هل العباءة (موضة) او (حجاب ساتر)

[Da_JokEr]

المشاركة الأصلية كتبت بواسطة sue9011 طيب معليش ماقلنا شي تلبس وتتشيك وتفرح على كيفها وفي بيتها بس مو قدام الخليقه هيا الضوابط والتعلميات انها ما تخرج عن الحدود طيب ايش الحدود؟ الحدود انها ما تتزين ولا تتشيك للرجال الاجانب صح؟ (ولا يبدين زينتهن...) و(وقرن في بيوتكن ولا تبرجن تبرج الجاهليه الاولى) طيب بالله عليكم العبي الملونة والمزركشة واللي تلمع واللي كلها كريستالات دي مو زينة؟ شي تاني قلتو عادي لو في العزايم والسهرات بس في الاماكن العامة لا ليش؟؟ فرقت يعني؟امكن صح في السهرات اهون شوية بس برضو يعتبر تبرج لمن تروح زواج يعني محد حيشوفها ؟ ولا ماحتمشي في الشارع؟ولا ما حتمر برجال؟ الا حتمشي يكفي من السيارة لمكان الحفل ولازم تمر برجال واحد عالاقل اللي يقعد عند الباب ويفتحو داك مو رجال واللي يدلك عالقاعة مو رجال واهل الزواج اللي رايحين جايين يدخلو ويخرجو من القاعة دولا مو رجال؟ ولا عادي عشانها سهرة يجوز لها انها تتبرج؟ عشانها سهرة محد حيطل ومحد حيفتن؟؟ اشكرك صمود على الطرح الرائع

العبي المزينة واللي فيها كريستال وتطريز اكيد هيا زينة اكتر من مجرد حجاب وستر لكنها وسيلة اجدد في الظهور بمظهر حلو لمن تدخل القصر ولا المناسبة تكون لابسة عباية فيها زينة ولا انها تلبس حاجة عادية ويسير شكلها مو متكامل ,,يعني كشخة واخر شياكة تجي عالعباية تخربها وتخليها سادة ومالها اي تصميم..اووك

ولمن تروح زواج او مناسبة محد راح يشوفها هدا شي اكيد ,,,وانا بوصلها لزواج ما بوصلها لحفلة مختلطة او بوصلها السوق وامشي واتركها لوحدها

واذا كان عالحارس فهو زي الشغالة اللي بالبيت ليش الشغالة نخليها تتدخل على رجال البيت وترفع مهي حرمة اجنبية؟؟؟؟ ولا بس حلال علينا وحرام عليكم؟؟؟

الحارس اللي عند قصور الافراح شي لابد منه في حالة حدوث امر طارئ لا سمح الله وهو ما راح يطل على محارمنا وياكلهم هو مجبور كده

ومافيه احد من اهل العريس او العروس يكون فاضي ويشتغل محله وياخد مكانه

واذا على اهل الزواج ,,,,فهدا شي عايدي بيسير سريع واحتكاك بسيط ماله اي اهمية

عكس لمن تكون بالسوق وتروح تتميع وتتبختر عالرايح والجاي

هيا تنزل من السيارة وعلى طول على باب القصر واذا خلصو برضو على طول تركب السيارة

المسألأة فيها لبس ,,, لبس العباية سار موضة وهدا شي مفروغ منه وبزيارة واحدة الى اي مول او مركز تجاري حتلاحظو كمية التصاميم اللي نازلة عندهم

هدا معناه انه فيه طلب وفيه ناس بتشتري

طيب الكلام اننا نفهم ونوعي ونزرع في صدورهن تقوى الله وانهن لازم يحترمو المكان اللي هن فيه
يعني بكلمة حلوة يا اختي انتي غالية وما احب اي احد يطل عليكي ,,,,ويتلكم عليكي,,انتي اختي ومني وفيني,,وزي كده كلام
بدل ما نجي ونقول حرررررررررام مايسييير خافو الله حتموتو
وربي اسلوب التهريب هدا اسلوب عقيم لازم يقابله ويواجهه اسلوب الترغيب كمان بالدين

شاكر لكي حسن حوارك ورقي حديثك

ونشوووووفك تاني

[Miss stat]

المشاركة الأصلية كتبت بواسطة sue9011 لا جوكر لا تلخبط الدنيا ياما نتكلم عالحجاب او عالزينة للمحارم والحريم لا تدخل الدنيا في بعض الغطى والحجاب شي والزينة والكشخة شي تاني انها تتحجب يعني تغطي زينتها عن الاجانب ايش دخل دا في انك تبا زوجتك تكشخلك؟؟ مافي احد مايحب الجمال والزينة والمسلم العربي ماقال انوما يبا البنت تتزين محد قال نو ضد الكشخة والحلاوة والزينة والجمال!! احنا ضد التبرج والسفر !!! كلامك مرررررررة متناقض بالله اقرا الكلام اللي قلتو شوية تقول نفسك اهلك يتبرجو وشوية تقول انو دا شي منكرو والنهاية!!

