مميزات البطاقة الجامعيــــــه !!

[حلم ماضي]

انتوا داخلين نظام تعليم عن بعد
وين المشكله لو نكتب عليها نظام تعليم عن بعد بالعكس الناس تطورت ع فكره
موفقين

[المتميزة 2009]

أختى حطام أنثى بصراحة بتكونين مرجع لنا في كل نقاش أو معلومة نجهلها
الله يجعلها في ميزان حسناتك ورمضان كريم على الجميع بس ترى أهم شي شهادة بغض النظرعن المسمى

[mo999@11]

انا اضم صوتي لاختي المتميزة

أختى حطام أنثى بصراحة بتكونين مرجع لنا في كل نقاش أو معلومة نجهلها

وكل عام وانتي الله اقرب

[ام حمدان]

المشاركة الأصلية كتبت بواسطة حطام أنثى سؤال ؟؟؟ انتم ليش مهتمين بالمسمى اكثر من انكم تبدأوا دراسه وتجتهدوا ؟؟؟ ترى الدراسه هي دراسه بكل اشكالها وترى هم حتى لو ماكتبوا انتظام لسه في فرصه كبيرة انهم يغيروا رأيهم نحنا اول دفعه نتخرج بعد سنتين ومتأملين انتم باقي لكم اربع سنين وفيها حياه او موت لا تشغلوا نفسكم بأمور فرعيه وتنسوا الاساس... ياعزيزتي اهتمام طلبة الانتساب او التعليم عن بعد بهذي النقطة لأنهم خايفين على مستقبلهم الوظيفي لأن كما هو معروف تعطى الاولويه في التوظيف لطلاب الأنتظام ثم الانتساب ثم التعليم عن بعد بس مو معناة هالكلام ان مالهم مستقبل فالتوظيف لا ابداً المسأله فالنهاية قسمه ونصيب ولمعلوماتكم ترى طلاب الانتساب والتعليم عن البعد معدلاتهم اعلى من الانتظام وجادين فالدراسه اكثر منهم واعتقد لوفكروا يتوظفون والجهه الموظفه شافت معدلاتهم عاليه بتفضلهم عالانتظام لو كان المتقدم معدله اقل وتفائلوا بالخير مادام الجامعه وزعت الاستبيان يعني اكيد قاعده تدرس الموضوع بجديه وممكن على حظنا نتخرج ومايكتبوا نوع دراستنا في الشهاده ايش دراكم ممكن يكون خير لنا ينكتب تعليم عن بعد يمكن يكون لنا مميزات احسن من الانتظام بما اننا شغلنا كله على الكمبيوتر والوظائف تبغى ناس مهره في الكمبيوتر.. لا نشيل هم شيء لسه بدري عليه علينا دحين نجتهد ويسير خير بعد مانتخرج ...

الله يكتب الي فيه الخير والمهم اننا نحرص على تطوير انفسنا اكثر من الامور الشكليه هذي
تقبلوا مروري موفقين جميعاً بإذن الله

[شرقاوي مشاغب]

مساء الخير ... وكل عام وانتم بخير

مشكورين على التواجد والتعليق والله يبارك فيكم

لكن نعود لمحور حديثنا : مميزات البطاقة الجامعية ؟؟
واكيد الطلاب اللى قبلنا عندهم خلفية عن الموضوع .. لاني لقيت في
النشرة المرفقة مع البطاقة انك تققدر
تدخل على النظام وتطلب تخفيض للخطوط السعودية ولكن غير موضح
هل هو طلب مفتوح (يعني كل ماتبي تطلب ) او مره واحدة خلال العام ؟؟ الله اعلم


عزيزي : leo.m
بالنسبة لاستلام البطاقة تقدر تروح الدي اتش ال اذا ارسلوا على الجوال رساله
تفيد بوصول البطاقة من جدة ..



ودمتم بود ،،،

[غاوية دراسة]

يعجبني كلامك ومنطقك ياحطام انثى
وانا راي من رأيك
الله يزيدك نور وفهم
....
مبارك عليكم الشهر وكل عام وانتوا بخير
....
على موضوع مميزات البطاقة طيب لو فيه تخفيض للخطوط
واكيد التخفيض بيكون تخفيض الطالب يعني 50 بالمية ولا لا؟
وتخفيض الطالب بيكون مفتوح بأي وقت هذا الي اذكره الا لو كان فيه شروط خاصة لتخفيض التعليم عن بعد ؟!

[Mushari]

الله أعلم محد عارف نصدق ونقراء لمين

[حطام أنثى]

اولا تسلمون على الاطراء والكلام الحلو ...

ثانيا اختي ام حمدان والبقيـه كلنا شايلين هم بس مو لدرجـه الواحد يبطل دراسـه مرررة ... يعني انا مرة في احد المواضيع هنا شفت واحد بطل يسجل كله بس عشان يكتبوا تعليم عن بعد ... طيب وخير ياطير ممكن لو كتبوا تكون لنا مميزات الانتظام يحلموا فيها ومو محصلينها .. اهم شيء اننا درسنا واجتهدنا ونحنا افضل من اللي ماأنقبل نهائي ونسبهم عاليـه او رفضوا يسجلوا عشان اهتموا بالمسميات زياده عن اللزوم ...

ونصيحـه اللي يهتم بالمسمى ترى التحويل من التعليم عن بعد للأنتظام سهل جدا اجتهدوا اول سنـه ويجيبوا معدل فوق 3.60 ويحولوكم على طوووول .... واول سنـه الواحد بسهولـه يجيب فوق 4 لان المواد جدا سهله وكمان التعليم عن بعد يراعوا زياده نحنا نلقى مراعاه الانتظام مايحلموا فيها يعيدوا كل شيء لنا اختبارات واجبات تحسين وكل شيء

ياللـه كل واحد وقناعته انا بس حبيت ارد واتمنى محد وعل من انفعالي .. بس انا شايفـه البيئه اللي حولي ماتشجعني بالعكس تحبط كأنني العب ماأدري ودا تفكير غلط للأسف.. :):)

[عبــــــــــد الله]

يكتبون اللي يكتبون ما علينا........

وبالنسبة للتخفيض انا سامع انه فيه مشروع للمشاركة في تزويج شباب التعليم عن بعد

وكذلك تقديم بانوراما كوبيه لكل طالب. وفلة في المحمدية او الحمرا حسب ما يحب الطالب هههههههههههههههههه

يا رجال كل الطلاب ما عندهم غير تخفيض الخطوط السعودية وازيدك من الشعر بيت الخطوط ناوية توقف رحلاتها

الداخلية. كلها مرحلة انتقالية وربك ييسررررررررر ولا تزعلون مني

[M86]

ههههههههههههههههههههههههههههههههههههههههههه عبدالله انا داخله ادور رد على سوألي و فطسني ردك من الضحك

بصراحه ،، ياخي ااحنا داخلين عن بعد بنتشرط كمان حطو لنا انتظام ،، لا لا مايصير كذا

بعدين ترا الي يدرسو عن بعد صعب مو سهل و الانتساب اصعب كمان ،، الله يوفق الجميـــع

اقولكم انا مره متحمسه متى نبداء ندرس ؟؟؟

<<< والله يبيلها تسطير