عندي أسئلة عن ماجستير الاقتصاد ( أرجو التفاعل ) ^_^

[اقتصادي لغوي]

شكرا يا استاذة مولا :)

الله يبارك فيكي

والله خايف المتقدين هادي السنة يكونو دوافير وما تنفعني درجة القدرات ههههههههه

بفكر اختبرو مرة تانية بس متردد

مدري أيش رأيك ؟

[mola]

في السنه اللي انقبلت فيها قبلوا عشرين طالب واقل نسبة موزونه كانت 71
والطالبات اقل نسبة موزونه كانت 82
انا اشوف انه نسبتك تؤهلك للقبول بإذن الله
لكن لو اعادة القدرات راح تطمنك اكثر عيده

[اقتصادي لغوي]

أولا شكرا ليكي يا أستاذة مولا على تفاعلك معايا ومقدر ليكي الاهتمام والمتابعة

حاب أعرف يا أستاذة مولا أيش يكتبو في شهادة الماجستير ...

هل يكتبو Master of Science in Economics ولا يكتبو حاجة تانية ؟

لأنو حسب علمي لما اتواصلت مع دكتور ريان مسؤول قسم التمويل في جامعة طيبة قالي ماجستير العلوم في الاقتصاد هوا المفضل دوما في جامعاتنا السعودية

لأنو كمان في أمريكا وكندا وكذا حسب علمي فيه Master of arts in Economics وفيه Master of science in Economics وممكن فيه أشياء تانية ما أعرفها

يا ليت تسأليلنا القسم عندك عن هادي النقطة لو تكرمتي :)

* طبعا من خلال كلامك لاحظت انو القسم بيقبل عدد معين من الطلاب والطالبات .. فإذا اكتمل العدد قفلوه .. بس مدري عنهم كيف لو كان عدد المتقدمين من الطلاب مثلا 20 وكانت درجات القدرات عندهم منخفضة نوعا ما .. هل ممكن يقبلو في ديك الحالة ( عشان يكتمل العدد ) قدرات أقل من 71 ولا لأ ؟ هههههههه

طيب كم من الطالبات قبلو في السنة اللي انقبلتي فيها ؟

وبرضو لاحظت انو عدد الطالبات اللي قدمو ( في سنتك اللي انقبلتي فيها ) كبير ودرجاتهم في القدرات كانت مرتفعة نوعا ما .. فاكتمل العدد وأقل وحدة كان عندها قدرات 82

* انتي ما شاء الله كم كانت نسبتك الموزونة لما انقبلتي ؟ .. وكم وحدة من المقبولات كانت نسبتها الموزونة أعلى منك ؟

المشكلة انو اختبار ستيب واختبار القدرات ورى بعض بفارق يوم أو يومين .. وهذا يسبب ارهاق وممكن الواحد يجيب في القدرات درجة أقل من اللي جابها أول

مدري هل القسم ينظر لأعلى درجة الواحد يجيبها ( لو اختبر الواحد قدرات أكثر من مرة ) أم ينظر للدرجة الأخيرة فقط ؟

[اقتصادي لغوي]

خطة الماجستير في جامعة الملك سعود كالتالي :

الترم الأول : جزئي - بحث - رياضي

الثاني : كلي - فكر - قياسي - اسلامي

الثالث : قياسي تطبيقي - اختياري - اختياري

الرابع : مشروع بحث - دراسات خاصة - اختياري - اختياري

وقائمة الاختياري هيا :

نظرية نقدية

مالية عامة

تجارة دولية

تمويل دولي واستثمار

اقتصاديات موارد وبيئة

تنمية ونمو اقتصادي

اقتصاد عمراني واقليمي

تخطيط اقتصادي

واقتصاديات عمل

اقتصاديات طاقة

مواضيع معاصرة في الاقتصاد

أشوف انها خطة جميلة وفيها مجال أوسع نوعا ما في الاختياري .. بس فيه عندهم اختبار شامل بينما احنا في جامعة الملك عبد العزيز ما عندنا اختبار شامل .. صحيح ؟ :)

ولاحظت انو عندهم اقتصاد قياسي واقتصاد قياسي تطبيقي

عموما حطيت ملف بي دي اف لخطتهم في المرفقات اذا حبيتي اطلعي عليها

وأخيرا حاب أسألك سؤال ....

أيش هيا مجالات العمل ( اللي تعرفيها ) للحاصلات على ماجستير في الاقتصاد ؟

شكرا لوقتك وربنا يحققلك اللي تتمنيه

[mola]

حاب أعرف يا أستاذة مولا أيش يكتبو في شهادة الماجستير ...

هل يكتبو Master of Science in Economics ولا يكتبو حاجة تانية ؟

لأنو حسب علمي لما اتواصلت مع دكتور ريان مسؤول قسم التمويل في جامعة طيبة قالي ماجستير العلوم في الاقتصاد هوا المفضل دوما في جامعاتنا السعودية

لأنو كمان في أمريكا وكندا وكذا حسب علمي فيه Master of arts in Economics وفيه Master of science in Economics وممكن فيه أشياء تانية ما أعرفها

يا ليت تسأليلنا القسم عندك عن هادي النقطة لو تكرمتي :)

على حسب الاودس عندي مكتوب امام خانة نوع الشهادة ماجستير في العلوم.

