نفسيتي تعبانه تكفون حلو مشكلتي؟؟؟؟؟؟ *

[سما عسير]

انا اعمل في احد الاقسام باحدى الدوائر الحكوميه وفجاءه وانا على مكتبي وبين زملائي نسولف والشباب مجتمعين اذا برئيس القسم داخل علينا ويكلم واحد بجنبي يقول ترى هذا الي بجنبك بيضيعك قصده انا وانه يخرج ذهب اليه زميلي يريد اجازه اضطراريه غدا الثلاثاء وبعد غد الاربعاء فقال ما عندي مانع لكن ابغاك تداوم بكره لاني ابغاك وبعدين هذا لعد تمشي معه ترى بيضيعك وترى وحط فيني الي ما يسوى .
لما دخل علينا المره الاولى في القسم وقال لزميلي الكلام هذا حسبته يمزح ولما راح عنده في مكتبه وهم الحالهم اذا به يكلمه بجد .
اخواني واخواتي طبعا لما يقرا الواحد كلامي بيقول اني داشر تعبان منحط سكرجي مدخن ووالله ويشهد علي الله ان ما فيني اي صفه من هذه الصفات ولكنني كسبت قلوب زملائي جميعا وليس في قلب احدهم علي زعل او حسد او غل او شي من هذه الامور فلا ادعوا الواحد منهم الا باحب الاسماء التي يحبها واتلطف اليهم بالكلام لاكسب ولست لاخسر هذا جميع ما في الامر.
اكتب هذا الكلام وكلي حرقه على ما حصل هذا اليوم ونفسيتي تعبانه جدا لانه يريد تشويه سمعتي ووالله انه ليس بيني وبينه اي اختلاف وانما اتودد له ولكنه يبغضني لاادري لماذا ارجوكم افيدوني ماذا اعمل به؟؟؟

[northstar]

اخي سما عسير


ذكرتني
باخي هو مثلك
من يكون ناجح في حياته
لابد ان يظهر له اشخاص حاسدين له

كما ينتظرون هفواته بفارغ الصبر

توكل على الله

ومن احبه الله حبب خلقه فيه


وكل الي عليك


اتبع هاذا المثل

اكرم عدوك كأنه تطعنه

بجد وهاذا شي انا جربته بنفسي
مع اشخاص
الي ياذايك
حاول تسلم عليه
وكانه صديق غالي وعزيز
وصدقني
راح ينقهر وينفقع اكثر من انت تعبره وتعطيه وجه
وتتضارب معاه


وكن دائما
من الذين
ينحتون الصخر بالماء

:)

اختك
northstar

[misho22]

اخوي لا تهتم ولا تحط ببالك خلك ماشي على طبيعتك ولا وانا على ضد الاخت نورثستار لما تقول في كلمة خلك كانك صديق عزيز وقوي بتعبير اخر صعب الشخص انه يلبس قناع غيره مو له احنا مو ملزومين نصطنع الصداقه ونهلك انفسنا ترى الدنيا ما تستحق ومو دايميا تنفع هادي الطريقة لانك اذا اكرمت الكريم ملكته واذا اكرمت الئيم تمرد ولا تحاول تقصر بشغلك انصحك بهذاالدعاء فوالله له تاثير عجيب وارجو منك قبل ماتقوله تستشعره وانا متقينة راح يكون الحل الامثل وراح تدعيلي الدعاء هو(اللهم اكفينهم بما شئت وكيف شئت ولا حول ولا قوة الابك انك على كل شي قدير)ولو عندك حصن المسلم فيه دعاء على العدو ادعيه بس والله انه باذنه تعالى ماراح يقدر يحط عينك بعينه وعن تجربة قويه معي

[M!SS]

الاخوآآت اللي فوق مآآقصروا..
ومآآآخلو لي شيء اقولهـ ..غير
لكً مني الدعوآآآت..
واللهـ يبعد عنكـ اللي يضركـ ..

[ما عاد تفرق]

تبي نصيحتي .. روح واجهه .. ادخل عليه المكتب وقوله اش بيني وبينك .. لو شايف علي شي قول .. والا احد نقل عني صوره مو حلوه .. اما تشوه سمعتي قدام زملائي .. ما احد يرضااها ..

[علي العسيري]

احينا لما رئيسك يراك متميز ومحبوب بين الزملاء ومثقف وتفهم امور هو مايفهمها ,,, هنا اذا كان ناقص ,, تزداد عنده عقدة الشعور بالنقص ويكرهك ويحاول تحطيمك بكل الامكانات ,,,,,,,,, واذكان الحال على كذا فترى مايستاهل انك تنزل نفسك له,, و ماعليك منه ترفع عليه حتى ولو كان اعلى منك منصب لنك باخلاقك وتميزك انت اعلى منه قدرا ,,

كيف تكتشف :

اذكان رئيسك يسألك عن مستواك في الجامعه ويحاول يساعدك ويشجع جميع الموظفين على العلم والطموح التقدم للامام ويبذل مافي وسعه لمساعدت الاخرين فاعلم انه رجل ومن اصل طيب ويستاهل كل التقدير والاحترام وقبل كل شي يستاهل المنصب الي هو فيه ,,,,,,

اما اذكان العكس يسئلك السؤال التالي ( انت منتسب بالجامعه ؟ وش تبي بالجامعه ؟ والله ماتسقيك ماء ) وبكل تاكيد صاحب هذا الكلام المحبط بيكون عكس الاول تماما فاعلم انه رجل غير كفوء لتولي ادارة او رئاسة قسم وانا شخصيا اترفع عن الي كذا ,,,,,

القافله تسير والكلاب تنبح

[أجودي منتسب]

يا اخي الكريم ...

لا تدع مثل هذه الحركات السقيمة تأثر فيك ...

ولو لم يكن هذا الشخص مهما يكن ومهما وصل ... يشعر بانه ناقص .. وبانك افضل منه .. ولو لم يكن يشعر بالغيرة .. لما بدر منه هذا التصرف ..

ولكن

لا شي افضل من عدم الالتفات لمثل هذه الامور ... و انما هو يشوه على سمعته هو ....
ان شاء الله ربي سيأثرك عليه ... ويرد كيده لنحره ( فقد اراد ان يبغضك الناس و يشوه سمعتك ) فستجد من ينتصر لك منه ان شاء الله

[سما عسير]

اخواني بيض الله وجيهكم جميعا وانا والله ان اخلاقي معه لا امدح نفسي ولكن اتلطف معه في الكلام وفي الاسلوب بحيث انني احذر من الكلمه التي اخشى انها تجرحه ولكن نصب العداء لي ولا اقول الا حسبي الله ونعم الوكيل .

[الفتاة الأنيقه]

والله لو كنت مكانك لأروح اهزئوا

[نص دافوره]

كل اللي ردوا ماقصروا وما ازيد على كلامهم

بس لو انا مكانك اروح اقوله ليش قلت هذا الكلام علي انا اش سويت عشان تنفر الزملاء مني وتتكلم عني عندهم بذي الطريقه هل انا مقصر في شي واذا كان في خاطرك شي فا اتمنى انك تنصحني بطريقه افضل من كذا

يعني من ذا الكلام وخله ينحرج

مافي شي احسن من الصرااااحه

والله يوفقك

( اذا اتتك مذمتي من جاهل فهي الشهادة لي باني كامل )