أفضل أستاذات خطة أ + خطة ب

[Princess Tima]

السلام عليكم و رحمة الله و بركاته




كيفكم يا حلوات ؟ و كيف المعدل معاكم ؟ أتمنى كل تمام و أحلى من الحلو
موضوعي باين من عنوانه ..
صحيح إن الدراسة الجامعية جهد شخصي غالبا لكن ما نخفي دور الأستاذة
لأنها ممكن تحببك بالمادة و ممكن تكرهك فيها :(
في مشكلة عويصة واجهتني في خطة أ .. هو إنه أستاذة الفيزياء تبعي كانت مش و لا بد
و استمريت معها فترة لين اكتشفت انه في أستاذة مررة كويسة تدرس في نفس المبنى و للأسف ما عرفت الا بعد ما

مر نص التيرم .. بس الحمد لله لحقت على نفسي في الآخر و جبت a+

خلاصة الموضوع ..

أتمنى كل طالبات خطة أ يفيدوا طالبات خطة ب من ناحية أفضل الأستاذات و العكس

و لا تنسوا تحددوا إذا هي في السليمانية أو الشرفية



طالبات خطة أ

رياضيات :
فيزياء :
مهارات الاتصال :
مهارات الحاسب :
انجليزي :


طالبات خطة ب

أحياء :
كيمياء :
إحصاء :
انجليزي :



و بسسسس

[Princess Tima]

و ببدأ ،،

عن نفسي أنا في الشرفية موازي ،،

طالبات خطة أ

رياضيات : أستاذة ضحى أبو الحمايل
من أظرف الأستاذات اللي عرفتهم في حياتي و إنسانه جدا مجتهدة و مستحيل تطلعي من عندها مو فاهمة و تخليكي تحبي المادة ع الآخر و الحمد لله جبت فيها فل مارك

فيزياء : أستاذة سناء أباظة
أنا مو عندها بس حضرت معاها من الآخر و مررة جيدة للفيزياء و درجات بناتها كانت أعلى من باقي الشعب و حظك حلو لو انتي معاها


مهارات الاتصال : أستاذة ولاء باجنيد
مررة حبيتها .. تحبي المادة معاها و شرحها و توضيحها يخليكي تتذكري ايش كانت تقول وقت الاختبار

مهارات الحاسب : أستاذة دلال بخيت
إنسانه هادئة جداَ و تشرح برواق بعكس الأستاذات اللي شفتهم عند الشعب الثانية و تشرح تمام و كل شيء عندها أوك

انجليزي : مس أرورا
حلوة المادة معاها و كل شيء اوك و دمها خفيف و تطلعنا بدري .. بس المشكلة الوحيدة كانت عندي معاها في القرامر :( .. أو يمكن ما تأسست صح لأني دخلت لفل فور على طول .. بس بشكل عام تنحب و أوك

[miss tomato]

بنت شعبتي

انا كمان كنت مع اورورا ومعاكي بنفس النقطة تبع القرامر

انا خطة ب...

بالنسبة للكيمياء ..

درستني استاذة خديجة بادحدح بس مومررا .. الشعبة الثانية كانت ليلى الحربي مررا خطيرة ماشالله عليها

الاحياء ..
استاذة فريال الله يسعدها هيا المنسقة تبع الشرفية ومحاظراتها كلها حماس وضحك ومعاها غالية تبع النبات كانت احيان تشرح بذمة واحيان مدري اش يصير فيها

الاحصاء ..
كنت مع عبير السيد كويسة وتفهمي معاها بس وقت الاختبار

يعني ما تعطيكي صورة كفاية عن طبيعة الاختبار وافكاره .. الشعبة الثانية كانو مع فاتن الحسين ممتازة ماشاء الله

[BLQiS]

وعليكم السلام ورحمة الله وبركاته
أول شي الحمدلله انا تمام
و المعدل لسا نستنا المواد كلها تنزل
ثانيا : انا من السليمانية
الرياضيات
أستاذة هتون شعيب
مرررررة كويسة الله يسعدها وتعطيكي الخلاصة وكمااان اخطاء الدفعات السابقة في الاختبارات
وتحااول تقنعك بالمادة مو بس هوا طلع كذا وخلااص
وجدا متعاونة في الساعات المكتبية وخارج اوقات الكلاس ماشاء الله
الفيزياء
لا تعليق
الاتصال
أستاذة شيماء جستنيه
برضو كويسة ودمها خفيف وتساعدك بالدرجاات بس اهم شي التكاليف كاملة وفالك a+

الحاسب
أستاذة ندى الضراب
تعتبر كويسة ماشااء الله وتعطيكِ فكرة ايش ممكن يجيكِ بالاختبار
بس لانو المادة اساسا مملة فتحسي انو الكلاس ممل

وشكرا

[szoza]

أنا خطة ب
بالشرفية ..

