صار السيل والطلاب والطالبات في الجامعه

[((المتميزة))]

ايوه صار سيول والطلاب والطالبات في الجامعه

ايش حتعملوا؟؟

حتركبوا سياراتك طيب وين حتروحوا؟؟

حتتصل على الدفاع المدني طيب وبعدين؟؟

ايش الحل من حينقذك؟؟

اسئله تدور في راس كل واحد ياترى هل في خطة انقاذ؟؟

ساحة للنقاش للنظر بعقلانيه للموضوع..
حياااااااااااكم

[مس فوشيآ]

اكيد مافي خطة انقاد وقتها الكل يبغى ينقد نفسووا ..
ياشيخة الناس يموتو والدفاع المدني لسا ماجاا .. بس الحل انك تتوكلي على ربك ..

[مني يغار الورد]

والله يالمتميزة ..نفس الاسئلة اللي دارات براسي وكتبتها بحملة التأجيل لعل العميد يطلع عليها ويفتينا ع أساس
أنه الطالب أولا بس زي ماقالت مس فوشيا اتوقع ذي اللحظة كل واحد مايبفكر الا بنفسه خاصة احنا الا مالنا بالسباحة
الله يستر علينا بس

[Heba EB]

لا أحب أن أفكــر في هذه الأسئلة ، بالرغم أنها تأتي رغماً عنا

لأنه باختصــار " لا خطـة " سوى ( اطلعوا الطوابق العليا )

نتمنى أن تكون هناك خطة للانقاذ - لو لاقدر الله حصل شئ -

[miss estakoza]

انا حاقولك اللي ماما وبابا وصوني عليه واللي هوا اني أطلع من أقرب درج وطواااااالي على السطوح لأني في العلوم وفيه سطوح غير كذا مافي ياعمري لا خطة أنقاذ ولا بطييييييييييخ :(

[دلع..]

^^

لا ياعسل خطر تطلعين السطوح بالسيول ! افرضي الموجة كانت
اطول من السطح وجرتك معها !

الصحيح انك تطلعين اعلى دور ممكن توصلين له .. بس مايكون مفتوح
وبرضو اذا صار السيل حاولو تتمسكون باشياء ثابته .. مو اشياء تتحرك
حتى لو انها ثقيله ومستحيل تتزحزح ..

الله يستر علينا ياارب ..

[خالد الناصر]

مشكلة السيول الي الان ما انحلت
والمشكلة ان السيول الي تجي علي جده سيول متجمعة من عدة اماكن لانة اصبح منسوب السيل يقدر با ارتفاع الغرفه كا الذي حل با المسكن وسواء به الارض نسال الله السلامة وكان ارتفاع السيل علي ماشهدة البعض في اوج هيجانة
حوالي من ثلاثة الي اربعة متر بسرعة حوالي 150 كيلو تقريبا في الساعة
من اجل كذا كان الناس غير مستوعبين لمقدار هذا التجمع الفضيع
وكما يقال "السيل له طريق " او "السيل يعرف طريقة"
وعادة مو شرط ان تكون هناك امطار علي جده لدراء الخطر
بمعنا اخر لاسمح الله تجي بدون انذار ويطلق علي هذه السيول اسم السيول السارية
وهذي اكثر ما يتعرض لها الوديان التي بطريق المدينة
لكن الان وبعد الفاجعة بمجرد نزول او تشكيل من السحب الراكمية التي يشوبة السواد كا التي لوحظت بسيل الربوع بجده
مالة داعي الجامعة واذا المنزل معروف بمجراء السيول الافضل البحث عن مكان امن
ولكن السيل الغير معروف او الساري فا امرنا لله خليك دوم علي استعداد لا اعلي مكان
وعموم من له قدر لا يؤخر
وربنا يسلم الجميع
بمعني لو سمح الله

[مني يغار الورد]

المشكلة اللي سمعته انا جامعتنا وللاسف مكااان تجمع الماااء واللي شفته بخرايط كمان ..ولا؟

[wallo]

^^

ايووا صح :(

والله خوووفت لما قلتو لا تطلعوو السطوووح معقووووله الموويا بتوووصل لما هنااااااك :(

الله يستر بس ......

[memo honey]

الله يحمينا وتوكلوا على الله ..... وكل يوم جددوا النية بطلب العلم ..... واكثروا من الاستغفار ولن يصيبكم إلا ماكتبه الله لكم .... بس بقول شيء لو صار لنا شيء لاسمح الله ف الجامعه وكان السبب إن الجامعه غير مؤهله ومستعده لهذه المشاكل أو إن مكانها خطر لن نسامح أي مسؤول كان السبب ... وذنبنا ف رقبته .....