هــديتي للمقبوليــن بفرع الشرفية :)

[جرحك كسرني]

حورية :- يب ياقمر فيه باصات

المطرف الخالد السعادة و و و و =)

[جرحك كسرني]

المشاركة الأصلية كتبت بواسطة reham.h.b السلام عليكم عندي سؤال مهم بليييز دحين انا اختي اليوم راحت وإحنا على بالنا إتقبلت في الجامعه بس طلع إنو المقاعد قفلت! و قبلوها دحين في الشرفيه بس آبغى اعرف هل في إمكانيه إنها تحول لجامعة الملك عبد العزيز بعد التحضيري؟! و شكرا ع المعلومات الحلوه بس ياريت تقولولنا أكثر ع الأنظمه و كيف الكافتيريات و المعلمات و إسلوبهم و كيف بالنسبه للدراسه هل هيا بالإنجلش أو عربي؟! و شكرا مره تانيه

طيب خير وبركه ,,

الانظمة عاادي سهالات ويراعونكم ويدلعونكم ويعلمونكم

ولا فيه حوووسه =)

آلكفتيريات عندنا اثنيين

وحدة كبيرة حقت شركة رابيس وآنا مااحبيتها احس مو نظيفة وصحبتي تسممت منها هخ
والثانيه صغيره جوا مبنى 3 مرررره طعمه اكلاتهم ^_^

الاستاذات فيه الخير وفيه البطال

لما يتحدد جدولك تعالي خبرينا من اللي درسوك واحنا نخبرك من الزين فيهم


الكتب كلها بالانقلش عدا الحاسب والاتصال
بس بنفس المحاضره الاستاذه تشررح بالعربي للتسهيل


وانتبهي تهملي شدي حيلك اول باول

شوفيني اهملت وجت على راسي هخ



تحيآتي =)

[_Sora]

الله يسعدكم يااااااارب وربي انكم ريحتوني
انا موعدي كان اليوم و اول ما سمعت من البنات اللي حولي
انو السليمانية قفل و الله ما اكزب عيووني سسارت تغرغر
بس ماسكة نفسي غصبا عني
دقيت على ماما و جلست اقولها ماما ايش اسوي ما رح اقدر ادخل طب بعدين
و مستقبلي ضاع و مدري ايش و هيا تهدي فيا و تقول يا بنتي خيره ان شاالله
و صحباتي في البيبي كمان كانهم كانو جمبي هههههههه يهدو فيا قبل لا انفجر بكى
بعدين لمن دخلنا القاعه التانية ازون هديت نفسي و قلت خلاص يا بنت
خليكي واثقة من اللي ربنا يحوطيك فيلو و خيره ان شاالله
و فوق كده لقيت وحده من البنات كانت تدرس معايا في المتوسط
و رح نكون ف نفس الفرع ان شاالله ايش ابا اكتر من كده
بس دوبني راجعة و الله و فرحتوني زياده و صحيح
اللي ربنا كتبو اكيد فيلو الخير :)
والله ريحتوني اكتر شي الله يسعدكم كلكم و يحققلكم احلامكم
معليش كلجة ع الاخر جية مواصله هههههههه

ايوه صح وحده كانت تسال ازا في احد من مكة ف واحد من الردود ازون
انا من مكة و رح اروح و اجي للجامعه بباص ان شاالله ^.^

[ŻŌŻξ]

وااااي
تحمسسست حييل
حببتيني بالفررـع و خصوصاً من الصورة الي بالمطر ..

تسلميي
والله يوفقك و يكتب لنا التخصص يارب


سسؤآال مووهيم

كيف دواليبكم ..؟؟
..||

[RoO]

فين الشرفيه بالزبط ؟

لو قفلت الشرفيه في مكان تاني ولا خلاص :|

طيب كم قفلو اليوم النسب الموزونه للي تعرف ؟

[EsoO]

الله يسعدكم بنآت ويريحكم زي ما ريحتوونا
انا كمان كنت زعلانهـ عشان انقبلت في الفرع بس الحمد اللهـ طمنتوني
ممكن تنزلو صور للسكن ؟

[REMAZ]

كويسس الصور ريحتني عن الشرفيه
مرســــــــــــي يــآعسسل
يلا ادا في احد في الشرفيه معايا يقولي عشان نسير صقيقات

[المستندات]

wooow
سبحان الله قبل ما انقبل قرأت عن الشرفية وشفت صور وارتحت لها حييييل
وصرت ادعي يارب حطني بالمكان اللي فيه خير ليا
بالنهاية انقبلت بالشرفية
يارب الاقي صقيقات مثل صقيقاتي يارب وتكمل الفرحة
يسعدك ربي ياعسل

[قدرات+90]

الصور مرا حلوة يسلمو كنت زعلانة لانها بعيدة عني شويات بس الحمدالله
ان شاء الله خيرة وان شاء الله نكون دفعة شطورة وندخل ال نبغاه :)
والله يوفقكـ

[املي بك يالله]

ماشاء الله حلوة

انا انقبلت اليوم بالشرفيه

ومن مكة
ياليت اذا في بنات من مكة يكلموني برايفت

واذا في احد بباص يقولي كيف الطريقه

ويعطيك الف عافيه عالصور