استفسار عن السنة التحضيرية

[Nsreen]

السلام عليكم ورحمة الله وبركاته . .


أنا طالبة ثالث علمي ..
أبغى أعرف مواد التحضيري بالنسبة للعلمي!!

وكمان حابة أسأل كيف أقدر أحول مساري أدبي .. وفي إدارة أعمال في المسار الأدبي ولا لأ ؟!

وأبغى أعرف شويا عن الجامعة وكيف السنة التحضيرية فيها ؟!



وشكرًا <3

[HU~]

و عليكم السلام ورحمة الله وبركاته ()
مواد التحضيري مقسمة على ترمين
يا تبدأي بخطة أ و تشمل: رياضيات-فيزياء-إتصال-حاسب
أو خطة ب و تشمل: كيمياء - إحصاء - أحياء
و طبعاً في إنجليزي بس له نظام يطول شرحه ()
في بداية تسجيلك في جامعة الملك عبد العزيز و من خلال موقع تعبئة الطلب الإلكتروني،
انتِ مٌخيرّة إذا تبغي تتجهي للمسار العلمي أو الأدبي
*بما إنك علمي* بس الأدبي ماله حق الإختيار !
و بالنسبة لإدارة الأعمال فهي مخصصة للمسار العلمي
و هنا تقدري تشوفي التخصصات للمسار العلمي و الأدبي المتاحة للطالبات
http://admission.kau.edu.sa/Pages-test2.aspx
و عشان تعرفي أكثر عن السنة التحضيرية
أنصحك تدخلي قسم منتدى الملخصات والمواضيع المميزة ،
و هذه بعض المواضيع الرائعة اللي تحكي تجارب السنة التحضيرية لدفعة12
أنا شخصياً أستفدت منها الكثيييييير قبل دخول الجامعة،
و عرفت أشياء كثيرة من خلال تجاربهم ربي يعطيهم ألف العافية

1) يقينً في قلـ♥ـوبنا بأن كل م ـا نحلم به سيتحقق يوم ـا
http://www.skaau.com/vb/showthread.php?t=588595

2) عنآقِيـد عسجدية , قطافها بين أيديكم
http://www.skaau.com/vb/showthread.php?t=584498

بالنسبة للسنة التحضرية أقدر أقول بما إني على مشارف الإنتهاء منها،
بأنها تجربة صح إنها صعبة شوية ولكنها حلوة و تعلمت فيها أشياء كثير،
كل شي في البداية صعب بس بعدين راح يسهل عليكِ كل حاجة،
مادام حاطة هدف في بالك تبغي توصليله وقبل كل شي أتوكلتي على الله
و أخلصتي نيتك، حتشوفي كل شي أسهل من السهولة و حتعديها و إنتِ ناجحة بإذن الله!
اللغة مارح تكون عائق إلا في البداية إلين ماتتعودي، و المذاكرة أول بأول هو سر النجاح ~
الصراحة ماني مصدقة بأن الأيام عدّت بدي السرعة *الحمدلله*
دحين باقي بس كم خطوة و أخلص و يارب يسهلّ لي و أدخل التخصص اللي أبغاه (*^*)
و أنا متأكدة إنه نفس الشي راح يصير معاكم، و حيمر الوقت في غمضة عين~

ربي يوفقك و يسعدك و أي سؤال أنا بالخدمة !
ياناسو على دفعة 14 الصغار بدأوا يتوافدوا على المنتدى

[Nsreen]

مررررة شكررا .. يعطيكي العافية <3

[Ideal Dr.]

اهم شي في السنه التحضيريه انو يكون عندك هدف محدد

وما تلتفتي للناس المحبطين وكمان الحماس لو دور

[Nsreen]

شككرررا Ideal Dr. :)