المتقدمين والمتقدمات للماستر في جامعة جــدة

[بارق سما]

المشاركة الأصلية كتبت بواسطة salmannnn ابشركم جاني قبول الحمدلله و طبعا بعد ما فقدت الامل نهائيا .. ماجستير ادارة الموارد البشرية .. و كنت اليوم متواجد بجامعة جدة للمطابقة و الحمدلله قالوا لي سنرسل لك الرقم الجامعي ع رسالة نصية .. و على قد ما انا فرحان على قد ما انا زعلان لانهم فقط اختاروا خمس اشخاص لتخصص ماجستير موارد بشرية .. ابغى اسأل .. الدراسة بالعربي او بالانقلش ؟ الحضور يومي او اسبوعي حسب المحاضرات .. الله يعين المشوار بعيد شوي مع اني من سكان جدة .. ملاحظة هامة: من خلال تواجدي اليوم بجامعة جدة اكتشفت ان الخمس طلاب المختارين كانوا افضل مني في المعدل و اختبار القدرات .. مع ان معدلي التراكمي 4.62 من 5 و درجة القدرات 75 .. يعني دوافير ما شاء الله عليهم .. و كمان قابلت طالب معي قالي ان جامعة الملك عبدالعزيز تعطي العشر درجات ع اساس اللغة و نوع الشهادة (انتساب) مو زي ما قالوا ع حسب قرب التخصص او الدورات .. بمعنى اللي انتساب و معدله مو ممتاز لا يحاول .. لانو انا تقديري ممتاز و حطوني في الاحتياط رقمي 62 و نزل 59 و بعدها سيفون هههههه .. بس جامعة جدة ما قصروا اعطوني 8 من 10 و جامعة الملك اعطوني 3 من 10 .. و تخصصي في البكالوريوس موارد بشرية مع خبرة عشر سنوات في الموارد البشرية و عندي فوق 30 دورة في الادارة و الموارد البشرية و فوقها خمس دبلومات منها دبلومين واحد عام و الاخر متقدم في تخصص الموارد البشرية من جامعة اكسفوورد ببريطانيا .. خلاصة الكلام لا تستسلموا و حاولوا و دوروا واسطات و افعلوا المستحيل و اعيدوا اختبار القدرات و اللغة و خذوا دورات في نفس التخصص .. و تذكروا ان العلم نور و الجهل ظلام ..... و بالتوفيق للجميع ان شاء الله

على البرركه اخوي سلمان . سبحان الله اغلب الكلام اللي كتبته ينطبق علي . انا خرج جامعة الملك فيصل انتساب ادارة اعمال وقدمت على جامعه الملك عبدالعزيز ادارة اعمال معدلي 4.32 والقدرات 91 لكن للاسف عطوني قرب تخصص 3 من 10 وكنت في الاحتياط 16 ونزل لين 2 ووقتها قدمت ماستر موارد بشريه في جامعة جده وعطونيي 8 من 10 قرب تخصص ولم ينم قبولي وكنت في قائمة الاحتياط . فعلا سببحان الله نفس شعورك كنت متفائل بالقبول في جامعة الملك عبدالعزيز ومستبعد قبولي في جامعة جده لان المقاعد 5 فقط . ويوم الاحد جتني رساله بقبولي من قائمة الاحتياط وسرعة المطابقه وفعلا حضرت امس وتمت المطابقه وعطوني خطاب قبول مشروط باحضار موافقه من عملي قبل يوم الخميس . طبعا ماصدقت خبر اليوم الصباح جبت خطاب الموافقه من عملي . قالوا راح نرسل لك الرقم الجامعي .

المهم في الموضوع عندي لك اخبار حلوه ياخوي سلمان

الحضور يومين في الاسبوع الاحد والثلاثاء

المحاضرات راح تكون مابين الساعه 1 الظهر الى الساعه 5 العصر

هذي حسب معلومه قالها لي احد الموظفين بعد نقاش معاه وبالاسلوب قدرت احصل عليها لاني جيتهم اليوم بلبس العمل (عسكري) وطبعا انا من سكان الطايف والمشوار مو بسهل

على العموم سعدت بوجود احد ( 5stars ) وياليت نتواصل مع بعض

والف مبروك مره اخرى