قروب مادة مصادر التزام / الدكتور محمد العثمان 220

[(( محمد ))]

المشاركة الأصلية كتبت بواسطة أحمد سعيد الغامدي عيشوا في أحلامكم الوردية....ولنا لقاء في نهاية الترم

ذهب اهل الدثور بالأجور

ياصاحبي الموضوع ماهو تحدي او عبط

انا إلي شفته في الجامعه اعطاني قناعه إن كل شي ممكن يصير

ما انكر ان مافيه دكاتره على هذا النهج , لكن إلي حبيت اوصله اعلاه اني " مستبشر " بوجه هالدكتور خير .. فقط ليس اكثر , لكن اذا انت صاحب تجربه سابقه مع هالدكتور وكلامك من تجربه مريت فيها

فما اقول غير حسبي الله ونعم الوكيل

على كذا كشف الدرجات الهائيه يكتب في أوله " الحي يحييك , والميت يزيدك غبن "
الـ 90 وفوق لأصحاب 3.50 وفوق ... اما من يقبع معي تحت خط الفقر او تحت مظلة الـ 3 الظاهر مالنا إلا المترديه والنطيحه ,,, احد داوم يوم الاربعاء ....؟؟

[أحمد سعيد الغامدي]

((لا يكلف الله نفساً الا وسعها))

انت قوم بالي يمليه عليه ضميرك وشد حيلك واجتهد ......واترك الباقي لمجاديف القدر , اذا جاتك الدرجة مرضية حب يدك وجه وقفا واذا جاتك غير مرضيه برضوا حب يدك وجه وقفا...مابيدك شيء

[قانوني جريح]

يابو حميد لا تجيب لنفسك المشاكل ووجع الرأس ....وداخل باسمك الحقيقي الله يهديك ماكفتك المشاكل الي سارت عليك في القسم ..انت شكلك ناوي تخربها هههههههه , لا تتعب نفسك مع الطلاب هما طبعهم كذا الي يغرفلهم درجات قالوا عنه احسن دكتور والي ينقصهم قالوا دكتور سيء....ترى مايهتموا انه يصحح ولا مايصحح ومايهتموا انه عنده ماده علميه ولا ماعنده سالفه ومايهتموا الا بالدرجات والغاية تبرر الوسيله....يعني معايير خاطئه عندهم , على بالهم المعدل بيروح يترافع عنهم في المحكمه اذا تخرجوا....
وصدقوني المعدل مو معيار انا درست عند دكاتره يصرحوا انهم مايصححوا الاوراق كذا عيني عينك....واغلبهم سعوديين

والقاعدة عندي في القسم الدكاترة الاجانب اكثر عدل من السعوديين ولكل قاعدة شواذ....وبالنسبة للعبارة الي ذكرتها في توقيعك يااحمد والله العظيم انا كنت موجود يوم قالها الدكتور الفاضل..

انا خلاص راح اتخرج الترم هذا وادعولي بالتوفيق وماني ناقص مشاكل...

ولا ننسى أن السي الي تاخذها باستحقاق وشرف خير من الاي بلس الي تاخذها بالسلتحه وعلى حساب المادة العلمية...

[المحامية]

"والقاعدة عندي في القسم الدكاترة الاجانب اكثر عدل من السعوديين ولكل قاعدة شواذ"

صحيح كلامك والله وعن تجربه عانينا منها بس ايش يسووا في المواد المحتكره؟؟؟؟؟؟؟؟؟؟؟؟

[SBLBO]

حضرت الربوع (اليوم) لم يحضر الدكتور
وياريت ما نخرج عن اطار الموضوع الي هو هدفه تبادل مقتطفات من الماده واهم ما فيها
وانا اشوف الدكتور من احسن ما يكون ما شاء الله ومعروف في القسم
شكرا

[blue >A]

الى الان الدكتور ما نزل الشرايح يعني شكل مالكم غير الكتاب فقط

الطلاب الله اعلم كيف ماشيه الماده معاكم ان شا الله تماااام

بالتوفيق لكم بكره ولا تنسون تعطونا الاخبار مو الموجز ^_^

[SBLBO]

اخر الاخبار
اختبرنا
1-الاختبار سهل ان شاء الله
2-الاختبار من الشرح بصوره كبيره
3-ذاكروا الاختبارات الي في موقع الدكتور مهمممممممممممممممممممممممممممممممممممممه
ممكن طلب بالله اسالوا الدكتور في محاضره الربوع ولا لا
عشان انتو تستفيدو ونحنا
في حاجه مهمه
العقد النموذجي = العقد الشكلي
انتبهو ترا جات وتراها من الشرح ومو مكتوبه في الكتاب

[بالع الجامعة]

الاختبار مرة سهل وكان خمسة وعشرين فقرة صح وخطا والله كنت بكتبلكم اياها لكن الوقت ما كفاني لانو كان الوقت 25 دقيقة حتى جهزت الورقة جنبي لكن المعذرة

[candy eme]

طيب كيف ممكن تكتبو اش الاشياء الي في المحاضرة وهيا مهي موجودة بليييييييييز وربي متوترة ومررررررة تسلم يابالع الجامعة يعطيك العافية بس بالله ساعدونا اكتر

[Ms.cute]

حبيبتي candy eme لاتشيلي هم وحاولي تركزي لما تذاكري واهم شي ركزي عالامثلة اللي يقولها في المحاضرة
هوا مو بس يعشقها أصلو المحاضرة كلها يعني على سبيل المثال .. هههههههههههههههههههههه
بس ترى د/ محمد خطير وحبوب ومعانا احنا البنات مرررررررة متساااهل بكل شي ,, صح انه مطنشنا بالمحاضرة ولا كأنو احنا معاه بس والله عن جد خطير .. ونتمنى لو يدرسنا الحين :'(
واي شي في الكتاب ماعرج عليه ولا شرحه لاتذاكريه ابدااااا ,,حاولي الشغلات اللي يقولها في المحاضرة مو بالكتاب تكتبيها بالنوت حقك ,, أسئلته سهلة وبالذات انه صح وخطأ واختياري احناعلى أيامنا من وإلى مقالي ماشفت معاه اسئلة موضوعية .. وبالفاينل جابلنا قضيتين وسؤال مقالي صغنطوووط ومع ذلك اغلبنا جاب معاه فل مارك << بدون حسد هااااا p:
وأي شي تبغيه أنا عندك أسأليني وان شاءالله أفيدك ..
بالتوفيق للجميع ........