اريد التحويل لكلية الهندسة

[zezo_gangsta]

يعطيكم العافيه تعبتكم معايه

سوال اخير

ان نزلت المواد المشتركه لو نفرض انها 4 مواد بس هذا اللي نزلتها حق الترم ذا اقدر احول بعدها ؟؟؟
او لازم يكون في عدد معين من الساعات ؟او لازم في مواد اخذها غصبا عني ؟؟! زي التحضيري ؟


وكل عام وانتوووووووو بخير ومن العيدين

[أمــير الـــروح]

انت يمديك تنزل اي عدد من الساعات بس الافضل ما تقل عن 8 ساعات عشان ما تنحرم من المكافئة
وانت بألف خير وصحة وسلامة

[ام نايل]

السلام عليكم
ممكن مساعدة
ولدي انقبل في كلية العلوم وان شاء الله ربي يسهل ويحول هندسة
بس ياريت المساعده في ترتيب الرغبات علشان يقدر يحول هندسة
و ما هو تخصص رياضيات فلك وفيزياء فلك
ماالمقصود 70 math 110 الرياضيات
99 bio 110 احياء دقيقة
وما رأيكم بتخصص كيمياء حيوي هل له مجال لو ماانقبل في الهندسة
التخصصـــات اللي نزلت له هي
للترتيب
1.الكيمياء الحيوية 2.الأحياء - نبات 3.الأحياء - أحياء دقيقة 4.الأحياء - حيوان 5.الأحياء - الجيونوميا والتقنية الحيوية 6.الكيمياء 7.الرياضيات 8.رياضيات / فلك 9.فيزياء / فلك 10.الاحصاء

وجزاكم الله خيرا

[bishoo]

أنا نصيحتي لك لو إنت تبغا معددل عاالي
أدخل أي تخصص وخذ مواد حرة بـ3 ساعات وكمان
مواد مشتركة زي الثقافة الاسلامية و العربي
وكلها راح تنحسب لك بعدد الساعات
وأسهل تخصص بالنسبة ليا أنا طبععا الأحياء
ولو دخلت في مواد سهلة زي البيئة و أمن وسلآمة كمان أتوقع
سهلة مع اني مااخدتها لسه وبدي المواد تقدر تجيب معدل بالراحة
ومع المواد الحرة والمشتركة تقدر تجيب معدل وعدد ساعات كمان =)
بالتووفيق ..

[bishoo]

المشاركة الأصلية كتبت بواسطة ام نايل السلام عليكم ممكن مساعدة ولدي انقبل في كلية العلوم وان شاء الله ربي يسهل ويحول هندسة بس ياريت المساعده في ترتيب الرغبات علشان يقدر يحول هندسة و ما هو تخصص رياضيات فلك وفيزياء فلك ماالمقصود 70 math 110 الرياضيات 99 bio 110 احياء دقيقة وما رأيكم بتخصص كيمياء حيوي هل له مجال لو ماانقبل في الهندسة التخصصـــات اللي نزلت له هي للترتيب 1.الكيمياء الحيوية 2.الأحياء - نبات 3.الأحياء - أحياء دقيقة 4.الأحياء - حيوان 5.الأحياء - الجيونوميا والتقنية الحيوية 6.الكيمياء 7.الرياضيات 8.رياضيات / فلك 9.فيزياء / فلك 10.الاحصاء وجزاكم الله خيرا

وعليكم السلآم ورحمة الله وبركاته ،،
أنا أقدر أقولك إنو تخصص الأحياء - الجيونوميا والتقنية الحيوية
داا له مستقببل مرررة جييد ماشاء الله وهو تخصص جديد لسه فتح السنة اللي فاتت
وله مستقبل أكتر من الكيمياء الحيوي .. بس عندنا إحنا البنات طالبين له درجات معينة ف مادة الوراثة و بيولوجي الخلية ..
عند الاولاد مااعرف والله ،،
بس التخصص جديد ومررة حللوو وله مستقبل خصوصا إنو علم جديد
وعلى كلام دكتورتنا " إعتدال " بتقولنا إنو هو " المستقبل " .
تقدري تبحثي عنو وتشوفي ميول ولدك .. وإن شاء الله يتقبل هندسة
وبالتووفيق =)

[ام نايل]

جزاك الله خيرا اخت bishoo
طيب مالمقصود بالدرجة 70 math 110 الرياضيات
99 bio 110 احياء دقيقة

[بيو كيميائية ^_^]

^^^

يعني يكون لازمـ جايب في الماث تبع التحضيري أقل حاجة 70

والأحياء 99

شوفي المواضيع اللي في توقيعي راح تفيدكـ

[ام نايل]

جزاك الله خيرا
للاسف ولدي جايب في الرياضيات 66
والاحياء 95
يعني تخصص رياضيات والاحياء الدقيقة والجيونوميا والتقنية الحيوية
مايقدر يدخلها
وتخصص فيزياء ما طلع له
الله يسهل الامور

[بيو كيميائية ^_^]

^^

مو شرط خليه يحط اللي يبيه الرغبة الأولى ممكن يدخلها لا تخافي

يعني 95 a+ مثل 99