الي درست انقلش ليفل3 تدخل

[هـومـي]

السلام عليكم ورحمة الله وبركاته...

ممكن الي اخذت ليفل 3 تقولي وش جاها موضوع الرايتنق والسبيكنق

وهما حددولكم مواضيع ولا يجيكي اي شي ؟!!

وجزاكم الله خيير

[أسماء الشريف]

الله يسعدكم اللي عندها فكرة تفيدنا :(

[ArWaA Banabilah]

وعليكم السلام ورحمة الله وبركاته
Writing
جانا اكتبي عن أول يوم لك في الجامعة (شعورك فيه، تفاصيل الأحداث، ماذا تعلمتي من هذه التجربة)
Speaking
جاني صديقتك وزنها زائد تكلمي وبيني التالي (ليش السمنة ضرر على الجسم، قدمي لها بعض النصائح لإنقاص الوزن، ايش ممكن الصعوبات اللي حتواجهها في إنقاص وزنها)

أفتكر مواضيع أخرى جاءت لبقية البنات:

ـ أشياء كنتي تسويها انتي وصحبتك لمن كنتو صغار( تستخدمي قاعدة used to)
ـ في بنات جاهم تكلمي عن اللغة الانجليزية بس ما أفتكر ايش التفاصيل المطلوبة منهم.
ـ تكلمي عن شخصية مشهورة.
ـ صديثتك جاية جدة ايش الأسواق اللي ممكن توديها لها.
ـ أشياء مسموحة تسويها في الجامعة وأشياء لا.
ـ مشاكل واجهتيها في إحدى إجازاتك.

طبعا هدي المواضيع أنا سمعت البنات وهما يتكلموا عنها بس أكيد همما يحددولك نقاط عن الشي اللي حتتكلمي عنه.

لا تشيلوا هم إن شاء الله سهل
توكلوا على ربنا ولا تنسوا الاستغفار وكل شي حيتسهل بإذن الله
الله يوفقكم ويرزقكم أعلى الدرجات في الدنيا والآخرة

تحياتي

[sosita]

رايتنق عن اجازه استمتعتي فيها
الاسبيكنق:
صديقتك وزنها زايد ان تنصحيها
الاشياء اللي تنصحي فيها صديقتك عشان تدخل الجامعه
احلى اجازه قضيتيها
ربحتي تذكره انك تقابلي شخص مشهور مين حيكون ( ليش اخترتيه - اوصفي شكله - معلومات عنه )

[هـومـي]

ArWaA Banabilah

sosita

يالله مواضيع مررا مختلفه عن الي قالتلنا عليها التيتشر

الله يسسهل ان شاء الله

شككرا الله يسعدكم ..جزاكم الله خيير ...

[Ranad Ayman]

بالنسبة للرايتينق .. في مواضيع افتكر كانت موجودة في الرايتنق باك .. اتدربي عليها كلها اكتبي لكل وحدة .. وتقريبا 80% منها يكون مشابه في الاختبار حتى وانتي بتكتبي محا تلاقي صعوبة في ايجاد الافكار لانك قد كتبتي قبلها مواضيع مشابهة

بالنسبة الي جانا احنا
الرايتنق: في بنات جاهم "اتحدثي عن اول يوم في الجامعة" وفي "تحدثي عن موقف محرج حصل لك من قبل"

السبيكنغ: مقارنة بين جدة والرياض - ايجابيات و سلبيات التلفاز - العادات التقليدية عندنا في الزواجات - ايش تنصحي المستجدة في الجامعة

والله اعلم ..
بالتوفيق

[هـومـي]

Ranad Ayman

تسسلمين ..الله يجزاك الخير

طيب بسأل في السبيكنق يخلونا نفكر وقت طويل ولا يعطونا الموضوع ويلا بسرعه عبري؟؟

ويعطونا موضوع واحد صح ؟؟

[Wa3od]

انا في الرايتنق جاني عن اول يوم في الجامعه اتكلمي عنو
الاسبيكنق اتكلم عن مدينتي ولو جات زائره ايش تنصحيها

بالنسبه للاسبيكنق ي عسل انتي حتسحبي ورقه وتديك الورقه ممكن تلاته دقايق تفكري

[Wa3od]

وموضوع واحد تتكلمي عنو

[هـومـي]

Wa3od

الله يسسعدك وجزاك الله خيير ما قصررتي