقوله رآآئعه تقول : ( المــــــرء حيـث يضــع نفسـه ) إستوعبتي المقوله ؟؟ بالله إرجعي إقريها مره ثانيه بعد !! إستوعبتي يعني ليه الناس مايحترمونك؟!! الجوآب : مو لأنك ماتستحقين الاحترام او مانتي جديره فيه لآ!!! لأنك إنتي سمحتي لهم بهالشئ !! وإلآ ليش يحترمون غيرك !!! كثــير اللي يشتكون مايحترموني ! مايعبروني ! يضحكون علي ! وجودي كـ عدمه ! مايآخذون رآيي ! مستهترين فيني ! ماسألتي نفسك ليـــــــــش ؟! مارآجعتي نفسك !! ضحكك ع الطالعه والنازله ومجاملتك للناس ع حساب نفسك والميانه الزايده والتردد وإهمالك لمظهرك وكثرة كلامك هي السبب مو النــــــآس ترى !! والآهم من هذا كله ( بعدك عن الله عز وجل ) كيف تبين كلمتك مسموعه وحضورك ملفت وشخصيتك محترمه وهيبتك مفروضه وإنتي بعيده عن الله !! صححي علاقتك مع الخالق عشان يصحح لك علاقتك مع الخلق وبعدهـ نجي لشخصيتـك نفسهــآ تبين تطورينها وتسعين إن الكل يحترمها تعـآلي معــــآي حبيبتي ولاتيأسين مافي شئ صعب طالما فيه رغبه ملحه للتغيير بداخلك صدقيني بتتغيرين .. خطـــــوآت التغييـــر !! 1/ قربك من الله عز وجل .. وإدعي ربك لاتستحين !! في حديث بما معناه ( لايستحي أحد أن يدعو الله أن يصلح له شرك نعليه ) .. 2/ إحترمي ذاتك .. لما تحترمين ذاتك الكل بيحترم هـ الذات لاتحقرين بنفسك ابد ترى الناس بتحقرها أكثر !! أقولك كيف .. احترميها بإنك تتكلمين بأدب .. تردين بإسلوب .. وتبدين رأيك بدون تردد .. إبيتعدي عن الالفآآآآظ إللي تهينك وانتي ماتدرين ( أنا غبيه , والله إني ماأفهم , أنا خوّافه , أحس شكلي غلط , مدري وين الله حاطني ) هالالفاظ تقلل من احترام الناس لك فإنتبهي .. 3/ قلّة الكـــــــلآم .. إي نعم قلّة الكلام .. لأنه ( إذا تم العقل نقص الكلام ) لاتثرثرين في المجــآلس لآن هالشئ يخلي الناس تمسك عليك إذا اخطيتي ويمكن تضحك بعد وخلاص يعرفون من كلامك وش وراك يعني صرتي مكشوفه !!!!! وإذا صرتي مكشووووفه صرتي مملّه !!! وفي مقوله قيّمه تقول : ( من كثر كلآمه كثر خطئه ) والصمت هيبه تصيرين لهم لغـز محير وتثيرين تساؤلات بداخلهم وش وراها ؟ وش تفكّر فيه ؟ وش ناويه عليه ؟ وش ووش ووش ؟؟؟!! ومن هالشئ يتولّد احترامهم لك .. بنــآآت لاتفهمون نقطة الصمت خطــأ !! لأني أشوف بنات صامتات صمت ممل وقاتل !! واحس وجودهـآ وعدمهـآ واحـــــــد أنـآ ماأقصد كذا لا أنــآ اقصد قلّة الكلام الممزوجه بصمت رآآآآآآآآقي ومهذب .. 