افيدوني في تخصص تقنية مختبرات !!

[Neeno]

اتمنى اعرف كيف طريقة الدراسه في دا التخصص ومعلومات عنه
واي احد عنده اي معلومه عنه اتمنى يفيدني بيهاا ..

[weddah]

للأسف ما اقدر افيدك كثير لاني زيك دوبي خلصت تحضيري
وهذا القسم بالذات ماعرف مين يقدر يجاوبنا

لكن هذا اللي قدرت الاقيه وان شاء الله يفيدك



الخطه الدراسه لتقنيه المختبرات

http://famc.kau.edu.sa/Files/142/fil...9%8A%D8%A9.pdf

وهدا المتطلبات للتخرج وعدد سنوات الدراسه

http://famc.kau.edu.sa/content.aspx?...www.kau.edu.sa

وان شاء الله يجي احد بعدي يفيدك اكثر

[abdullah.f]

والله الي اعرفو انو دراستو تتعلق بالكيميا اكتر شي
لأنوفي الخطه الدراسيه موجوده دي المواد
(كيميا عامه)(كيميا عضويه)(كيمياحيويه1و2)(كيميا سريريه تشخيصيه1و2)
وسمعت انو وضيفة المختبرات مطلوبه
بس هدا كل شي اعرفو عن تقنية المختبرات على الرغم انو تخصصي
واتمنى انو نسمع ردود اكتر فائده

[no0of2009]

اقراي بالمنتدى هنا راح تلاقي مواضيع تفيدك

[عبوور]

السلام عليكم
بما أني الوحيدة الكبيرة هنا مختبرات بحاول أجاوب على أسئلتكم الله يقدرني لانه اسئلتكم صعبة
أولا بالنسبة للكيمياء مبدئيا لاتحطوا في رأسكم أنها زي كيمياء الثانوي أبدا لو تلاحظوا اسمها كيمياء طبية أو كيمياء حيوية وده معناه كيمياء سريرية تشخصية المادة هاذي أول جزء فيها رياضيات معمل هذي اول ماتدخلوا الكلية راح تأخذوا ده جزء مقدس لانه كل سنه أو بمعني أصح كل ترم راح تختبروا
بعدين تتكلم عن مثلا لو انسان كانه عنده مرض في الكلية واتجمعت مادة في جسمه لازم نعرف من فين جاءت والجسم كيف حيحاول يتخلص منها وكده يعني شيء حيوي مو زي الثانوي مادة + مادة تعطينا شيء وخلاص
بصراحة اتمني اكون افدتكم مؤقتا حاول تعطوني أسئلة محددة عشان أقدر أجاوب عليها لانه بس أتكلم عن القسم كده راح يحتاج كلام كثير واخاف اقوله ومايفيدكم
كمان شوفوا ردي ع الاسئلة اللي في موضوع أ. جهاد فلمبان تبع الأشعة اذا راح تفيدكم

[عبوور]

بصراحة أنا حاسة أنه ردي اللي كتبته مو واضح بس أبغي أعرف أنتوا حابين تعرفوا عن كل مادة ندرسها ايش قصتها باختصار طبعا ولا بس لما نتخرج ايش ممكن نكون ولانه الاسهل راح أبدأ فيه وبعدين قولوا رايكم
بعد سنة رابعالمفروض نختار ايش التخصصات اللي حاطين في بالنا ممكن نتخصصها في المختبر والمختبرات الموجودة في المستشفى الجامعي هي ثمانية
1- مختبر مناعة
2- مختبر الدم
3- بنك الدم
4- مايكروبيولجي فيه قسمين بكتيريا وفطريات كمادة ندرس كمان فايروسات بس هاذي معملها في مركز الملك فهد للابحاث لانه معامل الفيروسات شوية خطرة ومتطوره ومو اي مكان تكون فيه وطبعا داخله وحدة خاصة بمرض السل
5- كيمياء سريرية
6- الطفيليات
في قسم وراثة بس هذا التطبيق تبعه في مركز الملك فهد للابحاث برضوا
باقي معملين بس مع الاجازة طاروا

[نجمة اليل]

مشكوره عبوور ع المعلومات المفيده جدا والى صاحبة الموضوع
اني حابه ادخل مختبرات بس خاايفه ومحتاره
عندي كم سؤال ؟؟
كيف تحسي الدراسه سهله والا صعبه ؟؟
وفي تدريب خلال الدراسه في المستشفى ؟؟؟
وهل تنصحيني فيه لانو خاايفه من اتخصص ؟؟
وجزاك الله خير الجزاء
موفقه اختي

