جامعتي تعلمني الأخلاق الحميدة ..!

[آمال وطموح]

بسم الله الرحمن الرحيم



مسائكم صباحكم فل وياسمين ..


اليوم كان عندي ملاحظات بعد ما تفكرت شوي في وضعي في الجامعة


واكتشفت ثلاث صفات طلاب الجامعة يتحلون فيها بالإجبار > يمكن هذا خاص بالطالبات الله اعلم


الكذب
قلة الإحترام
الوقاحة

الطالب الصادق الطيوب اللي يحس انه بعض المحاضرات ما تفيده لو ما كذب وجاب عذر طبي ياخذ حرمان

الطالب اللي يحترم استاذه اللي يطول في الشرح وياخذ وقت فوق الوقت المطلوب يعاقب بالطرد من المحاضرة اللي بعدها او الحضور ولكن غياب > يعني كأنوو مو حاضر

الطالب اللي يناقش بأسلوب طيب ويعتذر عن خطؤه يصير عرضة الى ان الكل يربيه مثلا :

حصل مرة موقف بيني وبين احدى الدكتورات والآدمية لما تعاملت معها بأسلوب وقح احترمتني وابتسمت في وجهي ولما طلعت من الفصل اشتكت للبنات مني وقالت لهم هذا اسلوب اللي تكلمني فيه..؟

لما قابلتها مرة ثانية بعد ما كلموني البنات ابتسمت في وجهي ورحبت فيني وسلمت علي وبمجرد ما اعتذرت على الموقف اللي حصل سابقا لقيت وجهها تغير وبدأت تقول احنا هنا نربي قبل ما نعلم وانتِ ما عندك احترام لأحد وصارت تخاصمني كني بنت صغيرة وغير متربية !!


...

لقيتني قدام ثلاث خيارات :


الخيار الأول اللي هو الكذب >> الحمدلله ولا مرة لجأت له غير في محاضرات الثقافة كنت اقولها اني حضرت وانها كتبتني غياب عشان ما اخذ حرمان لإنه كان حضوري فيه مشقة + اني اذا حضرت يرتفع ضغطي

الخيار الثاني قلة الاحترام وهذا يكون بتجاهل الدكتورة أو الدكتور اللي يشرح بمجرد انتهاء وقته لإن اللي بعدوو ابدا ما تراعيني اذا دخلت متأخر ولو قلت لها انه كان عندي محاضرة تقول مشكلتك انا لي وقتي ولازم تعطيني حقي

الأخير الأسلوب الوقح وهو اني اقتل القتيل وامشي في جنازته

اتعامل بالأسلوب اللي يريحني وانسى الموضوع لإن الاعتذار راح يخليني اقبح مخلوقة على وجه الأرض !!



وش رايكم تحسون اننا نتعلم من الجامعة هذه الأخلاقيات ولا هذا شعوري انا لوحدي..؟