طازه .. توه جاتني رساله عن دورة اساسيات الطب !!

[rayyan1444]

يا جماعة الخير جاتني رسالة الساعه 6.59 مساء تقول انو في دورة اساسيات طب يوم 15 - 19 اغسطس !!

سؤالي هو.. وش قصة هذي الدوره؟! مع العلم انو في دوره عملوها خلال الثلاث الاسابيع الماضية.!

[حبي للوطن]

ريانو ^_^

يصير اسجل بالدورة هذي ولا لا ؟

[rayyan1444]

والله ما عندي علم .. اتصل على الجامعه وشوف

[إراده]

اتكفلت الكليه برسوم الدوره

[Dr.Wail]

راجع الرابط التالي ..

دورة أساسيات الطب للكليات الصحية

[Mora]

والله احس انو ما وراها الا لمّ الفلووووس

بالزات لمن قريت عبارة: الدورة هي الاساس الذي تبنى عليه السنة الثانية في الطب !!

طبعا هما عارفين انو طلاب الطب الجدد خايفين و محتارين


عاد انتو عارفين الباقي

اكيد قال عقلهم هما انسب ناس عشان نضحك عليهم و ناخد كم قرش

[Dr.AlJuhani]

أول حاجه السلام عليكم ورحمة الله وبركاته
ثاني حاجه
زي ماأنتوا عارفين أحنا طلاب دفعه
med08
بنحاول نقدم اللي عندنا سواء أولاد أو بنات
لسبب بسيط جدا
أنو احنا قبل فتره وجيزه كنا مكانكم
زينا زيكم
ونحس باللي تحسوا فيه
الخوف والضياع
ونفس الوقت الحماس
أحنا لما فكرنا نسوي الدوره بالنسبه لقسم الفيميل
أول حاجه عشان تستفيدوا والحمدلله بشهادة من حضر الدوره كانت مفيده ولسى في ناس طالبه تحضر من الأسبوع الثاني
والحمدلله هذه نعمة وفضل من رب العالمين انو وفقنا
ثانيا الدوره كمان للي حضرها شاف كيف أحنا بنحاول نطمنكم ونحاول نوضح لكم أي أستفسار أكاديمي أو غيروا لما أحد يسأل
ثالثا الأنسان لما يحاول يساعد الناس
ويحاول يدي اللي عندوا المفروض الناس إما تقبل أو ترفض المساعده بأدب
رابعا وهوا الأهم وهوا اللي خلاني أرد ردي هذا وخصوصا في هذا الموضوع
بالنسبه لسعر الدورات المقامه
سواء من قسمنا أو من عند الاولاد
هيا أسعار جدا جدا رمزيه ووالله احنا مابناخذ منها ولا ريال والدليل أنو دوره الاولاد أهو صارت مجانيه لنو الجامعه أتكفلت فيها وبالنسبه لنا أحنا أشترينا فيها الأشياء اللي تحتاجوها خلال الدروه وجزء منها حيكون للحفل الختامي يعني برضوا ماأخذنا منها ولا ريال
وأنتوا طبعا لما تدخلوا المجال الطبي حتشوفوا أسعار الدورات كيف
خامسا: الجهد والوقت والنوم والدوام مع الأخذ بعين الأعتبار أنو أحنا في الصيف
وحتى وأنا بكتب ردي هذا أهلي خرجوا يتمشوا ومارحت معاهم
قاعده أحضر
ووالله أحنا من قلبنا مبسوطين وفرحانين أنو نسوي اللي نسويه
يعني مو شي مزعجنا ولا كان ماسويناه
كل هذا لسبب أنو عشان تستفيدوا
......
طيب النقطه اللي حابه أوصلها
أنو كفايه لما جانا طلب انو الأولاد يبغوا دوره زي اللي عملناها للفيميل
طلاب دفعتي ماقصروا ولا توانوا في تقديمها جزاهم الله كل خير
مع ضيق الوقت
وكمان مسؤولياتهم الأجتماعيه اللي تلغت أكيد
إلا أنهم عملوها وهيا على قدر كبير من التنظيم
وأكيد تحتوي على معلومات مفيده أن شاء الله
.....
فياريت قبل مانحكم على حاجه نفكر
وقبل مانقول حاجه نفكر
وبما انو احنا أطباء المستقبل
مفروض ردودنا
وتفكيرنا يكون أفضل وارقى
من الرد والتفكير السريع
وكمان الواحد يقابل الحسنه بالحسنه
أو لا يقابلها بسيئه
.......
عذرا على الأطاله
ولكن تقديرا لجهود من قام بالدوره لقسم الميل
قمت بالرد

[مجتهدة ومستنية النتيجة]

