لبنات كيمياحيوي اللي اخدوا مادة طبية

[rose way]

سلا يا بنات كيفكم
كنت حابة اسأل عن مادة طبية كيف هيا صعبة ولا سهلة؟؟ يعني ممكن اجيب فيها a
وكيف شرح دكتورة هناء ودرجاتها؟؟ وهل صحيح انها ما راح تكون موجودة الترم الجاي والمادة راح تدرسها دكتورة سوسن خوجة؟؟
وكنت ابغى اسأل كمان عن اي مادة اختيارية بساعتين ممكن اجيب فيها درجة تمام؟؟؟
غير مصطلحات وتقارير فنية لاني اخدتهم

[sparkling]

المشاركة الأصلية كتبت بواسطة rose way سلا يا بنات كيفكم كنت حابة اسأل عن مادة طبية كيف هيا صعبة ولا سهلة؟؟ يعني ممكن اجيب فيها a وكيف شرح دكتورة هناء ودرجاتها؟؟ وهل صحيح انها ما راح تكون موجودة الترم الجاي والمادة راح تدرسها دكتورة سوسن خوجة؟؟ وكنت ابغى اسأل كمان عن اي مادة اختيارية بساعتين ممكن اجيب فيها درجة تمام؟؟؟ غير مصطلحات وتقارير فنية لاني اخدتهم

المادة صعوبتها في الحفظ لأنها دسمة

ومع د.هناء انا كنت احسها ماتربط بين المواضيع ببعض,,

يعني في اشياء ماكنت افهمها فاالجأ للحفظ ..

في الدرجات تعطيكي حقك ..انا اخذتها صيفي وبالرغم من كذا ماعجبتني المادة لأنها ثقيلة..

ماابغى اخوفك لكن تحتاج لمذاكرة أول بأول..يعني لومشيتي بالحفظ من دون فهم ممكن تجيبي a

افتكر اعطتنا بونس 3 درجات اذا عملتي عرض حلو بالبوربوينت ..

اسألتها متنوعة فراغات وصح وخطأ ومقالي لكن المقالي تعداد او عللي ورسمة اكثر شي

النهائي افتكر جابت 40 اختياري وصفحتين كانت مقالي لكن تبغى short answer

لكن الدكتورة ذوق في التعامل ومرة محترمة..

بالنسبة انها حتكون موجودة أو لأ فوالله مااعرف واول مرة اسمع,

لكن د.سوسن خوجة البنات دايما يمدحوها

مادة اختيارية بدرجتين هرمون حلوة أنا أخذتها مع دكتورة مديحة الصيني

وان شاء الله أكون أفدتك

[rose way]

مرة شكرا وتسلمي على الاجابة
انا كنت خايفة منها بس نوعا ما طمنتيني

[Dr-Bro0r]

اهلا خيتو


انا سمعت بنات قالولي اذا مادة هرمون نازلة مع سوسن خوجة فلا تاخذيها
وانا عن نفسي درستني مع هاذي الحرمة في 201 ومررررررررة ماكانت تعرف تشرح .. تقرأ السلايدات قرااائة .. ولما تسأليها عن معنى شي بالعربي تقولك ماعرف معناه بالعربي .. يعني الترم معاها كان حوووسة بالرغم انه بنات كثييير مدحولي هية.. لكن للأسف مو ع قد اللمدح

وبالتــوفيق ياعســل!!

[sparkling]

المشاركة الأصلية كتبت بواسطة Dr-Bro0r اهلا خيتو انا سمعت بنات قالولي اذا مادة هرمون نازلة مع سوسن خوجة فلا تاخذيها وانا عن نفسي درستني مع هاذي الحرمة في 201 ومررررررررة ماكانت تعرف تشرح .. تقرأ السلايدات قرااائة .. ولما تسأليها عن معنى شي بالعربي تقولك ماعرف معناه بالعربي .. يعني الترم معاها كان حوووسة بالرغم انه بنات كثييير مدحولي هية.. لكن للأسف مو ع قد اللمدح وبالتــوفيق ياعســل!!

انا سمعت مثل ماقلت أختي Dr-Bro0r انه في الفهم صح ماتعرف تشرح

لكن تعطي درجات على قد ماتذاكري..

وللمعلومية أنا ماقيد أخذت معاها اي مادة لكن هذا اللي سمعته والله أعلم

[rose way]

انا اخذت معاها انزيم وكانت مثل ما قلتوا تقرأ السلايدات بس قلت ممكن في هرمون غير
لكن كنا نحفظ ونمشي حالنا

[M!SS BIOC.R]

بالنسبة لطبيه
( مادة بـ 4 ساعات )

الماده مو سهله ابد ... دسمة مره وعلى قد ما تذاكري تنسي
يبغالها مذاكره أول بـ أول ...
وزي ماقالو البنات هناء قشلان ما تربط المواضيع ببعض ابدًا
وأسئلتها مو مباشره ... هذا مو كلامي انا وبس .. كثير من البنات قالو كذا
بس شدي حيلك وان شاء الله خير

===========

بالنسبة لهرمون
( ماده بـ ساعتين )

الماده حلوه مع سوسن خوجه .. أخذتها الترم اللي فات
بس تعتمد على الحفظ
وعني انا جبت فيها درجه مره حلوه الحمدلله ..
هيا كريمه في الدرجات وممكن ترفع الوحده ..
فـ نصيحه توكلي على الله وخذيها ..

وفيه مادة ثانيه بـ ساعتين ( سموم مع نجلاء الشريف )
بس مااخذتها يمكن ع الترم الجاي ان شاء الله :)


اي استفسار لايردك الا كيبوردك ^_*
موفقــة

[banoota mnkoosha]

اصعب مادة في التخصص هيا الطبية :(
بس مو هاديك الصعوبة اللي ماتقدري تعديها ... ان شالله تكون سهلة عليكي ,,
اما انو دكتورة هناء حتخرج والله ماسمعت !

مادة اختيارية عندك سموم الاحياء الدقيقة بساعتين ,

[sparkling]

سموم=هموم
كدا البنات يسموا المادة :)
نصيحة لالالاتاخديها مرة صعبة ومعقدة ومحد مدحها

[rose way]

لا لا سموم احياء لأ احسها مادة ثقيلة دم وما حد مدحها وكمان مع نجوى( يعني كملت)
بس طبية اصعب من تحليلية ؟؟؟؟؟
انا سمعت انه تحليلية اصعب مواد القسم