معمل الفيزياء الشخصي ..,

[Life as Game]

السلام عليكم ورحمة الله وبركاته ..

كيفكم ..شبابين وبناتات,,

ادري اني مصختها << الشرهة عاللي اداك وجه ..
ولو تسمحولي كمان راح انزل معمل للرياضيات ..بس خايف تدوني مخالفة واتحطم

بما انو قد نزلت معمل للكيمياء ..ولقيت كمان معمل الفيزياء فقلت احب لاخيك المسلم ما تحب لنفسك ..
وجبتو لكم مع العلم والله اني تعبت في الشرح والتنزيل لاني مشترك في كونكت يبرد القلب.. قسم يفقع القلب ..

الموهيم :
بسم الله نبدأ
رابط البرنامج ..
ها هنا







التثبيت مرة سهل وما يحتاج شرح ..
بعد تثبيت البرنامج ,,
راح يطلع معانا كدا ..






بعدها نشغل الكيجن المرفق معاه ..ونسوي زي ما في الصورة





بعدو مبرووك تم التفعيل .. ونضغط على زر فنش مو باك


بعد التفعيل راح يطلع معانا كدا



طبعا في البرنامج دا نقدر نصنع المختبر اللي نبغاه وبالادوات اللي نبغاها ..من المكان المأشر عليه ودي الادوات جمعتها بنفسي ,,
لاتنسو اي اداة تبغوها لازم تسحبوها بالماوس من القائمة اليسرى وتفلتوها في الصفحة البيضاء عاليمين ..



او نقدر ادا كان لنا شي مخصص مسلا نروح لمختبر جاهز ..باحتياجاتنا ويدربنا كمان ..
في الصورة دي راح نتعلم كيف توزيع الكهرباء في الكوخ وكم حيصرف بالفولت ..ونحط الاجهزة ..اللازمة



وكمان دي لابات جاهزة للبندول ..



وللسبرنق ..



هنا راح اشرح لكم مع ابن الهيثم انكسار الضوء ..في الكاميرا و العدسات ..طبعا لاب جاهز..
نختار الاوبتيكس من القائمة اليسرى



زي ما انتو شايفين صورة الحوت القاتل ما وصلت لعين المصور ..
نروح نسحب عدسة من صف العدسات ..ونجرب ..عن طريق السحب والافلات .,,




زي ما جربنا العدسة المقعرة ما نفعت ..وشتت الانكسار بدل ما تجمعو وما طلعت صورة الحوت للمصور ,, عين المصور اللي هي المربع اللي فوق عاليمين ..

طيب نجيب عدسة تانية ونجرب ..



زي ما انتوا شايفين ركبت العدسة دي ..بس برضو الصورة مقلوبة يعني لسى ما حلينا المشكلة

طيب نقدر نركب اكتر من عدسة مع بعض ..



للاسف ما نجحت التجربة ..حاولت حاولت ..لما طاح موخي بين ايديا ..

انتو اكيد حتحلوها ..اللي يحلها بليز يرفع الصورة عشان يكتمل الشرح ..

طبعا جميع انواع اللابات في العالم راح تلقوها في البرنامج ..حتى لو تبغوا تجربوا على غواصة او اي شي ..بس حدد الشي اللي تبغو تعملو اختبار عليه ..وابحثو عنو في الكنتاكتس

وينرررر << ليش هي مسابقة ؟؟
اقصد فنشششش

اي سؤال اي حاجة لا تترددوا ..وراح انزل شرح مصور ..

في النهاية بليز ادوني دعوة حلوة ..في ظهر الغيب .

[بيو كيميائية ^_^]

وعليكم السلامـ

واو اميزنق

سو نايس

بصراحة أنا كان نفسي ادخل معمل فيزياء وأشتغل فيه

الحين اقدر أشتغل في هذا

الله يوفقك وتدخل الحاسب إن شاء الله والله يعطيك العافية

وترا عادي في أي وقت تقدر تنزل أي موضوع ونزل معمل الماث

نفسي أشوف معمل ماث

[A7sasTefla..~]

يصرااااااااااااحه شي جنااااااااااااااااااااااااااان
الله وفقك ياااااااااارب وتدخل حااسب
تصدق جااء بووقته كلهم يقول معمل الفيزياء281 صعب
انا خفت بصراحه وقلت باخذوو الترم الجاي وافتك منووو
والحمدلله اهوو جبتو الله الله يسعدددددك يارب

[R-Kh]

يعطيك العافية
انا حـ جمع كل المعامل اللي نزلتها واللي حتنزلها
فـ موضوع واحد باسم المعامل الشخصية وانقلو الملخصات والمواضيع المميزة عشان ما يضيع مع الزمن
//
يعطيك العافية
..
:)

[Life as Game]

المشاركة الأصلية كتبت بواسطة بيو كيميائية ^_^ وعليكم السلامـ واو اميزنق سو نايس بصراحة أنا كان نفسي ادخل معمل فيزياء وأشتغل فيه الحين اقدر أشتغل في هذا الله يوفقك وتدخل الحاسب إن شاء الله والله يعطيك العافية وترا عادي في أي وقت تقدر تنزل أي موضوع ونزل معمل الماث نفسي أشوف معمل ماث

العفو
امين يسلمو بيو عالدعوة ..
ومعمل الماث قريبا ان شاء الله .

