استفسارات عن التمريـــــــض

[Dr.ReRo]

السلام عليكم ورحمة الله وبركاتة
اول حااجة الف مليووون مبرووك للنيرسات الجدد وان شاءالله يكون دا التخصص خيرة لنا
تاني حاجة عندي اسئلة كتيييرة للنيرساات الكووبار ياريت تستحملوني شوية
هل الجدول حقنا الي في موقع الجامعة حيتغير ولا حيجلس زي ماهوا
وكمان انا شفت انو في مادة Medical terminology في الجدول بس لمن فتحت الخطة الدراسية مالقيتها موجودة
هل اضافوها دي السنة ولاكيف لانو شفت مواضيع عن المواد وبرضو مافيه احد اتكلم عنها

و بالنسبة للاناتومي والبايو كيمستري والفسيولوجي اللي بندرسها هيا نفسها اللي بيدروسوها الاقسام التانية ولابتختلف الكمية اللي بناخدها

وكيف طريقة الاختبارات عندكم وايش هيا المواد اللي بنختبرها عملي وهل فيه مواد زي طريقة الحاسب والاحياء في التحضيري يعني اللي حنختبر فيه ماحيدخل معانا في الفاينل
وايش هيا المواد اللي تنصحونا نزاكرها اول بأول

وبخصوص السكرب لازم نلبسو في اللاب ولا يكفي انو نلبس اللاب كوت بس

شكرًا و جزاكم الله خير مقدما :")

[Dr.candy]

المشاركة الأصلية كتبت بواسطة Dr.ReRo السلام عليكم ورحمة الله وبركاتة اول حااجة الف مليووون مبرووك للنيرسات الجدد وان شاءالله يكون دا التخصص خيرة لنا تاني حاجة عندي اسئلة كتيييرة للنيرساات الكووبار ياريت تستحملوني شوية هل الجدول حقنا الي في موقع الجامعة حيتغير ولا حيجلس زي ماهوا وكمان انا شفت انو في مادة Medical terminology في الجدول بس لمن فتحت الخطة الدراسية مالقيتها موجودة هل اضافوها دي السنة ولاكيف لانو شفت مواضيع عن المواد وبرضو مافيه احد اتكلم عنها و بالنسبة للاناتومي والبايو كيمستري والفسيولوجي اللي بندرسها هيا نفسها اللي بيدروسوها الاقسام التانية ولابتختلف الكمية اللي بناخدها وكيف طريقة الاختبارات عندكم وايش هيا المواد اللي بنختبرها عملي وهل فيه مواد زي طريقة الحاسب والاحياء في التحضيري يعني اللي حنختبر فيه ماحيدخل معانا في الفاينل وايش هيا المواد اللي تنصحونا نزاكرها اول بأول وبخصوص السكرب لازم نلبسو في اللاب ولا يكفي انو نلبس اللاب كوت بس شكرًا و جزاكم الله خير مقدما :")

وعليكم السلام ورحمة الله وبركاته

ويي عااادي حبيبتي اسالي الي تبغيه احنا تحت امرك ..

طيب الجدول الي شفتيه دا تب السنة الي فاتت لسه ما نزلت الجداول
ان شاء الله ينزلوها في رمضان زي العاده

ماده Medical Terminology ماده اختيارية .. تدرسيها ضمن الجدول الدراسي

* بس مو معناتو ما تحضيريها .. عليها حضور وغياب وكويزات وكذا

وماده مرررة مفيده تدرسيها لمده عام ليش ندرسها عشان تسهل عليكي دراسة وفهم بعض المواد
وكمان تسهل عليكي الترم الثاني لمن تنزلي المستشفى ان شاء الله وتقرأي الملفات

يالنسبة لباقي المواد .. ندرسها بس على قدنا وطبعا تختلف من قسم لقسم

يعني بندرس الي المعلومات المهمة الي تعرفها الممرضة .

والاختبارات شوفي على حسب ..

الاقسام الطبية الي هيا المواد العامة في نصفي وبعدين فاينل

>> بس ان شاء الله سنة ثانية يقولولك
لانو كل سنة يتغير النظام

في مواد التخصص ما عندنا اسمو نصفي في كويزات يعني تختبري كويز 1 وكويز 2 والباقي تتوزع على case study والمعامل ..

لووول عجبتني شوفي على حسب الليدر ( عريفة الدفعة ) تبعكم ان شاء الله تكون شطورة كده وتقنع الدكاترة انو الي الي تختبروه ما يدخل في الفاينل

بس مش كل مرة تسلم الجرة

يعني مواد التخصص كلها تدخل معاكم في الفاينل .. والمواد العامة الباقية الاناتومي والفيسيولوجي ..


وبالنسبة للمذاكرة طبعا لازم اول بأول وترتبي وقتك لاتراكمي كل المواد على بعض وتتورطي في النهاية ايام الاختبارات النهائية ..


اللبس ..

طبعا لازم لاب كوت اذا ما لبستي لاب كوت كيف راح تحضري المعامل وبعدين ما تضمني نفسك تدخلي في المباني وفي دكاترة فلازم الاب كوت والطرحة

السكرب ..
احنا لوننا حساس .. والله على حسب كنا نلبس ابيض وجينز

بس تعرف السكرب مرررررة مرييييح جداَ احسن من الجينز كل يوم تلبسيه ويتقطع وما ترتاحي

فالسكرب افضل صراحة ..

وطبعا في المستشفى ان شاء الله كلك ابيض في ابيض مافي كلالالام ابدا ..

أتمنى اني افدتك ..

[Dr.ReRo]

مرررررة شكراااا ربيي يسععدك ويرريح بااالك زي مااريحتييني =")

[julia.jay]

دحين السكراب حق التمريض ابيض؟

[Dr.Shaikhah]

^
أيوا

[Ψ BlackBerry Ψ]

طيب انا عندي سؤال
الحين اول اسبوع نداوم فيه من اول يوم و كل الايام ؟
يعني فيه شيء مهم نسويه اول يوم و اول اسبوع ؟

[Dr.candy]

المشاركة الأصلية كتبت بواسطة Ψ blackberry Ψ طيب انا عندي سؤال الحين اول اسبوع نداوم فيه من اول يوم و كل الايام ؟ يعني فيه شيء مهم نسويه اول يوم و اول اسبوع ؟

ايوة اول يوم لازم تحضري عشان تتعرفي علي
المجمع الطبي وعلى الدكاترة والانظمة الي عندنا ..

وثاني يوم تبدأي دراسة على طول مافي لعب ابدا

[الحمدلله على كل حآل]

؟؟؟؟:-)......... شكرا