4/ الركـــآده والثقل .. تلعب دور كبير في احترام الناس لك , ماتلاحظين لاجابوا طاري فلآنه ضحكوا وقالوا : ماعليها شرهه مرجوجه !! بعذرهم المرجوجه او الخفيفه تعطي انطباع عنها انها غير متزنه وإذا كانت غير متزنه كيف تبي الناس يوزنونهـآ !! نعـــــــــم خليك راكده وثقيله أقولك كيف أختي *, لاتلتفتين بسرعه لحدث صار حتى لو الكل التفت التفتي بشويش والافضل ماتلتفتين طالما مايخصك !! *, لاتضحكين ع الطالعه والنازله اضحكي ع شئ يسوى مو تجاملين خلق الله 24 ساعه تضحكين وبعدها تزعلين وتقولين ليش مايحترموني .. *, امشي بثقل واجلسي بثقل واكلي بثقل .. *, إطرحــي رأيك بغض النظر عن رضا الناس عن رأيك من عدمها .. رأيك إللي إنتي تشوفينه مو لازم تضادينهم بالرأي عشان يحترمونك لآ هذآ جهـل يعتبر , إطرحي رأيك بثقه وهدوء .. أصــلآ إنتي لو تلاحظين إللي من النوعيه هذي يلجـأون لها فـ الامور اللي تهمهم يقولون فلانه ماتجـــــآمل صريحه .. *, الغمــوض .. هالصفه جنّنت العـآآآآلم !! لاتصيرين كتآآب مفتوح الكل يقرآآهـ لاتسولفين فعلت وسويت وقلت ورحت وجيت واخذت وعطيت وش بتستفيدين بالله ؟ إلا العين وقلّة الاحتــــــــرآم *, الاهتــمام بالمظهر .. لاتستهينين بهالنقطه خصوصـآ إحنا بزمن المظــآهر وزمن الجوآآهر مــــــآت ..! ماأقول اشتري غالي واضربي مكياج وسوّي تسريحه وتجملّي بالاكسسورات وغرقي نفسك بالعطــور .. لا مو كذا خليك انيقه بدون تكلف لبسك نظيف ومرتب ومكياجك هادئ لاتجين للنــآس بلبس مبهذل ووجهك شاحب وشعرك ملموم بدعوى الميانه .. لا وبخصوص النظــآفه لما تجيك وحده قمّه وفجأه تشمين معاها ريحه ماتعجبك ماتحسينك تشمئزين منها وتقل نظرتك لها فإنتبهي النظــآفه مرتبطه ارتباط وثيق بالاحترآم.. *, الأســـلوب .. خلي إسلوبك راقي ومهذّب قد ماتقدرين لما احد يعطيك شئ قولي شكـرآ حتى لو كان طفل أصلآ بتلاحظين هالطفل يرجع ويعطيك شئ ثاني بعد عشان تقولين له شكــرآ شفتتي تأثير الاسلوب كيف !! ( شكرآ , يعطيك العافيه , من ذوقك , حبيبتي ) لها تأثير وتعطي إنطباع راقي عنك *, المــــدح .. لما أحد يمدحك لاتطيرين وتنبسطين وتقولين صدق احلفي !! وكأنك أول مره تتلقين مدح بحياتك !! حتى لو كان , ردي بكل هدوء وثقه شكـرآ من ذوقك مع ابتسامه هاديه واسكتي صدقيني بيمدحونك اثنين وثلاث واربع وعشر بعد !! ~ هذي الخطــوآت إللي كلّي ثقه بالله إن إللي تطبقها بحذآفيرهــــآ بتصبح ( إمرأهـ لاتقدّر بثمــــن ) والكل بيحسب لهـآ ألف حســآب .. سؤال اليوم / أكيد هالموضوع ذكرك بموقف لك أو لشخص مآ. . اذكريه ؟

