دفعه 09 ياريت تجاوبوني على اسئلتي ....التحويل .... ضرووووري

[bashboshah]

السلام عليكم ...

انا الحمدلله خلصت التحضيري بمعدل عالي جدا ... وكنت مقدمه طب بشري كرغبه اولى وبعد استشارات واستخارات اقتنعت بطب الاسنان تماما وغيرت الرغبه الاولى الى اسنان ...
لكن للاسف لمن نلز التسكين ما اعتمدو اخر طلب اللي كانت في اسنان كرغبه اولى لانو متاخر واعتمدو البشري وقبلوني كرغبه اولى ... الحمدلله على كل حال .. المهم انا دحين ابا احول ورحت للعماده قالتلي مو من عندنا روحي لنفس الكليه .... ورحت للكليه الاسنان قالتلي انو تنزل خانه تحويل اول اسبوع في الدوام او اخر اسبوع في الجازه تقدمي تحويل من كليه لاخرى .... فياريت اللي اتقبلو طب اسنان السنه اللي فاتت هل نزلت لكم الخانه ولا هيا بس للي كملو كم سنه ؟؟؟؟؟

وياريت اللي عندو معلومات عن التحويل يفيديني لانو الحمدلله موزوني ومعدلي عالي لاكن التاخير كان السبب ...


وشكرا ...

[Glamor Mada]

دكتورة نانو و دكتور مزاج هما الوحيدين اللي من الدفعات اللي قبلنا هنا في المنتدى .. انشاءالله رح يفيدوكي ^^
وانشاءالله تقدري تحولي وتنضمي لكليتنا ^^

[Kaira]

يب كلام مادا صح انشاالله ..
وانشاالله يااااااااارب تنقبلي أسنان وتنضمي لقروبنا وتنبسطي معانا =)

[Dr.smile]

الله يعينك

[Dr~NanoOok]

وعليكم السلام والرحمة

اهلين بيكِ أختي بشبوشة ^_^

سبحان الله.. انتِ عكس كتيرين دخلوا الأسنان وهم مو متأكدين من رغبتهم فيه
<< وممكن تزوري مواضيع القسم.. و واضح كيف "^^

لكن سبحان الله.. محد يقنع تماما بـ اللي عنده
لكنها خيره من ربنا.. واللي فيه الخير حييسره لكِ وللجميع

وإن شاء الله ربي يسهلك ويكتبلك الخير فين ماكان
وباذن الله نكسبك طبيبة أسنان بيننا يارب ^_^

~

بالنسبة لسؤالك ..

فأنا من دفعة 08
ودايما تنزلنا خانة التحويل في الـ odus في نهاية كل سنة.. يعني بنص الترم الثاني تقريبا
وما قد حصلت في بداية السنة

لكن امكن مع النظام الجديد لهذه السنة.. حينزلوا الخانة حقت التحويل
وبما أن الأستاذات بالشؤون بكليتنا قالولكم هالكلام.. فباذن الله صحيح.. وإن شاء الله ما حيقصروا معاكِ
وتقدري تتواصلي معاهم عن طريق هاتف الجامعة << معليش ما اعرفه بالضبط لكن هو اللي فيه اصفار كثير "^^
وتطلبي من السنترال التحويلة حقت "الشؤون الطلابية - قسم البنات , كلية طب الأسنان"


,

وصراحة أنا ما عندي فكرة.. اذا تم التحويل إلى الأسنان في بداية السنة اللي فاتت
وإن شاء الله بنات من دفعة 09 يفيدوكِ في هذا الشي

وإن شاء الله أكون أفدتك.. واعذريني على التقصير

موفقة عزيزتي

[الباشا666]

اختي في ناس من طلاب دفعتنا العام الماضي حولو للطب والعكس صحيح

بس ما قالو انو اودس لأ راحو للكلية نفسها يعني اول يوم روحي العميدة حقتكم او اي احد يقدر يفيدك زي الدكتورة باحنان وهيا ان شالله تحولك وخشي على الاودس وشوفي يمكن ينزلوها بس احنا كانو منزلينها بداية السنة بس ما كانت مفعلة يعني لازم تروحي الكلية احسن اول يوم

[dina A]

الا أنا افتكــر السنة الي فاتت نزلتلنا خـانة التحويل وعلى ما أفتكر كانت بداية السنــة وان شاء الله اذا معدلك أساسا يدخلك أسنان لأنو أسنان بالنسبة للبنات يطلبو المعدل الأعلى أتوقع انكـ تقدري تحولي ان شاء الله :) الله يختارلك الخير

[Ma7a]

للمعلومية نزلت خانة التحويل في الاوديس من أمس ..

[bashboshah]

بالنسبه لخانه التحويل في الاودس نزلت بس سالو قالو دي بس لدفعه 09 احنا لازم نكمل سنه اول
ورحت العماده تقلي روحي كليه الاسنان والاسنان تقلك العماده احنا مالنا شغل ....


يعني دي الطريقتين مانفعت ... في امل تاني احول ولا خلاص ....
التحويل بدايه السنه اللي يعرف احد حول من دفعه 09 لمين راحو بالزبط ؟؟؟؟ وحوسه ومرمطه ولا لأ ؟؟؟

وفي سؤال تاني .... ازا لاسمح الله ماتيسر لي التحويل بدايه السنه دي وكملتها بشري وحولت بعد سنه تانيه كيف راح يكون النظام ؟؟؟؟ لانو حسب ماسمعت في ماده مختلفه اخدها مع مواد سنه تالته ولا اقعد سنه عشان ماده ولا كيف النظام ؟؟؟



ياريت تساعدوني

[dina A]

انا صحبتي قدك كانت عندها نفس المشكلة هيا كانت تبغى بشري وما انقبلت وكانت مرتبة الاختيارات اقتصاد وادارة وبعدو حاطة تمريض وانقبلت ادارة واقتصاد مع انو معدلها يدخلها تمريض بالراحه المهم بعد ما شافت نفسها انقبلت ادارة غيرت رأيها واقتنعت بالتمريض راحت للعمادة كدا على نص شعبان وقالولها قدمي معاملة وتعالي راجعيها يوم 29 شعبان والله قدمتها وراحت راجعتها تقريبا 2 أو 3 يوم من رمضان لأنها كانت مسافرة المهم لمن راحت قالتلها الموظفه الي هناك افتحي الاودس تلاقي نفسك اتحولتي و بالفعل فتحت واتحولت تمريض ومن غير واسطة ولا شي والله لأنو موزونها يدخلها من الاساس تمريض وقالتلها كل الي زيك تنطبق عليهم الشروط حولتهم انتي روحي العمادة تاني وشوفي اش يقولولك ما انصحك تستني الين تبدأ السنة لأنو ممكن احنا والبشري الترم الاول ما نختلف كتير بس الترم التاني نختلف 180 درجة روحي وقوليلها اعرفبنت قدمت معاملة وحولت وان شاء الله لو فيها خير تتيسرلك .. ان شاء الله ما اكون طولت عليكي الله يوفقك :)