ملخص التخطيط الاستراتيجي استاذه منى عبدالمحسن

[فايزه]

السلام عليكم

الله يسعدكم ويوفقكم
الي عنده ملخص شامل للمادة هذي لايبخل علينا

التخطيط الاستراتيجي مع الاستاذه منى عبدالمحسن

والله يجزاكم اعلى الدرجات بالدنيا والاخرة

[فايزه]

وينكم ولا رد :(

[جمونة]

والله عن نفسي يا بنت الناس متورطة زي وضعك
ومو عارفة اي ملخص او اي كتاب... و غير كذا محاضراتي ما نزلت..
و رحت للجامعة كم مره عشان اقابل نفس الاستاذة .ما حصلتها ...
و المشكلة ان الاستاذة مو معروفة.. انا عن نفسسي اول مرره ادرس عندها
ولا لقيت لها اي ملخص او اي محاضرة في المنتديات..
و انا لو حصلت اي شي بأفيدك ان شاء الله الله يسعدك..
.. ربي يعين و يسهلها ع الجميع يارب..
بالتوفيق يارب للكل ...

[ام احمد55]

مافي ملخص قالت المذاكره من الكتاب اسم الكتاب الاستراتيجية والتخطيط الاستراتيجي للدكتور خالد محمد بني حمدان والدكتور وائل محمد ادريس والمحذوف المحذوف قالت بس الفصل الثاني بس اليوم كنت بابدا في مذاكرة المادةولقيت السنترا مو راضي يدخل للمحاضرات ارسلت ايميل للسنترا ومستنيه الرد واول ما كمل معاها باقي المحاضرات حفيدكم باذن الله

[جمونة]

الله يجزاك الجنة يارب...
بس ما تقدري تنزلي المحاضرات في المنتدى؟؟؟
لأنها مو راضية تشتغل معايا نهائيا ..
و سمعت ان اسئلتها اغلبها تجي من شرحها...
الله يبشرك بأعلى الدرجات يارب ياليتك تفيدينا..
احس اني متورطة في هذي المادة..

[ام احمد55]

اختي جمونه انا في مصارعه مع السنترا والله قعدت امس افارع مع السنترا الين ما شغلتو حضرت اول محاضره وقالت ثاني فصل مو معانا والكتاب قالت الطباعه تختلف من كتاب لكتاب ولما قعدت اخطط معاها وخلصنا الفصل الاول دخلت على الفصل الثاني الي قالت محذوف وخطط كم فقره معاها وعلق السنترا مره ثانيه يعني الفصل الي محذوف مو زي ما قلتلك ححاول ادخل السنترا واكمل محاضراتها وقولك على المحذوف
الفصل الاول مو كلو معانا حكتبلك العناوين الاساسيه يعني حكتب العناوين الرئسية وانتي خططي الفقرات الي تحته
مفهوم التخطيط الاستراتيجي وتطوره: ص5
مراحل التخطيط الاستراتيجي ص6
تتحدد مشكلة التخطيط ص6
ص8 يفترض التخطيط الاستراتيجي ان تكون شمولية من المستوى المعياري مرورآ بالمستوئ الاستراتيجي وتنتهي بمستوئ العمليات
{بعده الفقره دي تلاقي تعريف للتخطيط الاسترتيجي}
بعدها عناصر التخطيط الاستراتيجي : اعرفي كل عنصر ايش مهمتو باختصار واهم فقره ركزت عليها عنصر رقم 4/الهيكلية :ولها 3 انواع من الخطط
بعدها تلاقي تعريف للتخطيط الاستراتيجي
ص11 التخطيط الاستراتيجي ......... قالت عالنقطه هادي مهمه
والخطط ............ قالت برضو مهمه
مفهوم عملية التخطيط الاستراتيجي يشمل : 4 نقاط كلهم ص11
الاسباب الموديه الئ الاختلاف والتباين في مفهوم التخطيط الاستراتيجي : ص12
خصائص التخطيط الاستراتيجي : ص13نقاطها كثيره بس قالت معانا كلها
اهمية وفؤائد التخطيط الاستراتيجي: ص15 { هادي بس من اول كلمه بعد العنوان الى كلمة الجزئية الثالثة التي تربط بين الاهداف القصيره والبعيدة المدى} بس
مدارس الفكر التخطيطي مو معانا
معوقات واشكالات التخطيط الاستراتيجي :ص32 هما 5 نقاط وافهمي الي تحت كل نقطه خامس نقطه الي هيا التخطيط الاستراتيجي يحتاج الئ وقت وتكلفة كبيرة اول نقطه تحته فقط الي معانا وباقي الكلام كلو محذوف
هادا باختصار الفصل الاول وباذن الله اخلص الفصل الثاني وقولك عالباقي ومعليش ما قدرت اسجل محاضراتها وسامحيني عالقصور الله يوفقك ويسهلها عليكي وعلى كل البنات ان شاء الله

[shosho99]

ام احمد مشكوره عالتلخيص
بس الكتاب مره كثير علينا ومو معقول نخلص الماده في هذي الفتره ماحد عنده ملخص متوافق مع كلام الاستاذه وشرحها
انا تعبببببت ومالقيت ولا ملخص يتوافق مع كلامها لا ملخص الحجاج ولا ملخص الاستاذه العنود كله كله غير عن كلامها كانهم مطلعين الماده من كتاب غير عن كتابنااا
تكفووووووون يابنات الي بتعتمد على ملخص نفس ششرح استاذه منى تنزلو لنا تكفووووون

[shosho99]

رفععع
الله يوووفقكم احد يفييدنا معقوول ماحد عند منى الفضلي مادة استراتيجية التخطيط :( :(

[ام احمد55]

شوشو حبيبتي حضرت المحاضرات حقتها كلها و الدكتوره قالت مافي اي ملخص نعتمد عليه والمذاكره من الكتاب و المحذوف الفصل الثامن كله وبعض النقاط من باقي الفصول محذوفه بصراحه حذفت اجزاء كتيره والماده مهي صعبه تعتمد عالفهم وليس الحفظ وهيا قالت برضو كدا الفهههههههم ومن ناحية المخلصات انا اقولك لا تعتمدي على ملخص بعدين تندمي والله الماده يبغالها فهم وما حتلاقي اي صعوبه واذا حابين اصور كتابي والتاشير الي اشرتو معاها انا حاضره
الله يوفقنا كلنا ان شاء الله

[فايزه]

الله يجزاكم خير يابنات

مثلكم مالقيت ولا ملخص
اضطريت اطبع ملخص استاذه العنود السبعان وكثيييييييييييير وملخبط

فاصرت اسمع المحاضره واكتب المهم وفعلا مثل ماقالت ام احمد الله يجزاها خير المادة تعتمد ع الفهم اكثر من الحفظ

ويا رب فالنا التوفيق جميع

دعواتكم