تجمع طالبات بحث وتدريب / خديجة ضباب

[زيونz]

مرحباا صبايا ..

لاحظت أن في شعبتين بحث وتدريب لـ خديجة ضباب

بس مافي ولاموضوع ولا تفاعل لـ الطالبات مع البحث والتدريب


هذا المتصفح لـ طالبات البحث والتدريب " مسار أدارة أعمال دولية "


.. أتمنى تتفاعلوا

[*كلي احساس*]

السلام عليكم
انا كماان استغربت انه مافي تجمع لطالبات خديجه ضباب
انا نزلتلي معاها وان شاء الله بكره براجعها
اللي راحت عندها تقولنا ايش صار معاها ؟؟
واللي تعرف مكتبها او وين الاقيها تقولي

[ملكه الدلع]

سلام يابنات
انا رحت ل د/ خديجة ضباب السبت الساعه 12
ومالقيتها في مكتبها ولما سالت عنها قالولي يمكن في محاضرة
كتبت لها ورقة فيها تاريخ نفس اليوم والساعه واني من طالبات البحث والتدريب عندها
واسمي ورقمي الجامعي وحطيت ايميلي ورقم جوالي وكتبت لها اني من مكة مقدر اجيها تاني
الا بعد الحج بسبب زحمة الحجاج
ومع ذلك ماردت عليا لا ايميل ولا جوال
اللي تعرف ساعاتها المكتبيه تفيدنا =(

[بنت كووول]

ساعاتها المتببيه هيا يوم الاحد والاثنين من 8 لين 12 ويوم الثلوث والربوع من 8 لين 9 يوم السبت ماتجي واذا رحتو مكتبها ومالقيتوها اول غرفه بعد ماتطلعي الردررج على يسارك غرفه السكرتاريه اساليهم عنها والاغلب هيا بس تجلس تدور تحت عند إرفه الحذف والا ضافه او عند غرفه زينب اللي قدام غرفه الحذف والاضافه

[بنت كووول]

انا رحت يوم الاحد عندها وقابلتها قالتلي اتدربي في اي شركه اهم شي شركه دوليه او بنوك سالتها فين قالت رودي بالبيد ولا الغرفه التجاريه. دا كمثال بس انا مافضلت دولا المكانين عشان رح يصعب عليا الاقي مشكله واكتب عنها نظرا لتواجد االطالبات بعدد كبير فيهم المهم الله يعين وانا جالسه ادور ويارب تتيسر

[زيونz]

هلاااا بـ الصباياااا

أنا أن شاء الله بكره بروح الجامعة وبقابل الإستاذه وأتفاهم معاها

..


غير التدريب .. أكيد راح تطلب أشياء ثانية .. زي عرض بور بونت , تقرير .... الخ

يعني لازم نفهم منها كل شيء مطلوب منا

[كيوت الاموره]

مرتين اجي الجامعه بساعاتها المكتبيه ما احصلها :/
يعني دحين انا مظطرة ادرب بالحج باذن الله
عادي اتدرب في بنك بعدين اجي لها ولا في حاجات تطلبها قبل التدريب .
ياريت الي كلمها يفيدنااا

[*كلي احساس*]

مرحبا صبايا
انا رحتلها الاحد كانت في الغرفه اللي قبال غرفة الحذف والاضافه
قلتلها انا بحث وتدريب عندك قالتلي لقيتي مكان تتدربي فيه ؟ وانتي من جده ولا لا ؟
اعطيتها اسم الشركه اللي وافقتلي ع التدريب
وقالتلي اوك
رحت طبعت اوراق التدريب ورجعت مالقيتها
سالت عنها فوق بالسكرتاريه قالولي ماندري وطلبت منهم اوراق طرية كتابة التقرير
قلتلهم انا ابغاها عشان توقعلي ع ورقة التدريب قالولي ما يحتاج توقعلك روحي اختميها من الحذف والاضافه
ورحت ختمتها عند استاذه عبير
وان شاء الله ببدا التدريب قريب

[*كلي احساس*]

up
up
up
up

[ملكه الدلع]

يابنات انا اعرف وحدة قالتلها اتدربي في اي شركة
ياريت تتأكدوا منها شخصيا
انا عن نفسي خلصت تدريب وبقيلي بس التقرير