معاهد الإنجلش في جدة

[*nana*]

السلام عليكم ورحمة الله وبركاته
والله مدري صح مكان الموضوع ولا لا؟
إذا خطأ ياليت المشرفين ينقلونه للقسم المناسب
المهم أنا حابه ادخل كورسات انجلش بس مو عارفة وين اروح
سمعت عن الابداع الكندي وبرتش كانسل
بس ماأعرف مين الأفضل
ياليت اللي عنده أي معلومة يساعدني فيها
ابغى أعرف أفضل المعاهد في جدة
وسعر الكورس عندهم
وعنوانهم
وكل شي كل شي عنهم

بس اهم شي ابغى معهد سعره منااااسب مو زي دار الحكمة مررره ناااار

وياليت اللي عنده تجربة في أي معهد يسدحها هنا

[*nana*]

أفااااااااااااااااا

ليش كذا يابنات سؤالي صعب لهالدرجة؟؟؟
30 مشاهدة ولا رد واحد يجبر بخاطري!!!!

طيب اش رايكم بهاذي المعاهد
القمة (الفرسان) سابقا
نفيسة اللي بقويزة
المعهد الثقافي السعودي

ضروري الله يخليكم اللي يعرف شي عنها يرد علي
بلييييييييييييييييييييييييييز

[دلوعه غير]

والله كان نفسي افيدك
بس انا ماجربت غير كلية دار الحكمة
وماشاء الله حسيتهم مررره كويسين

اتمنى الاخوات يفيدوكي

[*nana*]

ياقلبي يادلوعة
يكفيني مرورك يالغالية
بس بصراحة دار الحكمة غالي علي ومادياتي ماتسمح!!!!

[إحساس أنثى]

شوفي كل المعاهد الكويسه غالية نوعا ما
و نصيحه لا تدرسي عن مدرسات لغتهم الام عربيه

ادرسي عند اجاااانب وراح تتعلمي صح

في معهد بيرلتز بحي الروضه
بس اسعارهم غالية بس يسوون عروض كل فترة

هذا رقمهم للاستفسار 6688815

و بالتوفيق

[*nana*]

يعطيك العافية اختي إحساس
فعلا سمعت عن بيرلتز بس على قولك غالي
ع العموم انا ان شاء الله راح ادق عليهم واشوف
مشكوووورة حبيبتي

[كيميائية العام]

شوفي يا nana
اول حاجة لاتدرسي اجلش الا عند اشخاص لغتهم الام الانجليزية وهذا الشي مرة مهم
تاني حاجة لاتستخصري تدفعي فلوس لتعليمك اللغة وأنا معاكي انو دار الحكمة مرة غالي
بيرلتز سمعت انو كويس بس تعدمدي على نفسك
البرتش كاونسل مستوياتو كتيرة وغالبا مستوى الدراسة للي من لخريجي المدارس والجامعات منخفض
بصس يعلموكي كيف تتحاوري كويس
وسعرهم للكورس2250 بس تتعلمي على مهل وتتعلمي من ناس لغتهم الاصل الانجليزية فتاخدي الاكسنت مضبوط وطريقة النطق تتغير

[*nana*]

الله يعطيك العافية اختي كيميائية
بس انا والله ما استخسر بالعكس لو عندي كان سافرت برا درست الانجلش هناك
بس الحمدلله على كل حال
بس حبيبتي مافهت هاذي النقطة
مستوى الدراسة للي من لخريجي المدارس والجامعات منخفض

ياليت لو توضحيلي اكثر

[*nana*]

على فكرة اختي هل انتي جربتي البرتش كانسل والا سمعتي عنه

[كيميائية العام]

اعرف ناس بيدرسو هناك
والمعنى انو غالبا البنات الي درسو بالعربي في الجامعة يحطوهم في ليفل مو عالي