وش أسوي ما أعرف أغازل

[ليوناردو]

قصة واحد ما يعرف يغازل على شكل أبيات شعررية




حــتــى وردنـي تالـي الـليـل جــوال


وانا على شاهي وبسكـوت ديمـة


الرقم بايخ لكـن الــصــوت قــتـال


كنــه مثل صـوت المذيعـة حليمـة






قــالت مساء الخير يـا طيّـب الفـال



قـلـت ارحــبـي تــرحيبـةٍ مستديمـة


بـالـعــود والصفـري ودلـة وفنجـال


واجـبـك يا بنت الأصـول الكريمـة


وردت بضحكة ثم قالت وش الحـال؟


قلت اشهد إن الحال عقبك سقيمـة


قالت وهي تضحك بعد مثل الأطفال


وانـــا بـعـــد كــنــي بــدونـك يتيمـة


مـــن يـوم قـالـتهـا تزلزلـت زلـزال


مــن فجعتي كنـي مسـوي جريمـة


قلت ارفعي صوتك ترى مابه ارسال


كـــذاب لــكـنّ المصيبـة عظيمـة


قالت أقول اسمع ترى هرجنـا طـال


مــمكـن تصاحبنـي ترانـي وسيمـة


واسمي الحقيقي أول حروفـه الـدال


لــكـــن يسمّونـي البنـات الزعيمـة


صحيح أحب الفخفخة واعشق المال


لكـن ترانـي طــاهــرة مستقيـمـة


ما عندي امغازل ولا( لعب يهّـال )



ما عندي إلا في الشرف والحشيمـة


بس الصراحة قلبي لشوفتـك مـال


واصبحت وحدك جالسٍ في صميمه


فكّر بعقلك واترك القيـل والقـال


واحذر تطيع اهل العقـول العقيمـة


وارسل علي الحين خمسميـة ريـال


أشحن بهـا جـوال أختـي غنيمـة


أو طقم غالي فيه خاتـم وسلسـال


أروح بـه فـي عـرس ولاّ عزيمـة


قلت الحقيقة مانيب رجـل أعمـال


ولانـي بتاجـر والمـوارد عديـمـة


أنا الصراحة شبـه عطّـال بطّـال


وعلاقتـي بالفــقـــر جـداً حميـمـة


والراتب الله يرحم الحـال مـا زال


محـدود والمصـروف ربـي عليمـه


والــديـن بـالآلاف والبنـك شغّـال


يــاكـل فـلـوسـي بالربـا والظليمـة


والسوق طايح والغلا ضيّـق البـال


والموت والله صايـر اكبـر غنيمـة


قالت تحمّل بـس والحمـل ينشـال


خلك شديد الباس صلـب العزيمـة


ياخي تصرّف جعلك اتصيـر نشّـال


أهـــــم شــي إن النوايـا سليـمـة


لابــد تـفـهمني علـى كـل الأحـوال


ما دمت من أهل العقـول الفهيمـة


قلت إيه والله فاهم اللي على البـال


لــكــن تــرى هـذي علينـا قديمـة


يــا بـنت هـذا صايـر اليـوم مـوال


للي تبي تلعب علـى ابـن اللئيمـة


يا بـنــت ما تدرين كـم فيـه محتـال


يلعب على الحبلين وانتـي غشيمـة


يا بنت كم من جاهلة دمعها سـال


من عقب ما جات العواقب وخيمـة


والبنت لا اقتفى عرضها بيد الأنـذال


والله مــا يــبـقـى لهـا أي قيـمـة


قالت تبي ولاّ فـ خـلّك علـى جـال


مهوب ناقصـني نصايـح حكيمـة


عز الله إنك للأسف منـت رجّـال


وانك قليل الذوق ما فيـك شيمـة

.................................................. .................

منقول أن شاء الله تعجبكم

[Ash0o0sh]

يا بـنــت ما تدرين كـم فيـه محتـال يلعب على الحبلين وانتـي غشيمـة

والبنت لا اقتفى عرضها بيد الأنـذال والله مــا يــبـقـى لهـا أي قيـمـة

كلامااااااااااااااااات مأخوذه من الواقع الاغاب عن انظار الكثير من البنات

وبذات دي السنين الاخيره البنات ساروا مستهونين مررررررررررره باشياء كتير

اتمنى من قلبي الهدايا للجميع ^_^

مشكوووووووووووووووووور ليوووووووووووووووووو على النقل الجميل^_^

تقبل مروررررررررررررري

[بيو كيميائية ^_^]

بنت تغازل ولد

حلوة

هههههههه


المفروض العكس

الله يهدي الجميع

[وبعدين ياحب]

وارسل علي الحين خمسميـة ريـال


أشحن بهـا جـوال أختـي غنيمـة


أو طقم غالي فيه خاتـم وسلسـال


أروح بـه فـي عـرس ولاّ عزيمـة

8888888888888888888
من أولها شحاذه <<خخخخ

جالسه تتميلح معه ع بالها رجل اعمال فاااااضي يرد ع ليها اخر الليل

تسلم يدك على النقل ربي يسعد قلبك مثل مااسعدتني

لك كل التقدير والاحتراااام,,
وبعدين ياحب,,

[MiSs Loly]

دا كلو !!!!!!!!!!!

ومايعرف يغاازل

هههههههههههههههههه

تحيااتي لك عالنقل

مس لولي

[دنيا الولهـ]

صح لساااانو
بجد روعهـ
تسلم ليو على النقل
من جد عجبتني
قال ايه "ما يعرف يغازل"
تقبل مروري
دندون*_^
ليو نورت نبض الحروف لا عدماك