لجميع طلاب السنة التحضيري "مهم جدا"

[soso-20]

انا ابدا ما اايد .. بالعكس انا ضد السنة التحضيرية .. لأنها تضيع سنة من عمرنا و على معلومات قديمة .. و ( بالنسبة للي عندهم انجليزي ) يضيع يومهم في الجامعة لانو دوامهم طويل .. و تحطيم و اريح انو الواحد يدخل التخصص اللي يبغاه من البداية ..

[د/أسمــــاء]

معااااااااااااااااااارضة ومليون مية مرة بعد

كلها تحطيم Xتحطيم يعني حراام والله نجد ونجتهد في الثانوي و99 عالفاااضي ..صح هي اللي تدخل الجامعة بس المفروض بعد لها دخل في التخصص

اولا اللي يبغى طب >>>مثلي

بالله موحرام معدل ينخسف عشان مواد مالها دخل في التخصص اللي يبغاه الواحد ايش دخل الرياضيات والاحصاء في الطب ...انزين انا كنت شاطرة في الثانوي بس الماث في التحضيري والله ولا كاني درستها قبل ابدااا

ممكن كيمياء احياء بس مو رياضيات تنزل المعدل والواحد حلمه يتدمر مرا مرا مو حلوة ابدا
وانا مؤيدة لفكرة اميرة بضحكتي

لو يخلوا الواحد يدخل التخصص الي يبغه وبعدين ياخذ في نفس تتخصصوا تحضيري يكون احسن واحلى

ماشاء الله ام القرى زي ذا النظام مرا حلووو للاسف ندمانة اشد الندم لاني مادخلتها مع اني سجلت فيها وانقبلت بشري >>>آآآآآآآآآآآآآآآآآآآآآآآآآآآآآه ياقلبي
واللي عرفته انها السنة الجاية راح يكون تحضيري زي عبدالعزيز ايش ذا الغباء يقلدوا شئ غلط x غلط



مممم عندي استفسار اذا سمحتو كلية سينا ولا البترجي اللي فيها اختلاط ايه وحدة؟؟؟
ياليت اللي يعرف مزبوط يرد علي

بالتوفيق

[الصقر 02]

انا مؤيد لسبب اعتقد من وجهة نظري انه وجيه

وهو لو نظرنا لبعض مستويات الطلاب في السنة التحضيرية يمكن تقول هذا كيف دخل جامعه من مستوااه المتواضع

واذا جيت تسأله عن نسبته في الثانوي تجده ما شاء الله أفضل منك و السبب اللي هو الثانوية حقته متساهله معاه

أو يكون في ثانوية نص منسوبيها من الجماعه كما هو حاصل في بعض القرى و بعض المدارس في المدن

ولذلك أخذ نسبه أفضل منك بينما أنت تكون في ثانوية قوية وتتخرج بنسبة أقل من اللي في ثانوية متساهله

لذلك لو جعلوا التسكين في الكليات على حسب نسبة الثانوي لانظلم ناس كثير

وبالتوفيق للجميع

[6flah]

انا ضد السنة التحضيرية تماما ... ولي دوافعي ...

اولا ضياع عمر وثانيا مواد ومعليه وبكل صرراحه مالها داعي يعني كلام درسناه في الثانوي اللهم ترجمة .. سلامات !! وين نحنا !!

يعني شطارة ان نحنا نغير كلمة شغل لوورك يعني بالله هذي الكلمتين هي الي رح تخليني احسن ولا تدخلني طب وتعب 13 سنة راحوا هذي في البحر طب والي كان يتعب هذا خلاص ننساه .. صحيح ان الشاطر هنا متميز هناك لكن برضه ليش نضيع عمرنا في كيميا وفيزيا واحياء والعالم وصل لفوووق

... والي يقول انه الطلاب الي دخلوا جامعه بالحظ وقدرات وما قدرات ياجماعه المسألة مسألة تأسيس يعني لو في اخلاص في التعليم العام وفي تأسيس صح لا ملازم ولا تأشير وحذف وبطيخ كان محد دخل جامعة الا الي يستاهلها يعني الغلط من المؤسسين وبناء عليها جا التحضيري لانه وماشالله في طلاب في الجامعه اللهم لا شماته ...