[صوت الفجر]

//

وعليكم السلام ورحمة الله وبركآته

رووووووووووعة قرأته ع السررريع حلوو وكلامك يا فوفا طالع من القلب
ربي يحفظك عجبني الموضوع لي عودة أن تذكرت موقف


..

[خلود 99]

وفــــــــــــاء يَ بنت ربــــــــــــي يحميكـِ

مبدعـــــــــــــــــة مبدعــــــــــــــــة مبدعـــــــــــــــــــة

عجبني الموضوع كثيييييييييييير


بالنسبة للمواقف بسم الله علي عاقلة ما قد صار لي موقف

إن شاء الله نستمتع بمواقف الصبايا شدوا حيلكم و لا وحدة تدخل الموضوع الا وهي متذكرة موقف

[شموخ كبريآئي]

وعليكم آلسلآم ورحمة آلله وبركآته ~..

آنـآ عندي مشكلة آلصمت مع آلنـآس إلي مآآعرفهم ،، إن آحد سئل سؤآل آرد على قد آلسؤآل وبس مآآعرف آخد وآعطي فآلكلآم مع إني مع إلي آعرفهم مو كدهـ مررهـ بس آسير شخصية تـآنيه مع آلنآس آلغريبة ><

ليـآ فترهـ بحآول آغير فآلنقطة دي وإن شـآءآلله آتغير ~..

شكرآ لكـِ ~..

[مى جده]

موضوعك جدا جميل وفاء وعجبني جدا
وبخصوص الموقف موقف المدح ناس جو يشوفني الام واربعه من بناتها المهم من اول يمدحون فيني وانا مستحية يعني مافتحت فمي وهم يزود زي ماكتب 3 و4 و5 لان وجهي راح فيها بس ماصار نصيبي الحمد الله ^^
وموضوعك جدا جمييل تسلم يدك على الطرح القيم

[حلاي من حلى روحي]

*, الغمــوض .. هالصفه جنّنت العـآآآآلم !!

فعلا صفه تجعل من حوله بحيره من تفكيره،وعادة مايقال عن الشخص الغامض مثل لؤلؤة في عمق البحر لااحد يصل اليه+يكون محل ثقه من الجميع=)

يعطيك العافيه فوفا ،طرح رائع ^^

[white rose]

وعليكم السلام ورحمة الله وبركاته

طرح راقي يعطيك الف عافية
وتذكرت مواقف كثيرة
منها : ماعليها شرهه مرجوجه !!
فعلا مع صحباتي هذي الكلمة تنقال عني بس كنت اخذها بمزح وهيك لكن فعلا لازم تتغير وبحاول اطبق الاستراتيجات اغلبها الحمدلله اطبقه بس بحاول اثقل واركد شوي

لما أحد يمدحك لاتطيرين وتنبسطين وتقولين صدق احلفي !!
هذي ام حمدان عمتك بس لمن تنقهر تقولها

[amob]

جزاك الله اختي الغالية

النقاط اللي ذكرتيها فعلا صحيحة وخصوصا نقطة الصمت هيبة

يعطيك العافية

[متفايله]

ماشالله عليك قدرتي توصلي كلامك بكل سلاسة نفع الله بك
نجي للمواقف همممممم <<رح اعصري مخي عشانكم
اكثر المواقف الي صادفتها انه الوحده لمن تكون هادئه بزياده تسير مملة وجودها زي عدمه ودايم الناس تقول انها مسكينة
انا يوم كنت صغيره كنت انطوائه مااحب اسولف الى مع اهلي وتعبت كثير من نظرة الناس لي الحمدالله اكتشفت ان السبب هو الضعف في شخصيتي وسبب هالشي اني اسمع كثير لكلام الناس واخذه بطريقه جديه واقنع نفسي ان هالشي فيني الحين سرت انسانة مختلفه تمام والحمدالله لازم الانسان يكون صريح مع نفسه ويواجه مشاكلة ومايتهرب منها
كلنا نتعرض له الامور وهالشي يرجع لطريقة التربية وعادات المجتمع مشكوره ع هالموظوع اكثر من رائع

[(بوح)]

يسلموووو ع هالطرح