التحويل من كلية الطب الى كلية العلوم الطبيه التطبيقيه

[ميشو555]

السلام عليكم ورحمة الله وبركاته ...//
كييفكم... ان شاء الله تكونوا بأتم الصحة والعافية
اجااازة سعييييدة عليكم يااارب
///////
حابه اطلب منكم طلب ،،،احتاج خبرتكم واستشارتكم
أنا قدر الله عليه وانقبلت طب بشري ودرست اول سنه في الطب البشري بس مررره ما ارتحت وماناسبني هالتخصص وحبيت انو احول تغذية اكلينيكيه في كليتكم
بس العقبات اللي مواجهتني الحين انو أنا شايله 3 مواد من مواد البشري وغير كذا معدلي كثييير نزل عن معدلي في التحضيري
ما اعرف هل ممكن يقبلوني في كليتكم ؟!؟!!
وهل رح اضطر اختبر في المواد اللي شلتها؟؟!!
وهل السنه اللي درستها في البشري يحسبونها لي لو انقبلت او تطييير وانساها؟؟!!
بليييييز أنا كثيييييييير محتاجه لمعلوماتكم اتحفوني بكل مافي جعبتكم،،،
تمنياتي لكم بالتوفيق.

[Radiology]

المشاركة الأصلية كتبت بواسطة ميشو555 السلام عليكم ورحمة الله وبركاته ...// كييفكم... ان شاء الله تكونوا بأتم الصحة والعافية اجااازة سعييييدة عليكم يااارب /////// حابه اطلب منكم طلب ،،،احتاج خبرتكم واستشارتكم أنا قدر الله عليه وانقبلت طب بشري ودرست اول سنه في الطب البشري بس مررره ما ارتحت وماناسبني هالتخصص وحبيت انو احول تغذية اكلينيكيه في كليتكم بس العقبات اللي مواجهتني الحين انو أنا شايله 3 مواد من مواد البشري وغير كذا معدلي كثييير نزل عن معدلي في التحضيري ما اعرف هل ممكن يقبلوني في كليتكم ؟!؟!! وهل رح اضطر اختبر في المواد اللي شلتها؟؟!! وهل السنه اللي درستها في البشري يحسبونها لي لو انقبلت او تطييير وانساها؟؟!! بليييييز أنا كثيييييييير محتاجه لمعلوماتكم اتحفوني بكل مافي جعبتكم،،، تمنياتي لكم بالتوفيق.

أولاً أحيي فيك شجاعتك لأن مجرد التفكير في قرار التحويل من كلية الطب إلى أي كلية أخرى يتطلب فعلاً شجاعة استثنائية .. وثانياً جميل أنك انتبهتي لوجودك في المكان الخطأ في وقت مبكر من حياتك الدراسية ..

عموماً نصيحتي لك أنك تتأكدين بالاستشارة والاستخارة بأنك فعلاً مو قادرة تكملي في الكلية إطلاقاً لأنك الآن حصلتي على فرصة غيرك كثير يتمناها ولا حصل عليها ، وإن سبب تعثرك ليست ظروف تقدرين بالاصرار انك تتغلبي عليها .. فذاك الوقت لا مفر سوى التحويل.

الآن التحويل انتهى حسب عمادة القبول والتسجيل في 25/6 لكن ممكن تحاولي تراجعي عمادة القبول والكلية وإن شاء الله تتسهل امورك ، وبالنسبة للمواد اللي حملتيها مو شرط تختبرين فيها خلاص ، وإذا قبلوا تحويلك حتبدئي مع المستجدات من جديد حسب خطة القسم اللي حتحولين له وتنسين السنة اللي درستيها في كلية الطب ، لكن ممكن يعادلون لك المواد المشتركة مثل العربي والثقافة.