وبعدين الي يسمعكم تأيدو يقول الدنيا ماشيه صح في التحضيري ما شالله .. نص البنات عالبلاك والايفون والاستاذة تشرح ومحد معاها الا الي في الصف الامامي وش يعني رح تضرب الباقين عشان ينتبهوا ...؟!! مهو الي مب متاسس صح وعلى تعب في المعلومة والحصول عليها ومذاكرتها لا يمكن بين عشية وضحاها يغير الاسلوب ...

13 سنة في كوووم والتحضيري في كوووم ثاني ... يعني المفروض يخلوا التحضيري هذي في الروضة مش في الجامعة ... على ايش كانو يقولولنا العلم في الصغر كالنقش على الحجر اذا كان والله وعمري 18 جابولي تاسيس !! ولا كلام وبس ؟!

اعذروني عالصراحة والاطالة بس هذي وجهة نظري ...

واحتمال يكون موضوعك يا دلوعه هو بحث لمهارات الاتصال بس مو مشكلة طلعتي الي لازم يطلع ^^


موفقين

[اميره بضحكتي]

د\ اسماء

البترجي الي فيها اختلاط السنه الاولى ما فيها بس بعض المواد يدرسوهم رجال زيي مادة المصطلحات الطبيه


بعدن تسير الدونيا شربه ^^


اما ابن سيناء ما اعرف والله


الكلام موثوق ميه في الميه :)


موفقه ان شاء الله

[ابر ماس]

انا ضدها ولوتكون في نفس التخصص زي ماقالوا الاخوات يكون احسن
ولكن بيني وبينك السنة التحضيرية فيها عدل اكثر من الثانوي يعني تعطي كل واحد حقة
وتشكرين :)

[د. هدّولا]

أؤيد
لأنه في كثير داخلين أهليه ونسبتهم 100 سلام عليكم
وقدرات وتحصيلي جاية معاهم شختك بختك


السنة التحضيرية تبين كل شخص وقدرته على التحمل
التحضيري دحين قطرة من بحر والجآي أصعب في التخصصات
فطبعا كل قسم مايقبل الا اللي حققو شروطه معناه يقدرو يكملو فيه
غير كدا كلنا زي بعض متساويين

الثانوي ابلات يأشرو وأبلات كلو معانا ابلات يعطو درجااااات بالهبل وأبلات لأ
فعشان كدا أبدا مو عدل انه نسوي زي بعض الجامعات ويدخلو أقسام بدرجة الثانوي



بس هم الله يهديهم لو يخفو علينا شوية لأنهم نشفو ريقنا حسبي الله على ابليسهم هههه

[ابر ماس]

ابن سينا غير مختلطة بنت خالي تدرس فيها لكن جامعتنا افضلك
بالتوفيق

[Majed7]

المشاركة الأصلية كتبت بواسطة اميره بضحكتي د\ اسماء البترجي الي فيها اختلاط السنه الاولى ما فيها بس بعض المواد يدرسوهم رجال زيي مادة المصطلحات الطبيه بعدن تسير الدونيا شربه ^^

جاري التحويل إلى كلية البترجي

[د/أسمــــاء]

د\ اسماء البترجي الي فيها اختلاط السنه الاولى ما فيها بس بعض المواد يدرسوهم رجال زيي مادة المصطلحات الطبيه بعدن تسير الدونيا شربه ^^ اما ابن سيناء ما اعرف والله الكلام موثوق ميه في الميه :) موفقه ان شاء الله

شكرا لك حبووبة ماقصرتي