جامعة المك عبدالعزيز vs جامعة الملك فهد

[اسامـــه]

المشاركة الأصلية كتبت بواسطة gentle man لا تعمم على كلية الهندسة ان كان الصناعية كدا فا انا احب اقلك الكهرباء مهي كدا

انا اتكلم على اول سنتين قبل التخصص دف الى ان تقول امين اما بالنسبة للكهربا عاد بالعمش يسلم عليك ويقول الله الله

[mr. engineer]

المشاركة الأصلية كتبت بواسطة new-aman09 يوجد فرق لأن الاعتماد الموجود هنا مدته 6 سنوات http://www.kau.edu.sa/pages-الاعتمادات.aspx أما الاعتماد الموجود في جامعة الملك فهد مدته 16 سنه يعني بمقارنه عقليه أيهما افضل من حصل على الاعتماد قبل فتره بسيطه واعتمدها 6 سنوات أم من حصل على الاعتماد منذ زمن بعيد وآخر اعتماد حصل عليه مدته 16 سنه ...

لامك صح بس في شي ثاني الاعتماد يتجدد كل 6 سنوات لكل الجامعات اما بالنسبه انهم اخذوه قبل فهذا عقليا لايعني انهم افضل والدليل جامعة الملك سعود

[اسامـــه]

المشاركة الأصلية كتبت بواسطة mr. Engineer لامك صح بس في شي ثاني الاعتماد يتجدد كل 6 سنوات لكل الجامعات اما بالنسبه انهم اخذوه قبل فهذا عقليا لايعني انهم افضل والدليل جامعة الملك سعود

خلني اقلك حاجة ترا الاعتمادات بفلوس والابت اللي فرحان فيه ترا الجامعة تدفعلهم سنويا مبلغا وقدره ولايهون بقية الجامعات وطبعا الرائدة في هذا المجال ادفعلي واعطيك جامعة الملك سعود
بالتوفيق للجميع

[new-aman09]

المشاركة الأصلية كتبت بواسطة اسامـــه خلني اقلك حاجة ترا الاعتمادات بفلوس والابت اللي فرحان فيه ترا الجامعة تدفعلهم سنويا مبلغا وقدره ولايهون بقية الجامعات وطبعا الرائدة في هذا المجال ادفعلي واعطيك جامعة الملك سعود بالتوفيق للجميع

من الأساس ما يحتاج تدفغ ... ليش ... إذا كانت شهادتك معتمده من بلد معين واردت ان تكمل الماستر مثلاً فمن الطبيعي ان يتجه تفكيرك في البدايه لذالك المكان .... يعني الاعتمادات يضمن تدفق طلاب على المكان المعتمد ... يعني لا تصدق سالفة الاعتماد اكثر من الازم وان في احد راح يدفع له ...

[Majest!C]

عدد العلماء !!!!!!!!!!

[Mr-Ammar]

عزيزي انتا جالس تسلك الموضوع ،، ترا فهد افضل ،،،

الدراسه صححححح هناك وتخرج طلاب فاهمين ايش جالسين يسوو،،

في النهايه لمن تتخرج تعتمد الوظيفة عليك انتا ،، لكن كدراسه وجامعه هناك الجامعه قوية
واتحدى اي احد هنا معدلو متوسط يروح هناك ويبقى على نفس المستوى


الدراسه هناك صعبه ،، ماهي زي هنا بزوطه

ولا تقلي الكهربا مافيها وترميها ع الصناعيه ،، الاقسام كلها فيها يا حبيبي

انا اعرف واحد دوبو اتخرج قريب ... يقلك في مواد ما كان يحلم ينجح فيها يلاقي درجتو فوق 90 ،،

الجامعه حقتنا فيها بزوطه غير طبيعيه ،، دا واحنا ما بنتكلم عن (العلماء) الي جالس تقول عنهم

وطبعا غير االمناهج الي ما بتتغير عندنا ،،،

[gentle man]

المشاركة الأصلية كتبت بواسطة mr-ammar يقلك في مواد ما كان يحلم ينجح فيها يلاقي درجتو فوق 90 ،،

يعني كيرف اب فوق تلاتين (((30))) درجة والله جونان

يابويا دلني عليها دحين اخدها يا هوا نتكلم بالعقل الله يرضى عليكم

حسستوني امس داخل الكلية

[gentle man]

New man

ارى كثير من التنااقض في رأيك ف تارة انت ... وتارة انت ...

