لو التسكين قفل

[جامعي تحضيري]

سلام عليكم
دحين لو التسكين قفل وواحد ما حط الرغبات يقدر يحطها بعد ما يقفلوه ؟؟ كيف ؟؟

2 - لو واحد بعد ما حط الرغبات وقفل التسكين قرر يغير الرغبات قبل ما تطلع النتايج ؟؟ لو يقدر كيف ؟؟

اتمنى اللي يجاوب بكون متاكد من جوابه للضرورة

[رفّات حُلم]

ع ما قرأت !
فيه فرز تاني يكون : )
ووقتها ينفرز .. بس طبعًا حتكون الأولوية للناس اللي عبُّوه وكدا
أتوقع يعني الفرز التاني يكون مع الصيفي!
الله أعلم : )

[جامعي تحضيري]

المشاركة الأصلية كتبت بواسطة جامعي تحضيري سلام عليكم دحين لو التسكين قفل وواحد ما حط الرغبات يقدر يحطها بعد ما يقفلوه ؟؟ كيف ؟؟ 2 - لو واحد بعد ما حط الرغبات وقفل التسكين قرر يغير الرغبات قبل ما تطلع النتايج ؟؟ لو يقدر كيف ؟؟ اتمنى اللي يجاوب بكون متاكد من جوابه للضرورة

انا كنت اقصد من السؤال الاول انو من باب الحيلة ما يحط رغبات الحين وينتظر الين يعرف معدله وبعدها يروح لهم ويقولهم نسيت احط الرغبات ويحطها على كيفه ما ما يضمن انو معدله عالي ( حيلة اقوى )

اما السؤال الثاني ( حيلة ضعيفة ) يعني بيقولوله انت حطيت رغبتك وما يمديك تغيرها

الحين كيف ينفع وﻻ ﻻ


ههههههههههه المفروض محد يضحك ﻻني افكر بذكاء خارق

[Somaiah Yousef]

^

طيب السؤآل وش الفايدة

يعني من الاساس ليش مآترتب الرغبآت على كذا

يعني اول رغبة لك وش تبغى ؟ لو مانقبلت ايش تبغى ؟ لو مآينفع إيش تبغى ؟

بدال الحوسة دي وتروح تغير ومدري ايش :)

[جوهرة المطيري]

لو ما رتبت رغباتك في المرة الاولى حتخسر كثير لانه حتروح ترتب رغباتك عن الشوون
بالنسبة لظهور النتائج حتكون مع الصيفي ومما راح تفتح كل الاقسام
والافضل تسجل الرغبات دحين عشان تنزل مع الدفعة الاولى
وبعدين ايش فيها لو رتبت قبل ما يقفل

[جامعي تحضيري]

مثلا لو انا خطة ا وعندي فيزيا ورياضيات >> تحددلي قبولي في كلية الهندسة وانا مني عارف كم بجيب فيها عشان كذا اكون محتار احطها وﻻ ﻻ
اما لو كان ينتهي التسكين بعد ما تطلع درجات الدوري الثاني اكون عالاقل عرفت درجتي من 60 ويبقى القليل اللي هو 40 عشان كداا 😊😊

[AoDi]

هوا في الأساس الاولوية للدرجات الاعلى..


فلو انتا ذكي حط التخصصات اللي القبول عليها صعب "إحتمال قبولك فيها ضعيف" و "نفسك تدرس فيها طبعا"فوق و رتب على هذا الأساس

لأنو الكليات دي لو انقبلت فيها ما راح تندم "بما انك نفسك فيها"

و الكليات اللي نفسك فيها وقبولها اقل صعوبة بعدها و كدا

و طبعا التوفيق من الله

[Somaiah Yousef]

المشاركة الأصلية كتبت بواسطة جامعي تحضيري مثلا لو انا خطة ا وعندي فيزيا ورياضيات >> تحددلي قبولي في كلية الهندسة وانا مني عارف كم بجيب فيها عشان كذا اكون محتار احطها وﻻ ﻻ اما لو كان ينتهي التسكين بعد ما تطلع درجات الدوري الثاني اكون عالاقل عرفت درجتي من 60 ويبقى القليل اللي هو 40 عشان كداا 😊😊

طيب حطها وش خسران :)

في كلا الحالتين .. لو انقبلت خير وبركة

لو ما انقبلت راح تنقبل ان شاء الله في الرغبة الثانية أو الثالثة وهكذا

[رفّات حُلم]

المشاركة الأصلية كتبت بواسطة aodi هوا في الأساس الاولوية للدرجات الاعلى.. فلو انتا ذكي حط التخصصات اللي القبول عليها صعب "إحتمال قبولك فيها ضعيف" و "نفسك تدرس فيها طبعا"فوق و رتب على هذا الأساس لأنو الكليات دي لو انقبلت فيها ما راح تندم "بما انك نفسك فيها" و الكليات اللي نفسك فيها وقبولها اقل صعوبة بعدها و كدا و طبعا التوفيق من الله

اتفق معاك
يعني رتب بالشي اللي تباه واحتمالية قبولك فيها ضعيف
لانه درجاتك ما تأهل
وفي النهاية كلو مكتوب ومُقدّر من يوم ما احنا في بطون أمهاتنا =)