[ميشو555]

الله يفتح عليك اخوي وييسر امورك
شككككرا على ردك ،،
في الحقيقه أنا يوم الاثنين رحت العماده وقدمت طلب التحويل من عندهم لانه فعلا قفل مثل ما قلت
كلااامك مرررره ريحني ،،
يعني الحين ممكن يقبلوني على حسب معدل التحضيري ولا معدلي في الطب
ولو تعرف متى رح تطلع نتايج القبول ؟!؟
ومره ثانيه شككككرا جزيلا

[Radiology]

المشاركة الأصلية كتبت بواسطة ميشو555 الله يفتح عليك اخوي وييسر امورك شككككرا على ردك ،، في الحقيقه أنا يوم الاثنين رحت العماده وقدمت طلب التحويل من عندهم لانه فعلا قفل مثل ما قلت كلااامك مرررره ريحني ،، يعني الحين ممكن يقبلوني على حسب معدل التحضيري ولا معدلي في الطب ولو تعرف متى رح تطلع نتايج القبول ؟!؟ ومره ثانيه شككككرا جزيلا

لا معاملتك حتكون بناءً على آخر معدل وليس معدل التحضيري .. وبالنسبة لنتائج التحويل ما اعرف تاريخ محدد بس في الأعوام الماضية تأخرت النتائج إلى بداية العام الدراسي الجديد ..

[طالبه حايصه]

وعليكم السلام ورحمة الله وبركاته ,,

الصراحه الاخ افاادك ان شا الله بالمعلومات اللي تفيدك ,,

بس احب اقول لك معانا وحده بالدفعه حولت من بشري لعندنا وكانت حامله ماده وقالوا لها لاتختبرين فيها خلاص

وفالاخييير نزلت لها الماده ,, f ,,

وطبعا اثر على معدلها ,, وكمان انو اللي يكون عنده f ينحرم من مرتبة الشرف ,, فالاحسن انك تاخذيهااا بالصيييف

وبسس :)

[ميشو555]

كذا معناته لازم اختبر المواد اللي عليه في الصيف
وانا قلت كمان قبل كذا انو معدلي طاااح واحتمال يطيح اكثر ولو بيعاملوني ع اساس اخر معدل ليا معناته مارح انقبل
سؤال خارج كليتكم معليش لو عندكم خبره او تعرفوا احد
لو حولت لتخصص ثاني مو صحي زي كلية الاداره والاقتصاد مثلا برضو باخر معدل ليا واختبر دي المواد ولا أبدا من جديد بمعدل التحضيري
معلييييش عارفه انو اسألني كثييره بس مررره لازم اتخذ قراري هالايام ومن جججد أنتو العون ليا بعد الله :(

[طالبه حايصه]

^
^


دووبي سألت صحبتي ,, تقول ايه ياخذوون لاخر ترم درستيه ,, التراكمي حقه الاترام الي درستيها

واتوقع انوو على كل الكليات نفس الشي ,, ولازم تختبري الماده عشان ماينزززل معدلك ,,

وبس .. الله يوفقك ويختار لك الخير :*

[THE HILL]

شوفي حبيبتي مو معناته معدلك نزل انك مو قد التخصص يمكن هيا مجرد عثرات وتكون بداية الطب ومع الوقت حتعديها

انا اشوف انك تستخيري قبل كل شي " التحويل احيانا يعتبر هروب "




وزي ما قالولك الاعضاء بعد ما تستخرتي وارتحتي للتحويل " اختبري المواد اللي عليك وانتهي منها "


الله يوفقك ان شاء الله وينور بصيرتك

,,

[ميشو555]

الله يسعدكم ويفتح عليكم ،،،
طيب في معلومه سمعتها وما اعرف اذا صحيحه ولا لا
انو مهما اجيب في الاختبار ما يعطوني الا 60 درجه مو اكثر هذا لو اختبرت في الصيف

[عذاري السمروات]

ميشو يا قلبي ..
المعلومة اللي سمعتيهاآ صحيحة ..
و يارب يسهل امورك و تحولي للشي اللي تبيه
من جددد أعجبت في قرارك و اهنيكي على الشجاعه
::
و لو استمريتي في الطب كمان ربي يوفقك
دعواتي لج يا جلنارة @>--