إللي عندهم خبرة فـ معامل الكيمياء >> آنقـــــــذوني :"(

[أثير العالم]

السلام عليكم ورحمة الله وبركاته..

بنات أمس كان عندي معمل كيمياء عــــــــــــــآمه وسوينا تجارب مره كثييير

وبعد ما خرجت من المعمل طلع في يدي بقع بنية زي الصبغه ..

وحتى صاحباتي نفس الششي .. بالله إش ذا الشي مررره يخوف وإللي تعرف كيف يروح

تقول لي .. بصراحة أنا جربت كل أدوات التنظيف : صابون _ تايد _ شامبو _ ليفة _ سلك مواعين _ اسفنجة

كل شي جربته مابقي إلا الكلوركس لو ما أنقذتوني بتهور وبغسل يدي بكلوركس ههههههه آمزح

يالله صبآيآ آستنآكم .. لآ تصفو

[a7la jojo ~]

عآآدي يومين بالكثير ترووح

صارت لي في اول مستوى كانها حرووق بنيه

بس ناسيه والله اسم المادة

لاتشيلي هم

[أثير العالم]

المشاركة الأصلية كتبت بواسطة a7la jojo ~ عآآدي يومين بالكثير ترووح صارت لي في اول مستوى كانها حرووق بنيه بس ناسيه والله اسم المادة لاتشيلي هم

مشكورة ي عسسل ما قصرتي .. بس خوفني شكلها في البداية ..

يب ذحين بدأت تخف :) الله يسعدك ع الرد من أمس وأنا أستنى أحد يعبرني :"(

[غـ؛ـربآـهٌ]

سلآمات هههههه
ان شاء الله شويات وتخف :")

[وفاء جدة]

سسلامات أثير .. لازم تنتبهي على نفسسك في المعمل ولو لمسستي أي مادة على طول تغسلي بموية باااااردة...
وان شاء الله تختفي البقع في هاليومين...

[وسام الامان]

وليييش كل هالخوف يابعدي ؟؟؟هوني ع حالك هااا وان شالله مافي شييي بس بتحطي ايدك تحت حنفية مي وبتروح هي البقع ^^وازا كنت مرة مرة مرة خفت استشيري حكيم تبعها للجلدية . مااشي

بس لاتخافي مافي شي بخوف^^
لا اله الا الله وحده لا شريك له له الملك وله الحمد وهو على كل شيء قدير

[غموض..~]

سلامات ياعسل

لازم تلبسي قفازات عشان لاتجي على يدك شي وانتبهي من المواد

الله يحمي الجميع =)