نداء لكل بنت عندها اختبار اخر مع الهرمون ضروري الدخول

[قلبي مملكه]

السلام عليكم

البنات الي عندهم اختبار مع الهرمون يوم الاثنين
بخصوص الموعد الجديد الي هو يوم السبت 17/4
الدكتورة ماراح تختبر احد في هذا اليوم
والسبب ان مو كل البنات متفقين
عشان كذا اما نتفق على موعد جديد
والا مارح تاجل الاختبار لاحد وراح تخلينا ندخل يوم الاثنين مع بقية البنات

لذا قررنا انا ومجموعة من البنات انه يكون يوم السبت 24/4
الي موافقة تكتب اسمها عند سكرتيرة القسم


تنبيه:مافيه اختبار يوم السبت 17/4

[DoRy..!]

متى لحقتوا تكلموها انا الساعه 12 ونص كنت عند مكتبها والاختبار زي ما هوا
وبعدين في بنت على وجه ولاده مارح تقدر تختبر بعدين كيف كده !

[DoRy..!]

دكتورة سوسن هيا الي قالت مافي اختبار ?!!!!!
ولا انتوا قررتوا انو مافي !!

[جناان]

تيب في اختبار يوم الاتنين ولا لا
ويوم 24 انا عندي اختبار جزيئية

[ḄęŞĥỜờỞ]

مييين قلك انوا مافي اختباار اليوم ؟؟

البنات أختبروا اليوم ، وضريبت حظنآ قرينا كلاممك انا وصحباتي وصدقنااهـ :@
وما أختبرنا مع البنات والسبب حضرتك

أتمنى مرا تانية ما تنزلي شي الا ومتأكدة منوو 100٪
وشكرا لكي =(

[DoRy..!]

حسبي الله ونعم الوكيل فيكي
اذا كنتي ألفتي دا الكلام من راسك
ما زاكرنا بسببك ورح نختبر يوم الاتنين واحنا عندنا عضوي

ناس ما تخاف الله عندهم الكزب زي شرب المويا

[soso 1]

حسبي الله و نعم الوكيل
البنات اختبروا اليوم ... ايش اسوي؟؟
كيف اختبر هرمون و عضوية الاثنين؟؟؟ مررة صعب
حسبي الله بس

ثاني مقلب اكلو في دا المنتدى ... بنت كتبت السرطانية كلها صح و خطا
و طبعا كذب
الرجاء تحري المصداقية و عدم تاليف الكلام
هذا مو زي اي منتدى ثاني.. منتدى علمي للافادة والاستفادة و ليس لتضييع و تشتيت الطالبات