معليش معليش يا سو
لكل واحد وجهة نظر و احنا لازم نحترمها
يمكن هوا له فكرة لكن ما عرف يوصلها لينا بوضوح

تقبلوا مروري

[Miss stat]

احترم كل وجهات النظر

فعلا كل واحد منكم قال نقطة صحيحة

و الاختلاف في الرأي لا يفسد للود قضية

[قلب البحار]

المشاركة الأصلية كتبت بواسطة رنــــا رايي ان كل وحدة ودينها ودعو الخلق للخالق

يقول تعالى (( ولتكن منكم أمة يدعون إلى الخير ويأمرون بالمعروف وينهون عن المنكر ))
هذا كلام الله سبحانه وتعالى
وهنا اللي صاحب الموضوع يطرح قضية ومشكلة بالمجتمع يجب إيجاد حل لها
وبعدين الحجاب عبادة ...

مافي شي اسمه كل وحدة ودينها ونرجع ونقول فتياتنا وأخواتنا فيهم خير كثير

الله يهدينا ويهدي أمة محمد عليه الصلاة والسلام

[Da_JokEr]

النقاط الاخيرة من الموضوع

انه لازم نزرع روح المسؤولية عند البنات لانهم في يوم من الايام حيكونو مسؤولين عن رجال المستقبل
وهدي مسؤولية عظيمة جدا

والشي التاني نتعلم انه لكل شي مقام مناسب,,,السوق له لبسه والمناسبة لها لبسها الخاص

وبالنسبة للعباية فهي في الاصل الحجاب والستر وهدا ما يميزنا عن بقية الديانات ويخلي لنا قيمة حضارية نفتخر فيها وانها من تعاليم ديننا الحنيف

ومافي اي اعتراض عالعباية الحلوة اي فيها زينة لكن نراعي لبسها زي ماقلنا

اتمنى السعادة للجميع وشاكر لكم حسن حواركم,,

ونشوووووفكم تاني

[.SuperGirl]

والعفة والستر والحياء هدي كلها من صفات المرأة المسلمة لكن ما نبغاها متحجرة فارغة فكر وعقل ان شاء الله فهمت قصدي

طيب دحين ايش دخل دا في دا؟؟

هل العفة والستر والحياء لها علاقة بالتحجر وفراغ فكر وعقل ؟؟؟



لا وألف لا
بل يزيدها ذالك علما ومعرفة وخلقا ودينا وفكر نابغ وعقل مكتمل وحكمة وتقة وثبات وتقبل للآراء

واكبر مثل: امهات المؤمنين والصحابيات رضي الله عنهم وارضاهم

[Da_JokEr]

المشاركة الأصلية كتبت بواسطة sue9011 طيب دحين ايش دخل دا في دا؟؟ هل العفة والستر والحياء لها علاقة بالتحجر وفراغ فكر وعقل ؟؟؟ لا وألف لا بل يزيدها ذالك علما ومعرفة وخلقا ودينا وفكر نابغ وعقل مكتمل وحكمة وتقة وثبات وتقبل للآراء واكبر مثل: امهات المؤمنين والصحابيات رضي الله عنهم وارضاهم

كفاية شرف لهن انهن كانو زوجات للرسول الاعظم والاشرف عليه الصلاة والسلام

وكانو مدارس للعلم والفقه رضوان الله عليهن اجمعين

بالعكس يا اختي لا تخلطي بين العفة وبين الستر وبين الفكر

نبغاها بنت مسلمة تستخدم عقلها في تحكيم امورها بدل ما نفرض عليهن حواجز باسم الستر والعفة

