][§][ الجمهرة..حامد زيد ][§][

[بنت نجد]

--------------------------------------------------------------------------------

*


*


رائعة من روائع الشاعر المبدع..حامد زيد

الجمهرة..


اي بالـله أخطوا والخطأ اللي جابهم عين الصواب،،
مبطي وأنا أشوف الطمع يكشـف رداهـم وأستـره

مــا يــملــي عيون الحسود بها لزمن غير التراب،،
ومـن لا يـتـوب مـن الـخـطا تـحرم علـيه المعذره

اللـي مـن أولــها خــراب أكــيد تــاليــها خراب،،
والـبنـدق الـلـي مـا تـثور فـي هـدفـهـا تـذعـره

ودك لــيا مــن جـاتـك الغــلطة من الناس القراب،،
الصاحب الـلي ما كسبت مـحـبــته مـا تـخـسره

مشكلتي إني مــا عـرفت احسب لصدتهم حساب،،
قلـدتهم صـدري علـى ذكـري قـصـيـد وحـنجره

صوت يصول في منبره وخطاب مــا بعده خــطاب،،
والطـيـبـة الـلـي زعزعت صوت الخطيب ومنبره

مــا فــيه دمع صوبوه أحبــابي بوجــهي وخاب،،
ولا زرق حـزنـي عـلى غـالـي ولا فـج نـــحـره

كل الزهاب اللي معي ذكرى من أصحاب الزهاب،،
والـلي بقـالـي مـن عذاب أشرس طريقي وأخطره

لأنــي تجــنبت الغــرق عديت من فوق السحاب،،
لأن أكثـر أصــحابي ورق ما شفـت لـلطيب ثمره

واللـه مــا حطيــت بــين الـحقد والخوة حجـاب،،
حتى غدوا ربعي يـحدوني عـلى الضـيق أشكـره

البــارحة ثــارت علــي رقـاب وأاوتـني رقــاب،،
البـارحـة يـا ثـقـل دم الـبارح ويـا مـا احـقـره

اهــب يـا وجــه الحـسد وشلون جمعهم وغــاب،،
كـيف الـسنـين الـلي عـطتـني بـعثرتهم بعثره

أثــر الــمصايـب ما تجيك إلا من الناس القـراب،،
وبها لزمن حتى الخوي اللي تـثـق فيـه احذره

لا بــارك اللـه فـي رفــيق تزعـله كلـمة عتــاب،،
ولا جــمـع الـله الـرجـال الـلي تفـرقهم مره

عــودت نفــسي كــل مــا شــديت لليمه ركــاب،،
مـا أصـد وجـهي عن طريق إلا ليا جبت خبره

الصاحب اللي ما يجي من صحبته غـير العــذاب،،
نـذر علـي ان مـا هجرني وإلا أنا اللي بهجره

مــن يــفتح لــفرقـاي باب أفك له عشرين بــاب،،
وإذا خــوي مــا يـقــدر خـوتـي مــا اقــــدَره

ان روحــوا فــأنــا بــري مـنهم ليوم الحســاب،،
وان جرحوا قولولهـم ما حـركوا فيَـه شـعـــره

شــفهم لهم حول السنة ولا خـذوا مني جــواب،،
أحســن دوا لـلي يـحـاول يسـتفـزك تحـقـره

أنــا جــمعت أوراقهـم بكتاب واغلقت الكتــاب،،
يــا وقــت لــم الـلـي تلـمه وانـثر اللي تنثره

ما كنــت أحـاتيهم صغير عاد أحاتيهم شبــاب،،
ان ما ذخرني صاحبي لليوم الاسود ما اذخره

عقـب اكتئاب البارحة ما عاد أنا حمل اكتئــاب،،
الطيب جرجرني و أنـا ماني بناقص جرجـره

الــلي يخـاف من الظما يترك لنا طرد الســراب،،
واللي مـا هو بـقد الظـلام ووحشته لا يسهره

أنــا تجرعـت الظـما لين احترق وجهـــي وذاب،،
أنا كـسرت بخـاطري قبـل الـصـداقة تكـسره

أنــا خـسرت اللي غيابه غير عـن كــل الغيـاب،،
أنـا غـفـرت لـعالـم مـا تـسـتـحـق المـغـفــره

أنــا أكثر انسان تعلم من كثر ما اخطا وأصـــاب،،
أنـا آخـر لسـان يتكـلـم فـي زمـان الـثـرثـره

أنــا الـقصيد الـلـي نزع من دفتره مليون نــــاب،،
وانـا الوحيـد الـلي جـمع مليون ناب بدفتـره

جفني وجرحه السهر حيلي وهدته الصعــــاب،،
دمعي هدر ضحكي ندر عمري وضيعت أكثره

شيبـت بعقول العرب هيـبت روس ما تهــــاب،،
جمهرت ناس عمرهم مـا يعـرفون الجـمهـره

ما صرت ذيـب إلا لأن الـلي حولـينــي ذيـــاب،،
مـا كـنـت أغيـب الا لأن العـفـو عنـد المـقـدره

ترى حلاتـك لا حـملت لصاحبك كلــمة عتــاب،،
إن مـا نطـقـتـبـها بـوجهه مـا تـذمه بظــهره

في هالزمن ما يملي عيون الحسود الا الـــتــراب،،
والا الحـظـيـظ الطـلـقة اللي ما تصيبه تذعره

ودك اليا من جاتك الغلطة من الناس القـــــراب،،
الصـاحـب الـلي ما كسبت محبته ما تخسره


*



*



طابت أيامكمـ ..

[Taurus]

الصاحب اللي ما يجي من صحبته غـير العــذاب،، نـذر علـي ان مـا هجرني وإلا أنا اللي بهجره

المبدع حامد الزيد دائمًا يبهرني بإبداعاته..
فكرتيني بشوكو و إحساس الله يذكرهم بالخير مررررررررة يحبوه...
مشكووووورة بنت نجد و تسلم ايدك...

[بنت نجد]

تسلمين غاليتي على مرورك الكريم

[متفائل بحذر]

قصيده رووووعه .. مليئه بالحكم للشاعر العملاق حامد زيد ..
مشكوره على النقل ويعطيك ألف عافيه

[chocolata]

الشاعر دا بجد مبدع

تسلمي بنت نجد على القصيدة الراااائعة

[eminem lover]

ترى حلاتـك لا حـملت لصاحبك كلــمة عتــاب،،
إن مـا نطـقـتـبـها بـوجهه مـا تـذمه بظــهره
تسلم ايدك بنت نجد على القصيده