استفسار عن قانون تجاري

[mimi]

انا نزلت مادة حرة قانون تجاري و كتير خوفوني منها و مااعرف ليه حاسة انو هيا مادة حلوة بس ابغى اسال اللي اخد المادة دي كيف كانت سهلة ولا صعبة و اخدتوها مع مين و كيف كانت طبيعة الاسئلة ؟؟؟؟

[دكتور دولي]

المادة سهلة بس معلوماتها متشابكة وتحتاج تركيز ،،
وأفتكر أني أخذتها عند الدكتور زياد القرشي ،، وكانت أسئلته غريبة و تعجيزية مع أن المادة سهلة

[خالد الهجله]

والله انا اخذتها مع الدكتور زيــآد القرشي


وما انصحك فيه لان دكتور شووي صعب


ما ينكت ما يضحك جدي مرره

التصحيح الله اعلم فيه


والماده هي حلوه وشيقه


لكـن لازم تحطين عند دكتور او دكتوره طيبه


ولك اغلى تحيه

[دلال !!]

المادة سهلة نوعا ما .. بس زي ما قالو المعلومات متشابكة وتحتاج تركيز ..

انا اخذته مع د/ سوزان مرة محترمة و تفهم و اسئلتها حلوة -للي مذاكرة زين - و اخر الترم تحدد اشياء مهمة
واكثرها جات ..

:)

[mimi]

مراااا شكراااا واللهي ريحتوني انا كنت خايفة انو تكون صعبة, و دلال انا نازلتلي المادة مع د.سوزان ممكن تقوليلي كيف اسئلتها صح و خطا و لا مقالي اكون شاكرة ليكي

[روووني]

وانا كمان مع سوزان قوليلي كيف اسئلتها واسلوبها؟؟

[mimi]

ياريت اللي يعرف كيف اسئلة د.سوزان يقولنااا

[الهوى والنور]

سوازن خذيها ونتي مغمضه عينك

[سوسا]

انا كمان مع د.سوزان

الترم اللي فات اخدتها من اول محاضره طردتني هههههههههههه علشان اتاخرت

قمت اخد موقف و حذفت الماده و دحين رجعت اخدتها تاني معاها

حبيتها من كلام البنات عنها

يقولو ما عندها مقالي

بس صح و خطأ و مصطلح و كدا

[cute*girl-2010]

انا اخذت المادة مع وحي لقمان بس ماهي موجودة بس صحباتي اخذوها مع امل شلبي ترى مرة كويسه