[LPRocks]

المشاركة الأصلية كتبت بواسطة عبوور السلام عليكم بما أني الوحيدة الكبيرة هنا مختبرات بحاول أجاوب على أسئلتكم الله يقدرني لانه اسئلتكم صعبة أولا بالنسبة للكيمياء مبدئيا لاتحطوا في رأسكم أنها زي كيمياء الثانوي أبدا لو تلاحظوا اسمها كيمياء طبية أو كيمياء حيوية وده معناه كيمياء سريرية تشخصية المادة هاذي أول جزء فيها رياضيات معمل هذي اول ماتدخلوا الكلية راح تأخذوا ده جزء مقدس لانه كل سنه أو بمعني أصح كل ترم راح تختبروا بعدين تتكلم عن مثلا لو انسان كانه عنده مرض في الكلية واتجمعت مادة في جسمه لازم نعرف من فين جاءت والجسم كيف حيحاول يتخلص منها وكده يعني شيء حيوي مو زي الثانوي مادة + مادة تعطينا شيء وخلاص بصراحة اتمني اكون افدتكم مؤقتا حاول تعطوني أسئلة محددة عشان أقدر أجاوب عليها لانه بس أتكلم عن القسم كده راح يحتاج كلام كثير واخاف اقوله ومايفيدكم كمان شوفوا ردي ع الاسئلة اللي في موضوع أ. جهاد فلمبان تبع الأشعة اذا راح تفيدكم

طيب ممكن تعرفينا على مواد الكيمياء هذي اكثر يليت لو تعطينا نبذة بسيطة منبغى نطول عليكي و في نفس الوقت متخوفين من المعادلات الكيميائية و تعقيد الكيمياء و دوش الراس

الله يوفقك مس عبوور بس هذا اهم سؤال بنسبة ليا ^_^

[weddah]

يعطيك العافية عبوورة عرفت منك معلومات جديده

[عبوور]

كيف تحسي الدراسه سهله والا صعبه ؟؟ وفي تدريب خلال الدراسه في المستشفى ؟؟؟ وهل تنصحيني فيه لانو خاايفه من اتخصص ؟؟ وجزاك الله خير الجزاء موفقه اختي

هيا بين السهلة والصعبة يعني سنة ثانية المواد قليلة بس صعوبتها أنك تبدأي تأخذ المصطلحات والأساسيات وتفهمي الدكاترة لأنه الدكاترة قليل وتقريبا يدرسوا كل المواد سنة ثالثة المواد كثيرة بس تكوني عارفة تأخذي المهم والاساسيات عندك راح تحسي كتير أشياء تترتب في راسك يعني سنة ثانية جرعة قليله لكن مركزة من المعلومات وثالثة معلومات كثيرة بس تكوني قادرة على استنتاجها
التدريب في المستشفى يبدأ سنة رابع
انصحك بالاستخارة اكتر شيء دايما قولي يااارب اختارلي اللي في الخير ورضيني بيه < نصيحة أخوية
يااارب أنت وأنت والجميع موفقين لاتحرمني من دعائك ....

طيب ممكن تعرفينا على مواد الكيمياء هذي اكثر يليت لو تعطينا نبذة بسيطة منبغى نطول عليكي و في نفس الوقت متخوفين من المعادلات الكيميائية و تعقيد الكيمياء و دوش الراس

أول شيء راح تبدأو بكيمياء حيوي هاذي كيف كل شيء يدخل جسمنا يتحلل يعني مثلا في الجسم جلكوز يجي انزيم يحولوا لشيء ثاني والناتج يجي انزيم يحولوا وسلسله طويلة بس ماراح تنعطي لك كده ومطلوب منك تحفظها بالتفصيل والشرح ودكتورات قسم البيوكمستري "اسم الماده بالانجليزي " جدا رائعات يحفظوا من المحاضرة بس ما أعرف عن الدكاترة تناخذ على ترمين سنة ثالثة الكيمياء السريرية نفس ده الكلام بس تطبقي طبي يعني انسان عنده مشكله في انزيم ايش راح يتجمع في جسمه وكيف الجسم راح يتخلص منه واحنا كيف نقدر نقيس المواد هاذي في المعمل وكده وهذي المادة يدرسها دكاترة رجال للطلاب والطالبات وحيكون مروا عليكم سنة ثانية فتكونوا عارفين طريقة كل دكتور في الاسئلة يعني الوضع يكون مرتب فيها
يااارب أكون أفدتك

يعطيك العافية عبوورة عرفت منك معلومات جديده

الله يعافيك يااارب