أول حاجه السلام عليكم ورحمة الله وبركاته ثاني حاجه زي ماأنتوا عارفين أحنا طلاب دفعه med08 بنحاول نقدم اللي عندنا سواء أولاد أو بنات لسبب بسيط جدا أنو احنا قبل فتره وجيزه كنا مكانكم زينا زيكم ونحس باللي تحسوا فيه الخوف والضياع ونفس الوقت الحماس أحنا لما فكرنا نسوي الدوره بالنسبه لقسم الفيميل أول حاجه عشان تستفيدوا والحمدلله بشهادة من حضر الدوره كانت مفيده ولسى في ناس طالبه تحضر من الأسبوع الثاني والحمدلله هذه نعمة وفضل من رب العالمين انو وفقنا ثانيا الدوره كمان للي حضرها شاف كيف أحنا بنحاول نطمنكم ونحاول نوضح لكم أي أستفسار أكاديمي أو غيروا لما أحد يسأل ثالثا الأنسان لما يحاول يساعد الناس ويحاول يدي اللي عندوا المفروض الناس إما تقبل أو ترفض المساعده بأدب رابعا وهوا الأهم وهوا اللي خلاني أرد ردي هذا وخصوصا في هذا الموضوع بالنسبه لسعر الدورات المقامه سواء من قسمنا أو من عند الاولاد هيا أسعار جدا جدا رمزيه ووالله احنا مابناخذ منها ولا ريال والدليل أنو دوره الاولاد أهو صارت مجانيه لنو الجامعه أتكفلت فيها وبالنسبه لنا أحنا أشترينا فيها الأشياء اللي تحتاجوها خلال الدروه وجزء منها حيكون للحفل الختامي يعني برضوا ماأخذنا منها ولا ريال وأنتوا طبعا لما تدخلوا المجال الطبي حتشوفوا أسعار الدورات كيف خامسا: الجهد والوقت والنوم والدوام مع الأخذ بعين الأعتبار أنو أحنا في الصيف وحتى وأنا بكتب ردي هذا أهلي خرجوا يتمشوا ومارحت معاهم قاعده أحضر ووالله أحنا من قلبنا مبسوطين وفرحانين أنو نسوي اللي نسويه يعني مو شي مزعجنا ولا كان ماسويناه كل هذا لسبب أنو عشان تستفيدوا ...... طيب النقطه اللي حابه أوصلها أنو كفايه لما جانا طلب انو الأولاد يبغوا دوره زي اللي عملناها للفيميل طلاب دفعتي ماقصروا ولا توانوا في تقديمها جزاهم الله كل خير مع ضيق الوقت وكمان مسؤولياتهم الأجتماعيه اللي تلغت أكيد إلا أنهم عملوها وهيا على قدر كبير من التنظيم وأكيد تحتوي على معلومات مفيده أن شاء الله ..... فياريت قبل مانحكم على حاجه نفكر وقبل مانقول حاجه نفكر وبما انو احنا أطباء المستقبل مفروض ردودنا وتفكيرنا يكون أفضل وارقى من الرد والتفكير السريع وكمان الواحد يقابل الحسنه بالحسنه أو لا يقابلها بسيئه ....... عذرا على الأطاله ولكن تقديرا لجهود من قام بالدوره لقسم الميل قمت بالرد

dr.aljuhani
شهادتنا فيكي وفي باقي دكتورات دفعتك مجروووحة..إنتوا رائعين بكل ما تحمله هذي الكلمة من معنى..
ووالله الذي لا إلـــــــــــــــــــه إلا هو,, من يوم ما أشتركت في دي الدورة وأنا مبسوطة وجالسة أدعيلكم ليل ونهار..لأنكم بجد فخر جامعة الملك عبدالعزيز..ماشاء الله تبارك الله عليكم..
وبعدين أحب أقول كلمة للأخت المشككة بأهداف هذي الدورة المهممممممممممممممة ..إنت بس لو شفتي التنظيم والإعداد الجيد وقوة الحضور لدكاترة08 والتكاااليف اللي هما متكلفينها..كان ما قلتي هذا الكلام الجارح..أساسا أنا أبصم بالعشرة..أنهم دافعين من جيبهم فلوس زيادة عشان يغطوا مصاريف هذي الدورة الناجحة100%..طبعا لأنوا الملاليم اللي أحنا دافعينها ما تجيب إلا ورقتين فروخ,ومرسام تمساح!!!!!!!


dr.aljuhani
شكرا ألف مليون مليار جنيه إسترليني .على كل شئ عملتوه وحتعملوه..ورجاء..طنشي كل أعداء النجاح.وركزي في أختبار بكرة..لأنوا نجاحكم هوا نجاحنا..










ــــــــــــــــــــــــــــــــــــــــــــــــــ ـــــ
اللهم لا تؤاخذنا على ما فعل السفهاء منا..آمين

[mzat kau]

وانا اشكركم مع اني ماحضرت الدورة بس من كتر ماسمعت قد ايش هيا مفيده :)

[حلمى]

بناتى المسئولات عن دورة اساسيات الطب
قبل ما اشارك فى موضوعكم احب اوضحلكم من انا

انا ام طالبه معكن لله الحمد انقبلت فى كلية الطب كنت دايماً متابعه للمنتدى حتى انقل لبنتى من معلومات فى قسم السنه التحضيريه لانها فى بعض الاحيان للضغط الدراسه لا تتابع المنتدى ولكن الان اضطررت للكشف عن نفسى للسبب هولتقديم شكر وامتنان للطبيبات المستقبل الاتى يقدمن الدوره لمساعدت اخواتهم المقبولات فى الكليات الصحيه ومن ضمنهم ابنتى فقد استفادت كثيراًوهذه فكره رايعه وارجو ان تستمرو عليها فى السنوات المقبله ولكن كثير من الاجر ولا تستمعو الى من يهبط من عزيمتكم وجزاكن الله خيراًوجزاء الله خيراًمن ابلغتنا عن الدوره قبل نزول الاعلان وإن شاء الله يفرح اهاليكم برؤيتكم متخرجات طبيبات يرفعن راس وطنهم واطلب من ربى ان يفرحنى فى رؤيت ابنتى طبيبة افتخر بها وتنفع دينها ووطنها