ســـر الجـريـــدة

Jasmine Al-Qahtani · #1 29-09-2008, 06:00 AM

الجريده ..
ادري وش سر الجريده
به أحد .. يقطع وريده ..
وينزف أخبارٍ جديده ..
وحنا نقراها الصباح ..
دنيا مكتوبه فـ ورق .. دنيا من دم .. وعرق ..
دنيا مجنونه ارق .. وهم ..
انسرق .. إحترق .. المهم
كلها أخبارٍ سعيده
وحنا نقراها الصباح ..
لو طبعنا .. صفحة ما فيها خبر ..
لا حروف .. ولا صور
صفحة يملاها البياض ..
صفحة تملانا بياض .. ما يعكرها الحبر ..
كان ذي الصفحة الوحيدة
اللي اقراها الصباح .. في الجريدة

البــدر بن عبد المحـسـن

دمتــم بـود

الباسل3003 · 29-09-2008, 06:24 AM

صح لسان الشعار و تسلم ايدك ياسمين و ذوقك

صحيح الجرايد هذي الأيام أكثر ما يجي فيها اخبار تجيب الهم

شــفــافـــة · 29-09-2008, 06:29 AM

تلم ايدك ياحلوة

اذا كنتي تحبي قصايد البدر <<<لنا عشق مشترك

تقبلي مروري

هذيان · 30-09-2008, 12:51 AM

Jasmine Al-Qahtani

يعطيك العافيه .. ما قصرت .. ذوق راقي .. و ملهم !

و صح لسان الشاعر بدر بن عبد المحسن .. !

قصيدة بيضاء ... بطابع أبيض .. و بأهداف بيضاء .. !

ألا أنها لا تفارق .. أبعاد الشاعر السوداويه .. !

Jasmine Al-Qahtani · 04-10-2008, 05:53 AM

الباسل
لاعدمنا وجودك اخي الكريم

شفافه
اشاركك اعجابيِ بقصائد البدر بالاضافه إلى
القباني وفاروق جدويدة وقائمة طويلة المميز فيها ان اغلبها من العصر الشبه قديم :)

هذيـان
صح بدنك ومشكور عالتواجد

مملكة عمري · 04-10-2008, 08:13 AM

انتقائك رائع تماما مثلك

Jasmine Al-Qahtani · 04-10-2008, 08:50 PM

مملكة عمري
منوّرة الصفحة يالغاليـة

ســـر الجـريـــدة

جـنـة الـحـرف