حرمت أسـرع وحد معى راكب

الطموحة · #1 21-09-2008, 04:47 AM

قصيدة كتبها شاب حصل له حادث سيارة و كانت معه والدته نتيجة هذا الحادث توفيت والدته رحمها الله و كانت إصاباته خفيفة فقال هذه الأبيات للذين يواسونه.

يواسيني وانا الميت وحالي يجبر الدمعات ,,
تسيل من الذي فيني ويبكي وهو يواسيني,,
وانا ابكي واتنهد وارسم بالحزن لوحات,,
يجبروني عشان امشي ورجلي ما تمشيني,,
قتلت رعايتي بيدي قتلت الحب والرحمات,,
حرمت النفس من حقها وانا ابكيها وتبكيني,,
وكنه حلم قدامي يقيدني من الصرخات,,
فداك القلب يايمه ومهما قلت من كلمات,,
صغيره في كبر حقك بس اتمنى تعذريني,,
نهبت الفرح من بيتي صحيح اني خسيس الذات,,
صحيح اني ولد طايش وكل ما أسمعه فيني,,
تجول عيونهم فيني تفصل مني قياسات,,
وتشيح وجوههم عني وكني غيرت ديني
يظنوا حزنهم اكبر وهم اصحاب هالمأساة,,
وانا اتحدى اذا فيهم ربع ما يحترق فيني,,
نقص قدري بعد موتك وغابت نشوة اللذات,,
وصار الهم عكازي اباكيه ويباكيني,,
عطيتيني بدون حساب ولا سمعتك تقولي هات,,
وانا اشرب حيل من دمك ودمك ما يكفيني,,
يايمه ارجعي كافي ابجلس معك لو لحظات,,
واقبل ايدك ورجلك وافرش لك رمش عيني,,
يايمه ما تحملهم يقولوا فات ما قد مات,,
تعالي غيري هالقول واطيعك باقي سنيني,,
واترك عادة التدخين وانفذ ما تبي بسكات,,
واصلي الفجر في المسجد قبل منتي تصحيني,,
يايمه ارجعي تكفين وطفي شمعة الآهات,,
ابيك انتي ولا غيرك على موتك تعزيني,,
وضميني وداويني مثل ما كانت الهقوات,,
ما ابي احدن يواسيني ابيك انتي تواسيني,,
دخيلك بس لا تبكي اذا شفتي بي الدمعات,,
انا مقوى ابكيك اذا انتي تبكيني,,

منقول

space · 21-09-2008, 05:05 AM

رائعه ،،،،،،الله يحفظ لنا أمهاتنا اللهم آمين... شكراً لصاحبة الموضوع

AbO FahaD · 21-09-2008, 05:37 AM

تقطع القلب

الله يرحمها

ويخلي لنا امهاتنا ويعيننا على برهم والاحسان اليهم

الطموحة · 22-09-2008, 07:19 PM

المشاركة الأصلية كتبت بواسطة space

رائعه ،،،،،،الله يحفظ لنا أمهاتنا اللهم آمين... شكراً لصاحبة الموضوع

اللهم امين مشكور على المرور

الطموحة · 22-09-2008, 07:21 PM

المشاركة الأصلية كتبت بواسطة AbO FahaD

تقطع القلب

الله يرحمها

ويخلي لنا امهاتنا ويعيننا على برهم والاحسان اليهم

جزاك الله خير على الدعاء

...المشاكس... · 22-09-2008, 08:15 PM

الطموووحه مشكوووره ... على منقووولك

مرررررررررررررره رووووووووعه ...

الله يخلي لنا امهاتنا .. والله من جد قصيده حزينه

مدري كيف اتخيل اليوم إللي امي بتفارقني فيه

الله يجعل يومي قبل يومك يا يمه .... تقبلي مروري الطمووحه