المشاركة الأصلية كتبت بواسطة a7sastefla..~ يصرااااااااااااحه شي جنااااااااااااااااااااااااااان الله وفقك ياااااااااارب وتدخل حااسب تصدق جااء بووقته كلهم يقول معمل الفيزياء281 صعب انا خفت بصراحه وقلت باخذوو الترم الجاي وافتك منووو والحمدلله اهوو جبتو الله الله يسعدددددك يارب

امين ويوفقك ..
يسلمو عالدعاوي الحلوة دي ..
ان شاء الله يفيدك ..وتستمتعي بالتجارب ..
شرفتي

[LazoOord]

انت ولد شنطور

ومنتاز كمان

الله يجزاك خير

يلا نستنى معمل المااااااث

>> ترى اللي مخالفه اديه عشرطعشر مخالفه

:)

[وتر الإحساآآس]

وعليكم السلاآآم ورحمة الله وبركاآآته

أما دا شي خطيير مع إني أحب الكيمو أكثر

رووع’ــــــــــــة خ’ـــــــــــــــــيو ربي يسعدكـ ويوفقكـ لكل خ’ـــــــــير

ماراح تتوقع مني أسئلة دي المرة << صارت خبرة

[Life as Game]

المشاركة الأصلية كتبت بواسطة R-Kh يعطيك العافية انا حـ جمع كل المعامل اللي نزلتها واللي حتنزلها فـ موضوع واحد باسم المعامل الشخصية وانقلو الملخصات والمواضيع المميزة عشان ما يضيع مع الزمن // يعطيك العافية .. :)

عشان ما يضيع مع الزمن والا عشان لا تثبتيهم كلهم ؟؟<<تحشير اليييم
امزح معاك والله ..
خدي راحتك بس اهم شي لما تجمعيهم لا تلخبطي الشروح ..
لاني مرة مرة ما فيا حيل اعيد الترتيب ..
وعفكرة في تطبيق على اوكسيد الزئبق في الصفحة التالتة في موضوع الكيمياء اتمنى تضيفيه للصفحة الاولى بعد شرح التثبيت في نفس المشاركة ..دا رابط التطبيق http://www.skaau.com/vb/showthread.php?t=214564&page=3
لاني ما طبقت مباشرة في نفس المشاركة في الكيمياء زي موضوع الفيزياء ,,<< هرجة تلحس المخ ..اتمنى تكوني فهمتي قصدي

يديك الف عافية ..عالاهتمام

[Life as Game]

المشاركة الأصلية كتبت بواسطة LazoOord انت ولد شنطور ومنتاز كمان الله يجزاك خير يلا نستنى معمل المااااااث >> ترى اللي مخالفه اديه عشرطعشر مخالفه :)

ما احوبها منتاز دي
مومتاز و موميز.. دايم يقولوا عني كدا
الموهيم
امين واياك يارب,,
>> والله مافهمت شي من اللي قلتي

المشاركة الأصلية كتبت بواسطة وتر الإحساآآس وعليكم السلاآآم ورحمة الله وبركاآآته أما دا شي خطيير مع إني أحب الكيمو أكثر رووع’ــــــــــــة خ’ـــــــــــــــــيو ربي يسعدكـ ويوفقكـ لكل خ’ـــــــــير ماراح تتوقع مني أسئلة دي المرة << صارت خبرة

اميين يسلمو عالدعوات المكثفة دي
عادي اسئلي وخدي راحتك ..
يسلمو عالمرور

[R-Kh]

المشاركة الأصلية كتبت بواسطة Life as Game عشان ما يضيع مع الزمن والا عشان لا تثبتيهم كلهم ؟؟<<تحشير اليييم امزح معاك والله .. خدي راحتك بس اهم شي لما تجمعيهم لا تلخبطي الشروح .. لاني مرة مرة ما فيا حيل اعيد الترتيب .. وعفكرة في تطبيق على اوكسيد الزئبق في الصفحة التالتة في موضوع الكيمياء اتمنى تضيفيه للصفحة الاولى بعد شرح التثبيت في نفس المشاركة ..دا رابط التطبيق معمل الكيمياء الشخصي .., لاني ما طبقت مباشرة في نفس المشاركة في الكيمياء زي موضوع الفيزياء ,,<< هرجة تلحس المخ ..اتمنى تكوني فهمتي قصدي يديك الف عافية ..عالاهتمام

http://www.skaau.com/vb/showthread.php?t=217912
..
:)