* طبعا من خلال كلامك لاحظت انو القسم بيقبل عدد معين من الطلاب والطالبات .. فإذا اكتمل العدد قفلوه .. بس مدري عنهم كيف لو كان عدد المتقدمين من الطلاب مثلا 20 وكانت درجات القدرات عندهم منخفضة نوعا ما .. هل ممكن يقبلو في ديك الحالة ( عشان يكتمل العدد ) قدرات أقل من 71 ولا لأ ؟ هههههههه
اكيد راح يقبلوا الى اكتمال العدد المطلوب لأن القدرات ليست مشروطة بحد ادنى.
طيب كم من الطالبات قبلو في السنة اللي انقبلتي فيها ؟
20 طالبة
وبرضو لاحظت انو عدد الطالبات اللي قدمو ( في سنتك اللي انقبلتي فيها ) كبير ودرجاتهم في القدرات كانت مرتفعة نوعا ما .. فاكتمل العدد وأقل وحدة كان عندها قدرات 82

* انتي ما شاء الله كم كانت نسبتك الموزونة لما انقبلتي ؟ .. وكم وحدة من المقبولات كانت نسبتها الموزونة أعلى منك ؟
نسبتي الموزونة كانت 85.5 ، اما كم وحدة نسبتها اعلى مني الله اعلم.
المشكلة انو اختبار ستيب واختبار القدرات ورى بعض بفارق يوم أو يومين .. وهذا يسبب ارهاق وممكن الواحد يجيب في القدرات درجة أقل من اللي جابها أول

مدري هل القسم ينظر لأعلى درجة الواحد يجيبها ( لو اختبر الواحد قدرات أكثر من مرة ) أم ينظر للدرجة الأخيرة فقط ؟[/QUOTE]
على حسب علمي انه يأخذ الدرجة الأعلى.

[mola]

[quote=اقتصادي لغوي;6772479]خطة الماجستير في جامعة الملك سعود كالتالي :

الترم الأول : جزئي - بحث - رياضي

الثاني : كلي - فكر - قياسي - اسلامي

الثالث : قياسي تطبيقي - اختياري - اختياري

الرابع : مشروع بحث - دراسات خاصة - اختياري - اختياري

وقائمة الاختياري هيا :

نظرية نقدية

مالية عامة

تجارة دولية

تمويل دولي واستثمار

اقتصاديات موارد وبيئة

تنمية ونمو اقتصادي

اقتصاد عمراني واقليمي

تخطيط اقتصادي

واقتصاديات عمل

اقتصاديات طاقة

مواضيع معاصرة في الاقتصاد

أشوف انها خطة جميلة وفيها مجال أوسع نوعا ما في الاختياري .. بس فيه عندهم اختبار شامل بينما احنا في جامعة الملك عبد العزيز ما عندنا اختبار شامل .. صحيح ؟ :)

فعلا الخطة افضل من جامعة الملك عبدالعزيز ، لأنه مثل ما ذكرت فية مجال أوسع في الاختياري، وهذا راجع الى ان الاختياري عندهم حقلين فقط بينما احنا أربعة حقول طبعا أتكلم عن اللي حيدرس مشروع بحثي، لا جامعة الملك عبدالعزيز ما فيه اختبار شامل.
ولاحظت انو عندهم اقتصاد قياسي واقتصاد قياسي تطبيقي

عموما حطيت ملف بي دي اف لخطتهم في المرفقات اذا حبيتي اطلعي عليها

وأخيرا حاب أسألك سؤال ....

أيش هيا مجالات العمل ( اللي تعرفيها ) للحاصلات على ماجستير في الاقتصاد ؟

انا اعتقد انه مجالات عمل ماجستير اقتصاد انه يكون مدير في مؤسسة البريد او وظيفة في مصلحة الإحصاءات العامة او في مؤسسة النقد او البنوك الحكومية مثل بنك التسليف او البنوك الخاصة، بس اعتقد فرص التوظيف امام الشباب في هذا التخصص بتكون اكبر لأن نادرا ما يستحدثوا وظائف للنساء ، وكمان عائق الخبرة المطلوب في مثل هذه الوظائف.

[اقتصادي لغوي]

النساء دائما مقصرين في حقهم في وطني :(

شكرا على تفاعلك معايا يا أستاذة مولا

الحقيقة استفدت منك كتير ومقصر معاكي وعاجز عن الشكر

ربنا يحققلك اللي تتمنه

وتحياتي الحاره

[mola]

ما فيه داعي للشكر أستاذ اقتصادي لغوي
يعلم الله انه ما كنت منتظرة حتى كلمة شكر
احنا طلاب علم والمفروض نساعد بعض

[اقتصادي لغوي]

يا سيدة مولا انتي انسانة متواضعة والناس اللي زيك في الزمن هذا ماهم كثير

الله بس يقدرنا على رد جمايلك

ربنا يحققلك اللي تتمنيه يا استاذتي

[اقتصادي لغوي]

سلامو عليكم جميعا :)

سلامو عليكم استاذة مولا

كيف الحال عساكي بخير وكيف الدراسة والاختبارات عساها كلها تمام

أهلا وسهلا بيكي مرة ثانية

حاب أسألك يا استاذة مولا عن مقرر " مشروع البحث "

بصراحة حاب أعرف عنو كل شيء

أيش فكرتو وأيش مكوناتو أيش الهدف منو ؟

وهل يحتاج انو يكون فيه مشرف على الطالب في مقرر المشروع البحثي هادا ؟

وهل فيه لجنة تناقش الطالب في مشروع بحثو عشان تمنحو الدرجة ؟

وكيف الطالب يختار موضوع لمشروع البحث تبعو ؟

وهل لو كنت بنزل 4 مواد في الترم والترم الرابع مادتين ومشروع بحث .. هل مدة ترم واحد كافية للطالب انو يقدم مشروع بحثو ويتخرج ف سنتين ؟

آـسف ع الإطالة وعارف اني كثرت عليكي الأسئلة سامحيني

بس انتي لو تكرمتي قوليلي كل اللي تعرفيه عن مشروع البحث هادا

وربنا يحققلنا جميعا اللي نتمناه :)

تحياتي