حدد موقفك

- لحد يقلي انا منحاز لجامعة الملك عبد العزيز
بالعكس انا دايما اقول عنها قهوة بس هادا ما يمنع انو فيها ناس بتتعب من طلاب ومن دكاترة
حرام نضيع تعبهم وما نقدرهم

اداارة سيئة اتفق معاك لكن الحمد لله في الاونة الاخيرة رأينا كثير من التعديلات في الاداة تثلج الصدر

على فكرة ترى الموضوع دا طرح قبل كدا
ودايما ما نوصل لحل

اخيرن

الي قاعد يشتغل من قلبو ويتعب هوا الي شايف الجامعة قوية

والي قاعد يلعب ويبزوط وكبي بيست هوا الي شايف الجامعة بزوطة

ياريت تتقبلو راأي
وحديكم دليل

احد الدكاترة المعروفين ما يغيرو اسألتهم اعرف شخصيا طالب يخش الاختبار وهوا مزاكر المادة صحيح يشوف الاختبار_اقصد الي دايما يجي _ بس ما يحفظو يزاكر الاختبار زيو زي كنو يزاكر اسئلة قديمة في اي مادة

عكس اغلب الشباب الي يجو مو فاهمين شي في المادة بس الي يسويو انو يحفظو الاختبار يخشو يعملو كبي بيست ويطلعو

شفتو انو يعتمد ع الطالب

IE201,IE202

مواد جدا قوية ناس تخشها وتخرج منها ما استفاادت ولا شي كلو غش من التيم الي عند الدكتور التاني وبههلة واستهبال واستخفاف بعقلية نفسو

وناس تكرف وتخرج ايش يا استفاادة

تتعمد على كل شخص كل طالب كل موظف كل عامل

فــ كل يرى الناس بعين طبعه

[م/ المستقبل]

شباب انا حقول رأيي عن تجربة سارت ليا وقدامي

انا حتكلم عن تخصصين في جامعة الملك عبد العزيز وحقارنهم بنفس التخصصين في جامعة البترول

صناعية وكيميائية ...

بحكم إني على وشك التخرج بإذن الله بعد اسبوعين .. عملت وانا واصحابي من الصناعية والكيميائية أكثر من انترفيو قبل التخرج وحتى رحنا يوم المهنة الهندسي بجامعة البترول .. طبعآ كان في عنصرية وتحيز من الشركات لطلاب البترول عن باقي الجامعات

بس برضو مرررررره اتقبلنا دا الشي بصدر رحب وكلنا قلنا الأفضل هوا اللي حيثبت وجوده وحياخد الوظيفة اللي ربك كاتبه له

والله أقسم بالله وانا في رمضان .. اول ما خلصت اختبارات الترم الثاني ..على طول وقعنا عقود مع ارامكو وسابك وبيبسي والبنك الأهلي وبنك سامبا وشركة الوفاق والخطوط السعودية وبن لادن

والحمد لله كلنا متوظفين وفي جدة ما عدا اللي وقعوا عقود مع ارامكو وسابك في ينبع والشرقية .. بعكس اصحابنا من البترول من نفس التخصص إلى الآن ما اتوظفو او حتى انعرض عليهم عرض عمل ..

شباب الصناعية والكيميائية من جامعة الملك عبد العزيز .. أحب اقلكم أطمنو ترا الشركات يبغوا طلاب عزوز من التخصصين اللي ذكرتهم .. لأنو دراستنا أقوى ومناهجنا أشمل وأحدث


حبيت اقول للجميع الأرزاق بيد الله .. وجامعتنا قويه بس يعيبها التنظيم والمحسوبية من بعض الدكاتره

[عاصم العاصم]

المشاركة الأصلية كتبت بواسطة م/ المستقبل شباب انا حقول رأيي عن تجربة سارت ليا وقدامي انا حتكلم عن تخصصين في جامعة الملك عبد العزيز وحقارنهم بنفس التخصصين في جامعة البترول صناعية وكيميائية ... بحكم إني على وشك التخرج بإذن الله بعد اسبوعين .. عملت وانا واصحابي من الصناعية والكيميائية أكثر من انترفيو قبل التخرج وحتى رحنا يوم المهنة الهندسي بجامعة البترول .. طبعآ كان في عنصرية وتحيز من الشركات لطلاب البترول عن باقي الجامعات بس برضو مرررررره اتقبلنا دا الشي بصدر رحب وكلنا قلنا الأفضل هوا اللي حيثبت وجوده وحياخد الوظيفة اللي ربك كاتبه له والله أقسم بالله وانا في رمضان .. اول ما خلصت اختبارات الترم الثاني ..على طول وقعنا عقود مع ارامكو وسابك وبيبسي والبنك الأهلي وبنك سامبا وشركة الوفاق والخطوط السعودية وبن لادن والحمد لله كلنا متوظفين وفي جدة ما عدا اللي وقعوا عقود مع ارامكو وسابك في ينبع والشرقية .. بعكس اصحابنا من البترول من نفس التخصص إلى الآن ما اتوظفو او حتى انعرض عليهم عرض عمل .. شباب الصناعية والكيميائية من جامعة الملك عبد العزيز .. أحب اقلكم أطمنو ترا الشركات يبغوا طلاب عزوز من التخصصين اللي ذكرتهم .. لأنو دراستنا أقوى ومناهجنا أشمل وأحدث حبيت اقول للجميع الأرزاق بيد الله .. وجامعتنا قويه بس يعيبها التنظيم والمحسوبية من بعض الدكاتره

الله يرضى عليك
مهندسنا الغالي