انصحوني في الاحصاء يابنات خطه أ

[Yasmina95]

المشاركة الأصلية كتبت بواسطة mirinoxd كان جميييل صراحة تصدقي ماجا ولا سؤال عن نوع الدالة وماجات ولا داله ثابتة كأنهم كانو يتابعونا هنا وماجابو ولا حاجة كنا متوقعينها بس الحمدلله كان سهل يبالو تركيز بس سهل الحمدللله الله يبسطنا بالدرجات يارب واياكم

اي والله ماجاء !!! على بالي حيجي😂😂

تحسيهم خلاص عرفوا اننا فهمنا حركاتهم في الاختبار ف قرروا يغيروا الطريقة 😅😅

بس الحمدلله سهل يعني مو داكا الشيء بس كان يبغالوا تركيز 👍

[شوق الورد]

يب والله
الحمد الله جدا سهل
<<< داخلة عرض ههههههههه
يارب عقبال الجاي يكون اسهل يارب

[آنسة مفهية !]

حبيبتي .. الإحصاء جداً سهل بس تعرفي عشان أنواع عينات والعيوب وخصائص الدومين وذآ متى يكون الصفر قيمة حقيقة وزي ذي
سبحان الله وقت الإختبار تزدحم أفكارنا ونخبص ..
شوفي إحنا إلحين نشوف المآث سهل وقبل بنات أ يقولواا مره صعب يجي
فإنتِ لاتخافي ياقلبي دامك متوكلة على الله وعملتِ بالأسباب ربي مايضيع تعبك أبد وصرااحة الحمدلله وإنتو عندكم سكاشن إحنا مَ كآن عندنا بالشرفية
بس إلحين فييهه سكاشن لخطة ب يلآه الحمدلله !
هههههههههههههههههههههههههههههههههههههههههه والله من جد على الماث ولانوع دآلة جاني ..
فيه اسئلة طلعت مرهه فرحانة على أساس فل مارك بس طلع لي كم خطأ ويآرب ماتزيد ..
وربي يفرحنا ويرضينا ويحقق لنا آمانينا ..

[Refal.m.a]

الاحصاء جدا جميل ، بس اهم شي تفهميه اسئلتو غالبا تختبر فهمك اكتر من حفظك ماعدا الباب الاول طبعا حفظ و لازم تركزي ع التقسيمات والانواع واش يندرج تحتها بس عموما الاحصاء مادة حلوة للي يفهمها ، الله يوفقكم يارب !

[Refal.m.a]

صح و بالنسبة للسكاشن مو كل الابواب فيها افكار جديدة بس نصيحتي ليكي زاكري الكتاب اول شي وافهمي الامثلة في الدروس بعدين وقت ماتراجعي اطلعي على اسئلة السكشن و اخر شي حلي نموذج الاختبار الي في موقع الاستاذة ، انا كدا كنت اسوي و احس يكفيكي مو لازم ملخصات وتلخبطي نفسك !

[Somaiah Yousef]

سؤال بالنسبة للإحصاء

أنا تعبت من الـ variance & standard deviation

الاعداد فيه طويله والحسابات كثيرة وضرررب مخي

واحسبه كذا مرة ومايطلع نفس الجواب اللي عندي

يطلع جواب مقارب له

مادري كيف في الاختبار حيكون واضح ومايلخبط ؟

وحيجيبوا اعداد السامبل سآيززز كثيرةة ؟

الاختبار مشابه لاختبار السنة اللي فاتت ؟؟ أشوفه سهل بعكس التست بانك والسكاشن اللي حاولت احلها :(

[آنسة مفهية !]

^

حبيبتي فيونكة .. لو مطلع لك نفس الرقم احسبي البسط لحالو والمقام لحالو
وشوفي وحطي أقواس واخترعي حاجات لين يطلع معاكِ..
أنا مرات زي كِذا مايطلع لي مع إنيي متأكدة..
وأحط أقواس يخرجلي =(
عادةً في الأحصاء يطلع الناتج نفسه بالإختبار خصوصاً لو استخدمتِ القانون الصح مباشرة قدامك يكون ..
ومرات تستخدمي قانون خطأ ويطلع لك كمان
هوآ الفاينل افتكر شئ عارفتو ومارضي يطلع معايآ..
وكذآ بنت ماطلعع لها ..
فركزوا حبيباتي أنا أفتكر الدوري الـأول كان سهل وجميل وكثير جابوا فل مارك
=ياليتني كنت منهم هههههههههههههههههههههههههههه
الله يوفقكم يآرب.. ويفرحكم

[Mirinoxd]

فيونكة لا ابدا ما يجيبو سامبل سايز كبير وياخد وقت
اذا جابو اعداد كبيرة تكون معطاه مو انتي الي تحسبيها يعني مثلا يجيبلك معطى مجموع xy = ويعطيكي عدد كبير
مجموع x^2 ويديكي عدد
وزي كدا وانتي الي عليكي بس انك تمسكي كل المعطيات وتعوضي ف القانون الي قدامك ف الورقة يعني شي سهل جدا
بالنسبة للفيرينس والستاندرد ديفييشن المفروض انو يطلع نفسو او بالتقريب يطلع, بس ما يكون رقم غير بس مقارب له :|
شوفي يمكن تعويضك خطأ خصصوصا زي ما قالت انسه مفهية الاقواس مهمممة مرا

اختباركم بكرا صح؟
عقبال ما تجي وتبشرينا بالاختبار السهل

[Somaiah Yousef]

^

يعطيكم العآفيةة عزيزآتي

إن شاء الله بأركزز على حكاية الأقواس :(

كويس طمنتوني إن السامبل سايزز اعداد قليللة ,, عيني زغللللت منه

الله يسهلنا وإياكم إن شاء الله