استفسارات عن التربية الخاصة

[قدوتي رسول الله]

بسم الله الرحمن الرحيم
السلام عليكم ورحمة الله وبركاته
ان شاء الله ادخل التربية الخاصة
بس عندي كم سوال
اولا العشرة مواد اقدر اخذها كلها الترم الاول
لنو على حسب علمي الترم الثاني بنختار المسار
ثانيا كيف نوعية الاسئله اختيار من متعدد ولا كيف
ثالثا ايش احسن مسار وهل بيفتحو مسارات جديدة
هذا الاسئلة الي في راسي الحين
وشكراااااااااااااا مقدما

[دانة البحر]

وعليكم السلام ورحمة الله وبركاته
بالنسبة للسؤال الاول والله عن نفسي 10 مواد مرة كثيرة تاخذيها في مرة واحدة لا تحسبي انوا هذا الشي سهل لكن من ناحية تقدري تاخذيها كلها او لأ ؟ تقدري اذا انتي حابه ( لاكن مو شرط تاخذيها كلها عشان تتخصصي فقط هناك كم مادة لها متطلب ولازم تاخذيها عشان تتخصصي وواذا تخصصت تربية خاصة من الخطة حتعرفي المواد اللي لها متطلب)
اما سؤالك الثاني فحسب اللي بيدرسك هوا اللي حيحدد نوعية الاسئلة والله عن نفسي جربت كل انواع الاسئلة ( اختياري - صح وخطا - اكملي - وكمان احيانا يكون في مقالي ) اهم شي زي ماقلتلك حسب الدكتور اللي يدرسك المادة.
اما عن سؤاللك الثالث الى الان في صعوبات تعلم وتوحد واعاقة عقلية وموهبة وعلى السنة الجاية يمكن يفتحوا اعاقة سمعية الله اعلم , وبالنسبة لإيش احسن مسار والله هذا يرجع لك انت لازم تختاري المسار اللي تحسي انوا يناسبك وتقدري تبدعي فيه لاكن الصراحة كل المسارات حلوة

[قدوتي رسول الله]

السلام عليكم ورحمة الله وبركاته
مشكورة ياعزيزتي على الرد بس ياليت توضحي اكثر بالنسبة لسؤال الاول وهل صحيح اقل من9 ساعات ما تاخذي مكافاة والله يعطيك العافية

[قدوتي رسول الله]

up up up up up up up

[حگآيـــة طمۈح..~]

^^^^

بالنسسسسبة للتربيه صعبه 9 ساااعاات مرره ..

للتوضيح ..

المكافاه بالفصل وليس بعدد الساعات وبشرح مفصل نفترض طالب بكلية ا لاداب المدة النظامية ثمانية فصول (اربع سنوات) واخذ الطالب في بعض الفصول عدد ساعات اقل في هذه الحاله الطالب سوف يتبقي عليه مواد حتي يتخرج فيجد نفسه انهى المدة النظامية للمكافاه ويدرس دون مكافاه شهريه.. اما اذا الطالب اتبع الخطة الدراسية كما هي دون تغير فانه يتخرج في وقته المخصص ويكنون قد استلم جميع مكافاته

وأي اسستفسارات اخرى اتمننى يكون في موضضوع الاستفسسارات المثبت ..

http://www.skaau.com/vb/showthread.php?t=368204

[سوراا]

السلام عليكم .. أنا بإذن الله أبغا احول تربيه خاصه بس المشكله عندي في المواصلات
وأهلي حاطين هذا الشي في مقدمة الاهتمامات.. فا انا ابغا اتأكد اذا هما راح ينقلو التربيه الخاصه
للرحاب وكمان ابغا اعرف اذا فيه باصات تودي الرحاب والشرفيه ولا لا؟؟
وبالنسبه للتكاليف انا قرأت هنا في المنتدى انو بعض البنات يقولو انو اساتذتهم يعطوهم تكاليف
زيارات ميدانيه يعني لمراكز وزي كذ, وانا بصراااحه شااايله هم ذا الشي لانو ما فيه احد يودي
ويجيب. وفي نفس الوقت مرررره حاابه ذا القسم.. الله يجزااااهااا الجنه اللي بتجاوبني..

[حگآيـــة طمۈح..~]

سوورآ

اطلعي على هذآ الموضوع كآآآمـــــــــــل ..

http://www.skaau.com/vb/showthread.php?t=368204

وآي اسستفسسآر اتمنى يكون فيه ..

[سوراا]

عارفه اني حوستك اختي حكاية طموح .. بس معليش والله مررره محتاجة احد يجاوبني لانو قرأت الموضوع بس بعض استفساراتي ما لقيت لها اجابه .. بحطها في الموضوع وان شاء الله احد يرد علي..

[سوراا]

بنااات ابغا اسأل فيه في قسم التربيه الخاصه نظام اختبارات يوم الخميس زي في الجامعه ولا لا؟؟
وكمان ابغا اسأل هل كل الدكتورات يطلبو زيارات ميدانيه؟؟ لانو مشكلتي في المواصلات, وآخر شي ابغا اسأل عنه انو انا في الجامعه تخصص نظم وابغا احول تربيه خاصه ولمن رحت طلبو مني كشف درجاتي ومعدلي حق ذا الترم بس السؤال هنا انا ابغا اعرف هل هما راح يطلبو مني اشياء ثانيه اجيبها من الجامعه شهادات او شي زي كذا ؟؟ الله يسعدكم جاااااااوبووووووني

[حگآيـــة طمۈح..~]

المشاركة الأصلية كتبت بواسطة سوراا عارفه اني حوستك اختي حكاية طموح .. بس معليش والله مررره محتاجة احد يجاوبني لانو قرأت الموضوع بس بعض استفساراتي ما لقيت لها اجابه .. بحطها في الموضوع وان شاء الله احد يرد علي..

طيب كآن حططيتي سسؤالك في الموضوع المثبت

وآن ششآء الله مآراح اقصر راح اجآوب بالله أعرفه ..

المشاركة الأصلية كتبت بواسطة سوراا بنااات ابغا اسأل فيه في قسم التربيه الخاصه نظام اختبارات يوم الخميس زي في الجامعه ولا لا؟؟ وكمان ابغا اسأل هل كل الدكتورات يطلبو زيارات ميدانيه؟؟ لانو مشكلتي في المواصلات, وآخر شي ابغا اسأل عنه انو انا في الجامعه تخصص نظم وابغا احول تربيه خاصه ولمن رحت طلبو مني كشف درجاتي ومعدلي حق ذا الترم بس السؤال هنا انا ابغا اعرف هل هما راح يطلبو مني اشياء ثانيه اجيبها من الجامعه شهادات او شي زي كذا ؟؟ الله يسعدكم جاااااااوبووووووني

لا مآآفييي أختبببآآرات يوووم الخميسس ,,!

والزيآآرات لا طبعآآ مو كلهم ممكن زيآآره أو زيآآرتين ..!!

وبالنسسبة للتحويل مآيحتآآج شيء غير كششف درجآآتك ومعددلك مآراح يطآآلبوو بأاشياء ثانية ,,!!

وبالتوووفيق ..!

وآي اسسستفسسآر اخر أتمنى يكوون هنآآ ..

http://www.skaau.com/vb/showthread.php?t=368204