أحياء "
أستاذة فريال _ أمال
كيمياء "
فااااتن زين العابدين لا يعلى عليها قممة في الاخلاق وشرررحها ابداع ماحد يخرج مو فاهم .
إحصاء "
فااتن الحسين بالتوب وداليا بوقس أما هديل وتغريد مرررة مو كويسين
انجليزي "
اغلب التيتشرات كويسات ولا تقدري تختاري اصلاً
انا درست عند شمشاد كويسة وعند شروق السبيعي ماا ششا الله عليها شرحها جمييل وتفهم كويس واخلاق بس احسها رسمية وثقييلة بس مررة كويسسسة .

[Dr.Raghad]

المشاركة الأصلية كتبت بواسطة princess tima عن نفسي أنا في الشرفية موازي ،، طالبات خطة أ فيزياء : أستاذة سناء أباظة أنا مو عندها بس حضرت معاها من الآخر و مررة جيدة للفيزياء و درجات بناتها كانت أعلى من باقي الشعب و حظك حلو لو انتي معاها

استاذة سناء اباظة تدرسني في السليمانية , كيف جاتكم الشرفيةة ولا انتوا مساء ؟ !

[ReRe.H]

خطة أ سليمانية

انا عموما الترم هذا كنت محظوظة صراحة استاذاتي مرة كانوا جيدين الحمدلله
يااارب الترم الثاني كمان

الماث : أ.هتون شعيب
الله يسعدها اخلاق ورقي وتعاون وشرح كلو تمام ماشاء الله عليها
بلقيس كفت ووفت ما ازيد على كلامها شي

الفيزياء : د.لبنى سندي
الله يسسعدهااا ياررب حببتني في الفزكس اللي طول عمري اكرهه ومحاضرتها مهي مملة بالعكس
احياناً ماودك تخلص المحاضرة , شرحها حلووو بالنسبة ليا كنت اكتب كل شي تكتبه وتقوله كمان
< لا تخافوا حيمديكم لآنها مو سريعة مرة
منجد كنت انسانةة محظوظة اني درست عندها اخلاق ونظام مرة ماشاء الله عليها الله يسعدها يااارب

مهارات الاتصال : أ.شيماء جستنيه
كمان كانت حلوة المادة معاها , دمها خفيف وهريجة يعني ان شاء الله مارح تطفشوا معاها
وبرضها اخلاق في التعاامل ماشاء الله

الحاسب : أ.ندى الضراب
كمان كويسة كشرح تجيب لنا الاشياء اللي ما كنا نعرفها في البرامج اللي زي الوورد وكذا والاخطاء
اللي ممكن نسويها او الاخطاء اللي دايماً تمر عليها .. ما ادري يعني احس المحاضرات معاها ماكانت مملة << تهتم بالحضور .. ماتتكلم عالتأخير اهم شي الحضور

الانجليزي : من اللي درسوني حتكلم عن وحدة بس تيتشر مروة الديب الله يسعدها اخلاق مرة
ماشاء الله عليها دايما تقولنا اللي محتاج مساعدة انا موجودة وكمان الكلاس نفسه معاها تحسي
يمر مرة سريع ومو ممل < للأسف فترة بسيطة درستني ماكملت معانا الليفل بس منجد كلنا حبيناها الله يسعدها

بس هذا كل اللي عندي من وجهة نظري وبالتوفيق للجميع يارب

[nada_0]

طالبات خطة ب

السليمانيه

أحياء :
أنا كنت عند دكتورة حنان الشاذلي مرره كويسه وشرحها حلو وتفهم
كيمياء :
بالنسبه للكيمياء كنت عند دكتورة إبتسام الصبان صراحه مو مره تفهم بس الحمدالله عدّينا
إحصاء :
الإحصااء كنت عند استاذه نهله احسهاا مره سريعه وكل شوي تطالع في الوقت يعني انا كنت اتششت بس تفهم

[Princess Tima]

المشاركة الأصلية كتبت بواسطة dr.raghad استاذة سناء اباظة تدرسني في السليمانية , كيف جاتكم الشرفيةة ولا انتوا مساء ؟ !

يب أنا موازي يا رَغد

[BLQiS]

ي جمااعة ترا انا و RERE.H
نفس الشعب عشاان تعرفو رأي الطلاب بالاساتذة مو نفسو
كل واحد حسب مزاجو
واللي م ذكرتو
ذكرتوا ReRe
الله يجزاهاا خير ^_^
وشكرا