واتكون ماهي فاهمة وش معنى الستر وش معنى الحياء وش معنى العفة

تكون كلمات ذات معنى في قلوبهن بدل ما تكون كلمات خاويات المحتوى

كل ما كانت المرأة عاقلة وتستخدم عقلها كل ما يزيد المجتمع في الرقي والتطور

لانها مدرسة ومدرسة رجال المستقبل ووراء كل رجل عظيم امرأة

اتمنى فكرتي وصلت,,,,ودعواتي للكل بالعفة والستر الدائمين وبالعقل المنير المستنير

ونشوووفكم تاني

[Miss stat]

اعتقد ان الموضوع بدأ يحتد

وكل واحد يبغى يثبت صحة وجهة نظره

صدقوني يا جماعه كل واحد فيكم قال نقطة صحيحة و ان لم يقتنع بيها الكل

[Da_JokEr]

المشاركة الأصلية كتبت بواسطة miss stat اعتقد ان الموضوع بدأ يحتد وكل واحد يبغى يثبت صحة وجهة نظره صدقوني يا جماعه كل واحد فيكم قال نقطة صحيحة و ان لم يقتنع بيها الكل

مزبوط كلامك,,,كل واحد وله رأيه وفي رأيه ايجابية ,,,

وفي الاخير ناخد اللي يدخل عقلنا ونحن مؤمنين فيه,,

مافيه بالقوة وبالغصب ابد

كل شي بيكون فيه اخد وعطا ولا لا؟

ونشوووفك تاني

[.SuperGirl]

المشاركة الأصلية كتبت بواسطة da_joker العبي المزينة واللي فيها كريستال وتطريز اكيد هيا زينة اكتر من مجرد حجاب وستر لكنها وسيلة اجدد في الظهور بمظهر حلو لمن تدخل القصر ولا المناسبة تكون لابسة عباية فيها زينة ولا انها تلبس حاجة عادية ويسير شكلها مو متكامل ,,يعني كشخة واخر شياكة تجي عالعباية تخربها وتخليها سادة ومالها اي تصميم..اووك ولمن تروح زواج او مناسبة محد راح يشوفها هدا شي اكيد ,,,وانا بوصلها لزواج ما بوصلها لحفلة مختلطة او بوصلها السوق وامشي واتركها لوحدها واذا كان عالحارس فهو زي الشغالة اللي بالبيت ليش الشغالة نخليها تتدخل على رجال البيت وترفع مهي حرمة اجنبية؟؟؟؟ ولا بس حلال علينا وحرام عليكم؟؟؟ الحارس اللي عند قصور الافراح شي لابد منه في حالة حدوث امر طارئ لا سمح الله وهو ما راح يطل على محارمنا وياكلهم هو مجبور كده ومافيه احد من اهل العريس او العروس يكون فاضي ويشتغل محله وياخد مكانه واذا على اهل الزواج ,,,,فهدا شي عايدي بيسير سريع واحتكاك بسيط ماله اي اهمية عكس لمن تكون بالسوق وتروح تتميع وتتبختر عالرايح والجاي هيا تنزل من السيارة وعلى طول على باب القصر واذا خلصو برضو على طول تركب السيارة المسألأة فيها لبس ,,, لبس العباية سار موضة وهدا شي مفروغ منه وبزيارة واحدة الى اي مول او مركز تجاري حتلاحظو كمية التصاميم اللي نازلة عندهم هدا معناه انه فيه طلب وفيه ناس بتشتري طيب الكلام اننا نفهم ونوعي ونزرع في صدورهن تقوى الله وانهن لازم يحترمو المكان اللي هن فيه يعني بكلمة حلوة يا اختي انتي غالية وما احب اي احد يطل عليكي ,,,,ويتلكم عليكي,,انتي اختي ومني وفيني,,وزي كده كلام بدل ما نجي ونقول حرررررررررام مايسييير خافو الله حتموتو وربي اسلوب التهريب هدا اسلوب عقيم لازم يقابله ويواجهه اسلوب الترغيب كمان بالدين شاكر لكي حسن حوارك ورقي حديثك ونشوووووفك تاني

ايوة امكن
انا ما اقدر اناقشك في دا الموضوع لأني انا اصلا ضد دخول وخروج الشغالة على رجالنا
بس مدام الشي دا حاصل وما اقدر اغيرو...


شكرا على الحوار الرائع
اشكركم جميعا على ابداء آرئكم يكل صراحة


وسامحني جوكر
اتحمست وشوية في ردي التاني
ونسيت نفسي وادب الحوار
وجزاك الله خير
ونشوفك على خير